തെലങ്കാന: അടുത്തിടെയായി വാര്‍ത്ത തലകെട്ടുകളില്‍ ഇടംപിടിച്ച പേരാണ് മലൈക അറോറ. നടി, നര്‍ത്തകി, മോഡല്‍ എന്നീ നിലകളില്‍ പ്രശസ്‌തയാണ് മലൈക അറോറ. വീഡിയോ ജോക്കിയായി കരിയര്‍ തുടങ്ങിയ മലൈക അവിടെ നിന്നും മോഡലിംഗിലേയ്‌ക്കു തിരിയുകയായിരുന്നു. മോഡലിംഗ്‌ രംഗത്ത്‌ നിന്നും സിനിമയിലേക്കും.. പിന്നീട്‌ ബോളിവുഡില്‍ ഐറ്റം ഡാന്‍സുകളുടെ പര്യായമായി മാറി മലൈക അറോറ.
- " class="align-text-top noRightClick twitterSection" data="
">
മണിരത്‌നം ചിത്രം 'ദില്‍ സേയി'ല്‍ ഷാരൂഖ്‌ ഖാനൊപ്പം ചയ്യ ചയ്യ എന്ന സൂപ്പർഹിറ്റ് ഡാൻസ് നമ്പറിലൂടെ പ്രേക്ഷകര്‍ക്ക്‌ സുപരിചിതയായി. മലൈകയുടെ ആദ്യ ചിത്രം കൂടിയായിരുന്നു 'ദില്‍ സേ'. പിന്നീട്‌ 'മുന്നി ബദ്നാം ഹുയി', 'മാഹി വേ' എന്നിവയുൾപ്പെടെ നിരവധി ഐറ്റം ഡാന്‍സുകള്‍ ചെയ്‌ത്‌ ബിഗ്‌ സ്ക്രീനില് തിളങ്ങാനായി മലൈകയ്‌ക്ക്‌.
- " class="align-text-top noRightClick twitterSection" data="
">
Malaika Arora on her item songs: നമ്രത സക്കരിയയുമായുള്ള സംഭാഷണത്തില്‍ ഐറ്റം ഡാന്‍സുകളെ കുറിച്ച്‌ തുറന്നു പറയുകയായിരുന്നു മലൈക അറോറ. ഐറ്റം ഡാന്‍സുകള്‍ സ്‌ത്രീകളെ വസ്‌തുനിഷ്‌ഠമാക്കുന്നതാണെന്ന്‌ വിമര്‍ശിക്കപ്പെട്ടപ്പോള്‍, താന്‍ ചെയ്‌ത ഐറ്റം നമ്പറുകളെ ന്യായീകരിച്ചിരിക്കുകയാണ് മലൈക അറോറ. ജനപ്രിയ അഭിപ്രായത്തിന് വിരുദ്ധമായി ഇത്‌ എനിക്കൊരു വിമോചന അനുഭവമാണെന്നാണ്‌ മലൈക പറയുന്നത്‌. ഐറ്റം നമ്പരുകൾ ഇപ്പോൾ ബോളിവുഡ് സിനിമകളുടെ സത്തയാണെന്നും മലൈക പറഞ്ഞു.
'നമ്മുടെ ജീവിതത്തിന്‍റെ ആഘോഷമാണ് സിനിമകള്‍. ജീവിതത്തേക്കാള്‍ വലുതാണ് സിനിമ. എന്നാല്‍ ഇന്ന്‌ അങ്ങനെയല്ല. ഞാന്‍ ഐറ്റം ഡാന്‍സുകള്‍ ചെയ്‌തപ്പോള്‍, ഞാന്‍ അത്തരം ഡാന്‍സുകളുടെ ഒരു ഭാഗമായപ്പോള്‍, എനിക്ക്‌ അതൊരു വിമോചനമായിരുന്നു. ശരിക്കും വിമോചനമായിരുന്നു.'- മലൈക അറോറ.
'ഈ സ്‌ത്രീയായും ഒരു ആഗ്രഹ വസ്‌തുവായും സ്ക്രീനില് വരാന്‍ കഴിയുമെന്ന്‌ എനിക്ക്‌ തോന്നി. എന്നെ സംബന്ധിച്ചിടത്തോളം അത് വളരെ വിമോചനമായിരുന്നു. 'ദൈവമേ, നീ ഒബ്‌ജക്റ്റ് ചെയ്യപ്പെടുന്നു' എന്ന രീതിയിൽ ഞാൻ അതിനെ ഒരിക്കലും നോക്കിയിട്ടില്ല. എന്നെ സംബന്ധിച്ചിടത്തോളം ഞാൻ നിയന്ത്രണത്തിലാണെന്ന് തോന്നി.
ഞാൻ എന്തായാലും ആ സ്‌ത്രീകളിൽ ഒരാളാണ്. നിയന്ത്രണത്തിൽ ആയിരിക്കാൻ ഞാൻ ഇഷ്‌ടപ്പെടുന്നു. എന്‍റെ സ്വന്തം വിധിയുടെ യജമാനനാകാൻ ഞാൻ ഇഷ്‌ടപ്പെടുന്നു.'- മലൈക അറോറ പറഞ്ഞു.
