ബോളിവുഡ് നടൻ അർജുൻ രാംപാലിന് കൊവിഡ്. തനിക്ക് കൊവിഡ് പോസിറ്റീവായെന്ന വിവരം താരം തന്നെയാണ് ഇൻസ്റ്റഗ്രാമിലൂടെ അറിയിച്ചത്.
- " class="align-text-top noRightClick twitterSection" data="
">
വൈറസ് ബാധ കണ്ടെത്തിതിനെ തുടർന്ന് വീട്ടിൽ ക്വാറന്‍റൈനിൽ പ്രവേശിച്ചു. രോഗലക്ഷണങ്ങളില്ല. താനുമായി കഴിഞ്ഞ 10 ദിവസങ്ങളായി സമ്പർക്കത്തിൽ വന്ന എല്ലാവരോടും ആവശ്യമായ മുൻകരുതലുകൾ സ്വീകരിക്കണമെന്നും പരിശോധനക്ക് വിധേയമാകണമെന്നും താരം നിർദേശിച്ചു.
ഇപ്പോഴത്തെ സാഹചര്യം വളരെ ഭയാനകമാണെന്നും എന്നാൽ, ഈ ചെറിയ കാലയളവിനെ ശരിയായ അവബോധത്തോടെ നേരിടുകയാണെങ്കിൽ ദീർഘ കാലത്തേക്ക് അത് ഗുണം ചെയ്യുമെന്നും നടൻ ആരാധകരോട് പറഞ്ഞു. ഇതിനായി നമുക്ക് ഒരുമിച്ച് നിന്ന് കൊവിഡിനെതിരെ പോരാടാമെന്നും അർജുൻ രാംപാൽ ഇൻസ്റ്റഗ്രാം പോസ്റ്റിൽ വ്യക്തമാക്കി.
