മുബൈ: 'എംഎസ്‌ ധോണി: ദ അണ്‍ടോള്‍ഡ് സ്റ്റോറി'യിലൂടെ ബോളിവുഡില്‍ അരങ്ങേറ്റം കുറിച്ച താരമാണ് ദിഷ പഠാണി. സമൂഹ മാധ്യമങ്ങളില്‍ വളരെ സജീവമായ താരം ഫിറ്റ്‌നസിലൂടെയും വര്‍ക്കൗട്ട് വീഡിയോയിലൂടെയും നിരവധി ആരാധകരെ സ്വന്തമാക്കിയിട്ടുണ്ട്. ദിഷ പഠാണി ഇന്‍സ്റ്റഗ്രാമില്‍ പങ്കുവച്ച ഒരു വര്‍ക്കൗട്ട് വീഡിയോ ആണ് സമൂഹ മാധ്യമങ്ങളില്‍ ഇപ്പോള്‍ വൈറല്‍.
ജിമ്മില്‍ ട്രെയിനര്‍ക്കൊപ്പം ബ്ലാക്ക് ഫ്ലിപ്പ് ചെയ്യുന്നതിന്‍റെ ദൃശ്യങ്ങളാണ് വീഡിയോയിലുള്ളത്. ദിഷയുടെ കഴിവിനെ നിരവധി പേര്‍ പ്രശംസിച്ചിട്ടുണ്ട്. 'നിങ്ങളുടെ കഴിവ് മതിപ്പുളവാക്കുന്നു'വെന്ന് ഒരു ആരാധകന്‍ കമന്‍റ് ചെയ്‌തു. 'നിങ്ങള്‍ വളരെ ഫിറ്റാണ്' എന്നാണ് മറ്റൊരാളുടെ കമന്‍റ്.
ദിഷ പഠാണിയുടെ കാമുകന്‍ ടൈഗര്‍ ഷ്രോഫും വീഡിയോക്ക് കമന്‍റ് ചെയ്‌തിട്ടുണ്ട്. ഫയര്‍ ഇമോജിക്കൊപ്പം ക്ലീന്‍ എന്നാണ് ടൈഗര്‍ ഷ്രോഫിന്‍റെ കമന്‍റ്.
സിദ്ധാര്‍ഥ് മല്‍ഹോത്ര നായകനാകുന്ന 'യോദ്ധ'യിലാണ് ദിഷ പഠാണി ഒടുവിലായി അഭിനയിച്ചത്. ചിത്രത്തിന്‍റെ ഷൂട്ടിങ് പൂര്‍ത്തിയായി. ആക്ഷന്‍ ഡ്രാമ ഗണത്തില്‍പ്പെടുന്ന ചിത്രം നവംബറില്‍ തീയറ്ററുകളിലെത്തുമെന്നാണ് പ്രതീക്ഷിക്കുന്നത്. 'ഏക് വില്ലന്‍ റിട്ടേണ്‍സ്', 'മലംഗ് 2' എന്നിവയാണ് പുറത്തിറങ്ങാനുള്ള മറ്റ് ചിത്രങ്ങള്‍.
Also read: ഹൃത്വിക്‌ റോഷന്‍റെ കൈ പിടിച്ച്‌ അജ്ഞാത സുന്ദരി; വീഡിയോ വൈറല്‍
