രാജ്, ഡികെ എന്നിവർ ചേർന്ന് ഒരുക്കിയ ആമസോൺ പ്രൈം സീരീസ് ഫാമിലി മാൻ 2നെതിരെ പ്രതിഷേധം. സീരീസിന്‍റെ ട്രെയിലർ പുറത്തിറങ്ങിയതിന് പിന്നാലെയാണ് ഫാമിലി മാൻ രണ്ടാം സീസണും എല്ലാ ആമസോൺ ഉൽപന്നങ്ങളും ബഹിഷ്കരിക്കണമെന്ന രീതിയിൽ ഹാഷ് ടാഗുകൾ ഉയരുന്നത്.
സീരീസിന്‍റെ രണ്ടാം സീസണിൽ തമിഴ് വിരുദ്ധ ഉള്ളടക്കമെന്ന് ആരോപിച്ചാണ് പ്രതിഷേധം. രാഷ്‌ട്രീയപരമായി തെറ്റായ രീതിയിലും തീവ്രവാദികളായുമാണ് തമിഴ്‌നാടിനെ സീരീസിൽ കാണിച്ചിരിക്കുന്നതെന്നും ആക്ഷേപം ഉയരുന്നു. സംസ്ഥാനത്ത് ഫാമിലി മാൻ 2 പ്രദർശിപ്പിക്കാൻ അനുവദിക്കില്ലെന്നും തമിഴ്‌നാടിന് ഐഎസ്ഐഎസുമായി ബന്ധമുണ്ടെന്നാണ് ട്രെയിലറിൽ സൂചിപ്പിച്ചിരിക്കുന്നതെന്നും ഒരു കൂട്ടർ വാദിച്ചു.
More Read: നായികയില്‍ നിന്നും പ്രതിനായികയിലേക്ക്, ദി ഫാമിലിമാന്‍ സീസണ്‍ 2വില്‍ കസറി സാമന്ത
മനോജ് ബാജ്പേയിക്കൊപ്പം പ്രിയാമണി, സാമന്ത അക്കിനേനി എന്നിവരും സീരീസിൽ മുഖ്യതാരങ്ങളാകുന്നു. ജൂൺ നാലിനാണ് ഫാമിലി മാൻ സീസൺ 2 റിലീസ്.
