Happy Birthday Salman Khan : പിറന്നാള്‍ നിറവില്‍ ബോളിവുഡ്‌ താരം സല്‍മാന്‍ ഖാന്‍. താരത്തിന് ഇന്ന് 56ാം പിറന്നാളാണ്. പന്‍വേലിലെ ഫാം ഹൗസില്‍ വച്ച്‌ ഞായറാഴ്‌ച രാത്രി സല്‍മാന്‍ ഖാന്‍ പിറന്നാള്‍ ആഘോഷിച്ചു. സോഷ്യല്‍ മീഡിയ ഇപ്പോള്‍ ആരാധകരുടെ പിറന്നാള്‍ ആശംസകള്‍ കൊണ്ടും, സന്ദേശങ്ങള്‍ കൊണ്ടും നിറഞ്ഞിരിക്കുകയാണ്.
Salman Khan confirm sequel to No Entry : ആരാധകര്‍ നാളേറെയായി കാത്തിരിക്കുന്ന അനീസ്‌ ബസമീസിന്‍റെ സൂപ്പര്‍ ഹിറ്റ്‌ കോമഡി ചിത്രം 'നോ എന്‍ട്രി'യുടെ രണ്ടാം ഭാഗത്തിന് സല്‍മാന്‍ ഖാന്‍ ഉറപ്പ് നല്‍കിയതായാണ് റിപ്പോര്‍ട്ടുകള്‍. കഴിഞ്ഞ ദിവസം പന്‍വേല്‍ ഫാം ഹൗസില്‍ വച്ച്‌ താരം 'നോ എന്‍ട്രി 2' വിനെ കുറിച്ച് മാധ്യമങ്ങളോട്‌ വ്യക്തമാക്കിയിരുന്നു. 'ടൈഗര്‍ 3' പൂര്‍ത്തിയാക്കിയ ശേഷം 'നോ എന്‍ട്രി'യുടെ രണ്ടാം ഭാഗത്തിലേക്ക് കടക്കുമെന്ന സല്‍മാന്‍ ഖാന്‍ പറഞ്ഞു.
ഇതേ കുറിച്ച് സിനിമയുടെ അടുത്ത വൃത്തങ്ങളും പ്രതികരിച്ചിട്ടുണ്ട്. 'രണ്ടാം ഭാഗത്തിന്‍റെ തിരക്കഥ അനീസ്‌ ബസ്‌മീസ്‌ പൂര്‍ത്തിയാക്കി. സല്‍മാന്‍ ഖാന്‍, അനില്‍ കപൂര്‍, ഫര്‍ദീന്‍ ഖാന്‍ എന്നിവരുടെ അണ്‍ലിമിറ്റഡ്‌ കോമഡിയുമായാണ് ഇത്തവണ എത്തുന്നത്. ചിത്രത്തില്‍ ഒന്‍പത് നായികമാരാണ് ഉള്ളത്. ബോളിവുഡ്‌ ചരിത്രത്തിലെ തന്നെ ഇതുവരെ കണ്ടിട്ടില്ലാത്ത ഒരു വിസ്‌മയമാകും 'നോ എന്‍ട്രി 2'. - സിനിമയോട്‌ അടുത്ത വൃത്തങ്ങള്‍ പ്രതികരിച്ചു.
എല്ലാ വര്‍ഷത്തെ പോലെ ഇത്തവണയും പിറന്നാള്‍ കെങ്കേമമാക്കാന്‍ താരം പന്‍വേലിലെ ഫാം ഹൗസിലെത്തിയിരുന്നു. എന്നാല്‍ ഇതിനിടെ താരത്തിന് പാമ്പ്‌ കടിയേറ്റു. ശനിയാഴ്‌ച രാത്രി പന്‍വേലിലെ ഫാം ഹൗസില്‍ വച്ചാണ് അദ്ദേഹത്തിന് പാമ്പ്‌ കടിയേറ്റത്.
ഉടന്‍ തന്നെ താരത്തെ മുംബൈയിലെ സ്വകാര്യ ആശുപത്രിയില്‍ പ്രവേശിപ്പിച്ചു. വിഷമില്ലാത്ത ഇനം പാമ്പായിരുന്നു കടിച്ചത്. ആശുപത്രിയില്‍ പ്രവേശിപ്പിച്ച താരത്തെ എട്ട് മണിക്കൂറുകള്‍ക്ക് ശേഷം വിട്ടയച്ചു. അദ്ദേഹം ഇപ്പോള്‍ ആരോഗ്യവാനായിരിക്കുകയാണ്.
Salman Khan reacts after snake bite : പാമ്പ്‌ കടിയേറ്റിട്ടും അദ്ദേഹം തന്‍റെ പിറന്നാള്‍ ആഘോഷം മാറ്റിവച്ചില്ല. ഇതിനിടയിലും തമാശ പറഞ്ഞ്‌ ചില ചിത്രങ്ങള്‍ക്ക്‌ സന്തോഷവാനായി പോസ്‌ ചെയ്യുകയും ചെയ്‌തു. പാമ്പ്‌ കടിച്ച ശേഷം ഇതുപോലെ ചിരിക്കാന്‍ വളരെ ബുദ്ധിമുട്ടാണ് എന്നാണ്‌ ആരാധകരോട് പറഞ്ഞത്. ലെതര്‍ ജാക്കറ്റും, വെല്‍വറ്റ്‌ പാന്‍റ്‌സുമണിഞ്ഞ്‌ സുന്ദരനായാണ് സല്‍മാല്‍ ഖാന്‍ പിറന്നാള്‍ ആഘോഷരാവില്‍ പ്രത്യക്ഷപ്പെട്ടത്.
കഴിഞ്ഞ വര്‍ഷവും താരം കുടുംബത്തിനും സുഹൃത്തുക്കള്‍ക്കുമൊപ്പം ഇതേ ഫാം ഹൗസില്‍ പിറന്നാളാഘോഷിക്കാന്‍ എത്തിയിരുന്നു.
Also Read : Barroz promo teaser : കാമറയ്ക്ക് മുന്നിലും പിന്നിലും മോഹൻ ലാല്‍... വീഡിയോ വൈറല്‍
