Alia Bhatt receives a heartfelt wish: ബോളിവുഡ്‌ താര സുന്ദരി ആലിയ ഭട്ടിന്‍റെ 29ാം ജന്മദിനമാണ് ഇന്ന്‌. പിറന്നാള്‍ ദിനത്തില്‍ നിരവധി പേരാണ് താരത്തിന് ആശംസകള്‍ നേര്‍ന്ന്‌ രംഗത്തെത്തിയിരിക്കുന്നത്‌. ഈ പിറന്നാള്‍ ദിനത്തില്‍ താരത്തിന് മുതിര്‍ന്ന താരം നീതു കപൂറില്‍ നിന്നും ജന്മദിനാശംകള്‍ ലഭിച്ചിരിക്കുകയാണ്. ആലിയയുടെ കാമുകന്‍ രണ്‍ബീര്‍ കപൂറിന്‍റെ അമ്മയാണ് നീതു കപൂര്‍. ഏറെ വര്‍ഷങ്ങളായി ആലിയയും രണ്‍ബീറും തമ്മില്‍ പ്രണയത്തിലാണ്.
Neetu Kapoor's heartfelt note to Alia Bhatt: ആലിയക്കൊപ്പമുള്ള ഒരു മനോഹര ചിത്രം സോഷ്യല്‍ മീഡിയയില്‍ പങ്കുവച്ചു കൊണ്ടാണ് നീതു കപൂര്‍ ആലിയക്ക്‌ പിറന്നാള്‍ ആശംസകള്‍ നേര്‍ന്നത്‌. 'വളരെ മനോഹര ഹൃദയമുള്ള നിനക്ക്‌ ജന്മദിനാശംസകള്‍.' -ഇപ്രകാരമാണ് ഇന്‍സ്‌റ്റഗ്രാം സ്‌റ്റോറിയില്‍ രണ്‍ബീര്‍ കപൂറിന്‍റെ അമ്മ കുറിച്ചത്‌.
Alia Bhatt birthday plans: സഹോദരി ഷഹീന്‍ ഭട്ട്‌, അമ്മ സോണി റസ്‌ദാന്‍ എന്നിവര്‍ക്കൊപ്പം അവധി ആഘോഷിക്കുകയാണ് ആലിയ. ആലിയയുടെ പിറന്നാള്‍ ആഘോഷിക്കാന്‍ മൂവരും മാലിദ്വീപില്‍ എത്തിച്ചേര്‍ന്നതായാണ് റിപ്പോര്‍ട്ടുകള്‍. അതേസമയം ആലിയയുടെ പിറന്നാള്‍ ആഘോഷിക്കാന്‍ രണ്‍ബീര്‍ എത്തിച്ചേരുമോ എന്ന കാര്യത്തില്‍ വ്യക്തതയില്ല.
Alia Bhatt Rambir Kappor affair: രണ്ട്‌ വര്‍ഷത്തിനകം ഇരുവരും വിവാഹിതരാകുമെന്നാണ്‌ റിപ്പോര്‍ട്ടുകള്‍. കൊവിഡ്‌ മഹാമാരി ഇല്ലായിരുന്നെങ്കില്‍ താനും ആലിയയും നേരത്തെ തന്നെ വിവാഹിതരാകുമായിരുന്നു എന്ന് മുമ്പൊരു അഭിമുഖത്തില്‍ രണ്‍ബീര്‍ പറഞ്ഞിരുന്നു.
Alia Bhatt upcoming movies: സഞ്ജയ്‌ ലീല ബന്‍സാലി ചിത്രം 'ഗംഗുഭായ്‌ കത്യവാടി' ആണ് ആലിയയുടെ ഏറ്റവും ഒടുവിലായി പുറത്തിറങ്ങിയ ചിത്രം. ചിത്രം 100 കോടി ക്ലബ്ബിലും ഇടംപിടിച്ച്‌ ഇപ്പോഴും തിയേറ്ററുകളില്‍ മുന്നേറുകയാണ്. ചിത്രത്തിലെ ആലിയയുടെ മികച്ച പ്രകടനവും ഏവരെയും ആകര്‍ഷിച്ചു. 'ആര്‍ആര്‍ആര്‍' ആണ് ആലിയയുടെ റിലീസിനൊരുങ്ങുന്ന ചിത്രം. രണ്‍ബീറിനൊപ്പമുള്ള 'ബ്രഹ്‌മാസ്‌ത്ര' ആണ് ആലിയയുടെ മറ്റൊരു പുതിയ ചിത്രം. ഇരുവരും 'ബ്രഹ്‌മാസ്‌ത്ര'യിലൂടെയാണ് ആദ്യമായി ഒന്നിച്ചെത്തുന്നത്‌.
