ഭാര്യ സുചിത്രയോടൊപ്പമുള്ള ജമൈക്കൻ സന്ദര്ശനം ആഘോഷമാക്കി മോഹൻലാൽ. യാത്രകളും സംഗീതവും ഏറെ ഇഷ്ടപ്പെടുന്ന താരം തൻ്റെ ഏറെ നാളായുള്ള ആഗ്രഹവും സാക്ഷാത്കരിച്ചിരിക്കുകയാണ്. വിഖ്യാത പോപ് ഗായകൻ ബോബ് മാർളിയുടെ സ്മാരകം സന്ദർശിച്ചിരിക്കുകയാണ് അദ്ദേഹം. ഇതിൻ്റെ ചിത്രങ്ങൾ മോഹൻലാൽ തൻ്റെ സോഷ്യൽ മീഡിയ പേജിലൂടെ പങ്കുവച്ചിട്ടുണ്ട്.
- " class="align-text-top noRightClick twitterSection" data="">
ഏപ്രിൽ ആദ്യവാരം മോഹൻലാൽ കുടുംബവുമൊത്ത് യുഎസ്എയും ന്യൂയോർക്കും സന്ദർശിച്ചതിൻ്റെ ചിത്രങ്ങളും ട്വിറ്ററിൽ പോസ്റ്റ് ചെയ്തിട്ടുണ്ട്.
- " class="align-text-top noRightClick twitterSection" data="">
മോഹൻലാൽ നായകനായെത്തിയ 'ലൂസിഫർ' നൂറ് കോടി ക്ലബില് ഇടംനേടി പ്രദര്ശനം തുടരുകയാണ്. പൃഥ്വിരാജ് സംവിധാനം ചെയ്ത ചിത്രത്തിന് മികച്ച പ്രതികരണമാണ് ലോകമെമ്പാടും ലഭിക്കുന്നത്. നവാഗതനായ ജിബി ജോർജിൻ്റെ സംവിധാനത്തിൽ മോഹൻലാൽ നായകനാകുന്ന 'ഇട്ടിമാണി മെയ്ഡ് ഇൻ ചൈന'യുടെ ഷൂട്ടിങ് ഈ മാസം 25 ന് ആരംഭിക്കും. ഹണി റോസാണ് ചിത്രത്തില് നായിക.