ബോളിവുഡിലടക്കം സിനിമകള്‍ ചെയ്‌ത് മുന്‍നിര നായികമാരുടെ പട്ടികയില്‍ ഇടംപിടിച്ച തെന്നിന്ത്യന്‍ സുന്ദരിയാണ് നിത്യാ മേനോന്‍. എല്ലാ ഭാഷകളിലെയും സൂപ്പതാരങ്ങള്‍ക്കൊപ്പം സിനിമകള്‍ ചെയ്‌ത് കഴിഞ്ഞ നടിയുടെ എല്ലാ സിനിമകള്‍ക്കും വലിയ സ്വീകാര്യത ലഭിക്കാറുണ്ട്. മുടിയില്‍ അധികം പരീക്ഷണങ്ങള്‍ നടത്താറില്ലാത്ത നിത്യ ഇപ്പോഴിതാ പുതിയ ഹെയര്‍ സ്റ്റൈലിലെത്തിയിരിക്കുകയാണ്. ഷോര്‍ട്ട് ഹെയര്‍ സ്റ്റൈലില്‍ മനോഹര പുഞ്ചിരിയുമായി നില്‍ക്കുന്ന നിത്യ മേനോനെ ചിത്രങ്ങള്‍ ആരാധകരും ഏറ്റെടുത്ത് കഴിഞ്ഞു. തന്‍റെ പുതിയ ഹെയര്‍സ്റ്റൈല്‍ എങ്ങനെ ഉണ്ടെന്ന് ചോദിച്ചുകൊണ്ടാണ് നടി പുതിയ ചിത്രം പങ്കുവെച്ചിരിക്കുന്നത്. ഇതിനകം തന്നെ വൈറലായ ചിത്രത്തിന് നിരവധി പേരാണ് കമന്‍റുമായി എത്തിയിരിക്കുന്നത്. അതേസമയം വിജയ് സേതുപതിയും നിത്യ മേനോനും ഒന്നിക്കുന്ന ഇതുവരെ പേരിടാത്ത മലയാള ചിത്രത്തിന്‍റെ ഭാഗമാണ് നടി. ഈ സിനിമയുടെ ഷൂട്ടിംഗ് ഉടന്‍ തന്നെ ആരംഭിക്കും.
- " class="align-text-top noRightClick twitterSection" data="
">
