ഹൈദരാബാദ്: ബോളിവുഡ് താരം വരുൺ ധവാന്റെയും നതാഷ ദലാലിന്റെയും വിവാഹം ഇന്ന്. കൊവിഡ് മാനദണ്ഡങ്ങൾ പാലിച്ച് മുംബൈയിലെ അലിബാഗിൽ അടുത്ത ബന്ധുക്കളും സുഹൃത്തുക്കളും മാത്രം ചടങ്ങിൽ പങ്കെടുക്കും. കുട്ടിക്കാലം മുതലുള്ള വരുണിന്റെ സുഹൃത്താണ് നതാഷ. മുംബൈയിലെ പ്രമുഖ ഫാഷൻ ലേബൽ കൂടിയാണ് നതാഷ ദലാൽ.
ഹിന്ദു ആചാര പ്രകാരം ഇന്ന് ഉച്ചക്കാണ് വിവാഹം നടക്കുന്നതെന്നും റിപ്പോർട്ടുകളുണ്ട്. കഴിഞ്ഞ ദിവസം സംവിധായകൻ ശശാങ്ക് ഖൈത്താന്, ഫാഷൻ ഡിസൈനർ മനീഷ് മൽഹോത്ര എന്നിവർ വിവാഹചടങ്ങിനെത്തുന്ന വീഡിയോ പ്രചരിച്ചിരുന്നു. ഹിന്ദി ചലച്ചിത്ര സംവിധായകൻ ഡേവിഡ് ധവാന്റെയും കരുണ ധവാന്റെയും മകനാണ് വരുൺ ധവാൻ. രാജേഷ് ദലാൽ, ഗൗരി ദലാൽ ദമ്പതികളുടെ മകളാണ് നതാഷ.