Bachchhan Paandey poster: ബോളിവുഡ്‌ സൂപ്പര്‍ താരം അക്ഷയ് കുമാറിന്‍റെ ഏറ്റവും പുതിയ ചിത്രമായ 'ബച്ചന്‍ പാണ്ഡേ'യുടെ പുതിയ പോസ്‌റ്റര്‍ പുറത്ത്‌. 'ബച്ചന്‍ പാണ്ഡേ'യില്‍ താരത്തിന്‍റെ കഥാപാത്രത്തെ കൂടുതല്‍ വ്യക്തമാക്കുന്ന ക്യാരക്‌ടര്‍ പോസ്‌റ്ററാണ് അണിയറപ്രവര്‍ത്തകര്‍ പുറത്തുവിട്ടത്‌.
- " class="align-text-top noRightClick twitterSection" data="">
Bachchan Pandey trailer release: പോസ്‌റ്ററിനൊപ്പം ട്രെയ്‌ലര്‍ റിലീസും അണിയറപ്രവര്‍ത്തകര്‍ പുറത്തുവിട്ടിട്ടുണ്ട്‌. 2022 ഫെബ്രുവരി 18നാണ് 'ബച്ചന്‍ പാണ്ഡേ' ട്രെയ്‌ലര്‍ പുറത്തിറങ്ങുക.
Akshay Kumar new avatar: നീല കണ്ണുകളുമായി സാള്‍ട്ട്‌ ആന്‍ഡ്‌ പെപ്പര്‍ ലുക്കിലാണ് താരം പോസ്‌റ്ററില്‍ പ്രത്യക്ഷപ്പെടുന്നത്‌. ഒരു തലപ്പാവും അണിഞ്ഞിട്ടുണ്ട്‌. ക്യാരക്‌ടര്‍ പോസ്‌റ്റര്‍ അക്ഷയ് കുമാര്‍ തന്‍റെ ഇന്‍സ്‌റ്റഗ്രാം, ഫേസ്‌ബുക്ക്‌, ട്വിറ്റര്‍ എന്നീ അക്കൗണ്ടുകളിലും പങ്കുവച്ചിട്ടുണ്ട്‌.
Akshay Kumar different shades in Bachchan Pandey: 'വ്യത്യസ്‌തമായ ഷേയ്‌ഡുകളിള്‍ ഒരു കഥാപാത്രം മാത്രം. 'ബച്ചന്‍ പാണ്ഡേ'യ്‌ക്ക്‌ നിങ്ങളുടെ എല്ലാം സ്‌നേഹം നല്‍കുക. ഫെബ്രുവരി 18ന് ട്രെയ്‌ലര്‍ പുറത്തിറങ്ങും.' -പോസ്‌റ്റര്‍ പങ്കുവച്ച് അക്ഷയ് കുമാര്‍ കുറിച്ചു.
Akshay Kumar movie Bachchan Pandey: ടൈറ്റിൽ കഥാപാത്രത്തെയാണ് 'ബച്ചന്‍ പാണ്ഡേ'യില്‍ താരം അവതരിപ്പിക്കുന്നത്‌. ചിത്രത്തിൽ അക്ഷയ് കുമാര്‍ ഒരു ഗ്യാങ്‌സ്‌റ്റര്‍ ആയാണ് വേഷമിടുന്നത്‌.
Akshay Kumar and Kriti Sanon: സിനിമയില്‍ അക്ഷയ് കുമാറിന്‍റെ നായികയായി കൃതി സനന്‍ ആണ് എത്തുക. കൃതി ഒരു പത്രപ്രവര്‍ത്തകയായാണ് വേഷമിടുന്നത്‌.
Bachchan Pandey cast and crew: അക്ഷയ് കുമാർ, കൃതി സനന്‍ എന്നിവരെ കൂടാതെ ചിത്രത്തില്‍ ജാക്വലിൻ ഫെർണാണ്ടസ്, അർഷാദ് വാർസി, സ്നേഹൽ ദാബി, പങ്കജ് ത്രിപാഠി, പ്രതീക് ബാബർ, അഭിമന്യു സിംഗ്, സഹർഷ് കുമാർ ശുക്ല തുടങ്ങിയവരും അഭിനയിക്കുന്നു. ഫര്‍ഹാദ്‌ സാംജി ആണ് സംവിധാനം. സാജിദ് നദിയാദ്‌വാല നിര്‍മാണവും നിര്‍വഹിക്കും.
Jigarthanda remake: തമിഴ് ചിത്രം 'ജിഗർതണ്ട'യുടെ റീമേക്കാണ് 'ബച്ചൻ പാണ്ഡേ' എന്നാണ് റിപ്പോര്‍ട്ടുകള്‍. കാർത്തിക് സുബ്ബരാജ് സംവിധാനം ചെയ്‌ത 'ജിഗർതണ്ട' വന്‍ ഹിറ്റായിരുന്നു.
Bachchhan Paandey release: മാർച്ച് 18ന് 'ബച്ചന്‍ പാണ്ഡേ' തിയേറ്റര്‍ റിലീസായി പ്രേക്ഷകര്‍ക്ക്‌ മുമ്പിലെത്തും. ആക്ഷൻ, കോമഡി, റൊമാൻസ്, ഡ്രാമ എന്നീ എല്ലാ ചേരുവകളും അടങ്ങുന്ന ഈ ചിത്രം ഹോളി ആഘോഷങ്ങള്‍ക്കിടെ ആരാധകര്‍ക്ക്‌ മികച്ച ട്രീറ്റായിരിക്കും സമ്മാനിക്കുകയെന്ന്‌ നേരത്തെ അക്ഷയ് കുമാര്‍ പറഞ്ഞിരുന്നു.
കൊവിഡ്‌ പ്രതിസന്ധിക്കിടെയായിരുന്നു 'ബച്ചന്‍ പാണ്ഡേ'യുടെ ചിത്രീകരണം. ഇതിനോടകം തന്നെ സിനിമ സെറ്റില്‍ നിന്നുള്ള നിരവധി ചിത്രങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടുണ്ട്‌.
Akshay Kumar upcoming movies: 'രാം സേതു', 'രക്ഷാ ബന്ദന്‍', 'സെൽഫി', 'ബഡേ മിയാൻ ചോട്ടെ മിയാൻ' എന്നിവയാണ് അണിയറയിൽ ഒരുങ്ങുന്ന അക്ഷയ് കുമാറിന്‍റെ മറ്റ്‌ ചിത്രങ്ങള്‍.
Also Read: 'ഭീംല നായക്' കാണാന്‍ പണം നല്‍കിയില്ല ; 11 വയസ്സുകാരന്‍ തൂങ്ങിമരിച്ചു
