വൈക്കം മുഹമ്മദ് ബഷീറിന്‍റെ കുറേ പുസ്തകങ്ങൾ ആട് തിന്നുവെന്ന് അദ്ദേഹം പറഞ്ഞിട്ടുണ്ട്. എന്നാൽ ആട് ഉടുപ്പ് തിന്നാലോ. ഇതിന്‍റെ രസകരമായ വീഡിയോ പങ്കുവച്ചിരിക്കുകയാണ് മലയാളത്തിന്‍റെ എക്കാലത്തെയും ചോക്ലേറ്റ് പയ്യനായ കുഞ്ചാക്കോ ബോബൻ.
- " class="align-text-top noRightClick twitterSection" data="
">
പുല്ലില്ലെങ്കിൽ പാന്‍റായാലും മതി എന്ന ക്യാപ്ഷനോടെയാണ് താരം വീഡിയോ പങ്കുവച്ചിരിക്കുന്നത്. നടന്‍റെ റിപ്പ്ഡ് ജീൻസും ഷർട്ടും ചവച്ചുതിന്നുന്ന മൂന്ന് ആടുകളുണ്ട് വീഡിയോയിൽ. രസകരമായ വീഡിയോയ്ക്ക് താഴെ ആരാധകരുടെ കമന്‍റുകളുടെ പ്രവാഹമാണ്.
Also Read: രൺവീർ സിങ്ങിന് ജന്മദിനാശംസകളുമായി നടൻ ജീവ
ഗതി കെട്ടാൽ ആട് പാന്‍റും തിന്നും എന്നാണ് ഒരു ആരാധകന്‍റെ കമന്‍റ്. വീഡിയോ ഇൻസ്റ്റഗ്രാമിൽ തരംഗമാണിപ്പോൾ. അടുത്തകാലത്തായി സമൂഹമാധ്യമങ്ങളിലൂടെ താരം നിരന്തരമായി സംവദിക്കാറുണ്ട്. ചാക്കോച്ചന്‍റെ ലോക്ക്ഡൗൺ ചാലഞ്ചും ആരാധകർക്കിടയിൽ തരംഗമായിരുന്നു.
