ലോകമെമ്പാടും നിരവധി ആരാധകരുള്ള വെബ് സീരിസാണ് മണി ഹൈസ്റ്റ്. 2017ലാണ് സ്പാനിഷ് സീരിസായ മണി ഹൈസ്റ്റ് സംപ്രേഷണം ആരംഭിക്കുന്നത്. സ്പെയിനിലെ ആന്‍റിന 3 ചാനലിന് വേണ്ടിയായിരുന്നു ഈ സീരിസ് ഒരുക്കിയത്. പിന്നീട് നെറ്റ്ഫ്ലിക്സ് ഈ സീരിസ് ഏറ്റെടുക്കുകയായിരുന്നു. വെബ് സീരിസായി സംപ്രേഷണം ആരംഭിച്ചതോടെ ഒരോ കഥപാത്രത്തിനും നിരവധി ആരാധകരുണ്ടായി. സീരിസിലെ പ്രധാന കഥാപാത്രമായ പ്രൊഫസര്‍ക്കും നിരവധി ആരാധകരുണ്ട്. മണി ഹൈസ്റ്റ് സിനിമയാക്കിയാല്‍ ആര് പ്രൊഫസര്‍ കഥാപാത്രത്തെ അവതരിപ്പിക്കുന്നതാകും മികച്ച് നില്‍ക്കുകയെന്നത് ഏറെ നാളുകളായി സമൂഹമാധ്യമങ്ങളില്‍ നടക്കുന്ന ചര്‍ച്ചയാണ്.
ഇപ്പോള്‍ സ്വയം സന്നദ്ധത അറിയിച്ച് രംഗത്തെത്തിയിരിക്കുകയാണ് ബോളിവുഡിന്‍റെ യുവതാരം ആയുഷ്മാന്‍ ഖുറാന. പ്രൊഫസറുടെ കയ്യിലുള്ളതുപോലൊരു കണ്ണടയുമായി പിയാന വായിക്കുന്ന വീഡിയോ ഇന്‍സ്റ്റഗ്രാമില്‍ പങ്കുവെച്ചുകൊണ്ടായിരുന്നു ആയുഷ്മാന്‍റെ വെളിപ്പെടുത്തല്‍. പിയാനോയിൽ മണി ഹൈസ്റ്റിലെ ‘ബെല്ലാ ചാവോ’ എന്ന ഗാനമാണ് അദ്ദേഹം വായിക്കുന്നത്. ഇതുപോലൊരു കഥാപാത്രം ചെയ്യാൻ കാത്തിരിക്കുകയാണെന്നും ഫിലിം മേക്കേർസ് നിങ്ങള്‍ ഇത് കേൾക്കണമെന്നും താരം പറഞ്ഞു.
‘ല കാസ ദെ പാപ്പെല്‍’ എന്നാണ് ഈ സീരിസിന്‍റെ സ്പാനിഷ് പേര്. ദ് ഹൗസ് ഓഫ് പേപ്പര്‍ എന്നാണ് ഈ സ്പാനിഷ് വാക്കിന്‍റെ അര്‍ഥം. അലെക്സ് പീന്യയാണ് ഈ സീരിസിന്‍റെ സംവിധാനം നിര്‍വഹിച്ചിരിക്കുന്നത്. ചാനലില്‍ 15 എപ്പിസോഡുകളായി കാണിച്ചിരുന്ന ഈ സീരിസ് നെറ്റ്ഫ്ലിക്സ് ഏറ്റെടുത്തതോടെ രണ്ട് സീസണുകളാക്കുകയും ആദ്യ സീസണ്‍ 13 എപ്പിസോഡായും രണ്ടാമത്തെ സീസണ്‍ 9 എപിസോഡായും മാറ്റി ആകെ 22 എപിസോഡ് ആക്കി സംപ്രേഷണം ചെയ്യുകയായിരുന്നു. മൂന്നാമത്തെ സീസണ്‍ 8 എപ്പിസോഡുകളായി നെറ്റഫ്ലിക്സ് ഒറിജിനല്‍ സീരിസായി കഴിഞ്ഞ വര്‍ഷം ജൂലായില്‍ സംപ്രേക്ഷണം ചെയ്തു. നാലാമത്തെ സീസൺ ഈ വർഷവും റിലീസ് ചെയ്തു.
- " class="align-text-top noRightClick twitterSection" data="
">
അന്ധധുന്‍ എന്ന സിനിമയിലെ അഭിനയത്തിലൂടെ 2019ലെ മികച്ച നടനുള്ള ദേശീയ അവാര്‍ഡ് ആയുഷ്മാന്‍ ഖുറാനക്ക് ലഭിച്ചിരുന്നു.
