പ്രീമിയം ലുക്കിൽ ഷവോമിയുടെ പുതിയ 5ജി ബജറ്റ് സ്‌മാർട്ട്‌ഫോൺ: വില പതിനായിരത്തിൽ താഴെ

ഷവോമിയുടെ ആദ്യ 5 ജി സ്‌മാർട്ട്‌ഫോൺ റെഡ്‌മി എ4 5ജി പുറത്തിറക്കി. സ്‌നാപ്‌ഡ്രാഗൺ 4s Gen 2 5G പ്രോസസറിൽ പ്രവർത്തിക്കുന്ന ആദ്യ ഫോണാണിത്.

ഹൈദരാബാദ്: തങ്ങളുടെ ആദ്യ 5 ജി സ്‌മാർട്ട്‌ഫോൺ ആയ റെഡ്‌മി എ4 5ജി ഇന്ത്യയിൽ അവതരിപ്പിച്ച് ചൈനീസ് മൊബൈൽ നിർമ്മാതാക്കളായ ഷവോമി. പതിനായിരം രൂപയിൽ താഴെ വില വരുന്ന ആദ്യത്തെ 5ജി ബജറ്റ്‌ സ്‌മാർട്ട്‌ഫോണാണ് റെഡ്‌മി എ4 5ജി. സ്‌നാപ്‌ഡ്രാഗൺ 4s Gen 2 5G പ്രോസസറിൽ പുറത്തിറക്കിയ ആദ്യ ഫോൺ കൂടിയാണിത്.

കഴിഞ്ഞ വർഷം പുറത്തിറക്കിയ റെഡ്‌മി A3യുടെ നവീകരിച്ച പതിപ്പാണ് ഈ 5ജി ഫോൺ. 6.88 ഇഞ്ച് എച്ച്ഡി പ്ലസ് ഡിസ്‌പ്ലേ വാഗ്‌ദാനം ചെയ്യുന്ന ഫോണിന്‍റെ ക്യാമറയും മികച്ച നിലവാരം പുലർത്തുന്നതാണ്. 2 വർഷത്തെ സോഫ്റ്റ്‌വെയർ അപ്‌ഡേറ്റുകളും 4 വർഷത്തെ സുരക്ഷാ അപ്‌ഡേറ്റുകളും ഉപയോക്താക്കൾക്ക് ലഭ്യമാകുമെന്ന് കമ്പനി അറിയിച്ചിട്ടുണ്ട്. പ്രീമിയം ലുക്ക് ഹാലോ ഗ്ലാസ് ബാക്ക് ഡിസൈനിൽ അവതരിപ്പിച്ചിരിക്കുന്ന ഫോണിന് സൈഡ് മൗണ്ടഡ് ഫിംഗർപ്രിൻ്റ് സ്‌കാനർ നൽകിയിട്ടുണ്ട്.

The #RedmiA4 5G is designed for those who do it all—powered by the @Snapdragon_IN 4s Gen 2 for peak performance.

Experience gigabit 5G, exceptional multitasking, and impressive battery life, all in one device.

Sale starts on 27th Nov, 2024: https://t.co/WJnzQ4COI8 pic.twitter.com/yP9TuXYPGY

— Redmi India (@RedmiIndia) November 19, 2024

5160mAh ബാറ്ററി കപ്പാസിറ്റിയുള്ള ഫോണിന് 18W ഫാസ്റ്റ് ചാർജിങ് ആണ് നൽകിയിരിക്കുന്നത്. 6.66 ഇഞ്ച് ഡിസ്‌പ്ലേ കോളിങ്, ബ്രൗസിങ്, ഗെയിമിങ് എന്നിവ സുഗമമാക്കും. റെഡ്‌മി എ4 5ജിയുടെ എക്‌സ്റ്റീരിയർ ഡിസൈനിനെ കുറിച്ച് പറയുകയാണെങ്കിൽ, പ്രീമിയം ലുക്കിലാണ് ഈ ബജറ്റ് സ്‌മാർട്ട്‌ഫോൺ അവതരിപ്പിച്ചിരിക്കുന്നത്.

റെഡ്‌മി എ4 5ജി ഡിസൈൻ (ഫോട്ടോ: റെഡ്‌മി ഇന്ത്യ)

ഫോണിൻ്റെ പിൻഭാഗത്ത് വൃത്താകൃതിയിലുള്ള ക്യാമറ മൊഡ്യൂൾ പാനൽ നൽകിയിട്ടുണ്ട്. 'സാൻഡ്‌വിച്ച് ഡിസൈൻ' എന്ന പേരിൽ ഡ്യുവൽ ടോൺ ഫിനിഷോടുകൂടിയാണ് കമ്പനി ഇത് അവതരിപ്പിച്ചിരിക്കുന്നത്. 50എംപിയുടെ ഡ്യുവൽ ക്യമാറയ്‌ക്കും 8എംപിയുടെ സെൽഫി ക്യാമറയുമാണ് നൽകിയിരിക്കുന്നത്.

റെഡ്‌മി സ്‌പെസിഫിക്കേഷനുകൾ (ഫോട്ടോ: റെഡ്‌മി ഇന്ത്യ)

ഫീച്ചറുകൾ:

• ഡിസ്‌പ്ലേ: 6.88 ഇഞ്ച് എച്ച്ഡി പ്ലസ് ഡിസ്‌പ്ലേ
• 120 Hz റിഫ്രഷ് റേറ്റ്
• ക്യാമറ: 50 എംപി ഡ്യുവൽ ക്യാമറ, 8എംപി സെൽഫി ക്യാമറ, 10x സൂമിങ്
• പ്രോസസർ: സ്‌നാപ്‌ഡ്രാഗൺ 4s Gen 2 5G
• കളർ ഓപ്‌ഷനുകൾ: സ്റ്റാറി ബ്ലാക്ക്, സ്‌പാർക്കിൾ പർപ്പിൾ
• 600 നിറ്റ്‌സ് ബ്രൈറ്റ്‌നെസ്
• എച്ച്ഡി പ്ലസ് റെസല്യൂഷൻ
• ഐ പ്രൊട്ടക്ഷൻ ഡിസ്‌പ്ലേ
• 50% വോളിയം ബൂസ്റ്റ്
• IP52 വാട്ടർ ആന്‍റ് ഡസ്റ്റ് റെസിസ്റ്റന്‍റ്

Dust and water? Bring it on! 😎
With #RedmiA4 5G and IP52 dust and splash resistance, you’re ready for anything.

Ab #IndiaKarega5G.

Launching on 20.11.2024.
Know more: https://t.co/WJnzQ4COI8 pic.twitter.com/nKqPI5ri4Z

— Redmi India (@RedmiIndia) November 16, 2024

• ചാർജിങ്: 18W ഫാസ്റ്റ് ചാർജിങ്
• ബാറ്ററി: 5160mAh ബാറ്ററി കപ്പാസിറ്റി
• സ്റ്റോറേജ്: 8 ജിബി റാം (4 GB+4 GB വിർച്വൽ റാം), 128 ജിബി ഇന്‍റേണൽ സ്റ്റോറേജ്
• 5G കണക്റ്റിവിറ്റി
• വില: 8,499 രൂപ