എറ്റവും മികച്ച ചികിത്സ ലഭിക്കുന്ന കേരളത്തിലെ അഞ്ച് ആയുർവേദ ആശുപത്രികൾ

ലോകമെമ്പാടും കേരളത്തിലെ ആയുർവേദ ചികിത്സയ്ക്ക് വലിയ സ്വീകാര്യതയാണുള്ളത്. കേരളത്തിലെ ഏറ്റവും മികച്ച അഞ്ച് ആയുർവേദ ആശുപത്രികൾ ഏതൊക്കെയെന്ന് അറിയാം.

ആഗോള മെഡിക്കൽ ടൂറിസം ടെസ്റ്റിനേഷനാണ് കേരളം. രാജ്യത്തിനകത്തും പുറത്തുമുള്ള നിരവധിപേരാണ് ആയുർവേദ ചികിത്സയ്ക്കായി കേരളത്തിലെത്തുന്നത്. തനതായ ആയുർവേദ പാരമ്പര്യമുള്ളതിനാൽ ലോകമെമ്പാടും വലിയ സ്വീകാര്യതയാണ് കേരളത്തിലെ ആയുർവേദ ചികിത്സയ്ക്ക് ലഭിക്കുന്നത്. സൗന്ദര്യ സംരക്ഷണം മുതൽ മാനസിക സമ്മർദ്ദം അകറ്റാനുള്ള ചികിത്സകൾ വരെ ആയുർവേദത്തിലുണ്ട്.

കായ ചികിത്സ, ശല്യ ചികിത്സ, ദംഷിത്ര ചികിത്സ, ഗ്രഹ ചികിത്സ, ബാല ചികിത്സ, ജര ചികിത്സ, വൃഷ്യ ചികിത്സ എന്നിങ്ങനെയുള്ള വിവിധ ആയുർവേദ ചികിത്സകൾ കേരളത്തിൽ ലഭ്യമാണ്. കർക്കിട മാസത്തെ ചികിത്സക്കായി മാത്രം ഓരോ വർഷവും ആയിരക്കണക്കിന് വിദേശികളും അന്യസംസ്ഥാനക്കാരുമാണ് കേരളത്തിലേക്ക് എത്താറുള്ളത്. ഏറ്റവും കൂടുതൽ ആളുകൾ എത്തുന്ന കേരളത്തിലെ ഏറ്റവും മികച്ച അഞ്ച് ആയുർവേദ ആശുപത്രികൾ ഏതൊക്കെയെന്ന് അറിയാം.

Kottakkal Aryavaidyasala (Kottakkal Aryavaidyasala website)

കോട്ടക്കൽ ആര്യവൈദ്യശാല

ഇന്ന് ലോകത്തിൽ ഏറ്റവും കൂടുതൽ പ്രചാരമുള്ള ആയുവേദ ചികിത്സ കേന്ദ്രമാണ് കോട്ടക്കൽ ആര്യവൈദ്യശാല. 1902-ൽ മലപ്പുറം ജില്ലയിലെ കോട്ടക്കലിലാണ് ഈ ആര്യവൈദ്യശാല ആരംഭിച്ചത്. ആയുർവേദ ചികിത്സയ്ക്ക് ഇത്രയധികം സ്വീകാര്യത ലഭിച്ചതിൽ കോട്ടക്കൽ ആര്യവൈദ്യശാലയ്ക്ക് വലിയ പങ്കുണ്ട്. ഇന്ന് രാജ്യത്തുടനീളം 26 ബ്രാഞ്ചുകളാണ് കോട്ടക്കൽ ആര്യവൈദ്യശാലയ്ക്കുള്ളത്.

PVA Ayurvedic Multi-Specialty Hospital (PVA Ayurvedic Hospital website)

പിവിഎ ആയുർവേദിക് മൾട്ടി-സ്പെഷ്യാലിറ്റി ഹോസ്‌പിറ്റൽ

കേരള ടൂറിസം ഗ്രീൻ ലീഫ് സർട്ടിഫിക്കേഷൻ ലഭിച്ച വടക്കൻ കേരളത്തിലെ ഏറ്റവും മികച്ച ആയുർവേദ ആശുപത്രികളിൽ ഒന്നാണ് പിവിഎ ആയുർവേദിക് മൾട്ടി സ്പെഷ്യാലിറ്റി ഹോസ്‌പിറ്റൽ. അഭ്യംഗ, ശിരോധാര, പഞ്ചകർമ്മ, നവര കിഴി, സർവാംഗ ധാര, യോഗ തുടങ്ങിയ എല്ലാ പരമ്പരാഗത ആയുർവേദ ചികിത്സകളും ഇവിടെ നൽകി വരുന്നു.

vaidyaratnam (vaidyaratnam website)

വൈദ്യരത്നം ഔഷധശാല

കേരളത്തിൽ പ്രചാരത്തിലുള്ള മറ്റൊരു ആയുർവേദ കേന്ദമാണ് വൈദ്യരത്നം ഔഷധശാല. പക്ഷാഘാതം, സ്‌പോണ്ടിലൈറ്റിസ്, ഓസ്റ്റിയോ ആർത്രൈറ്റിസ്, സ്ലിപ്പ് ഡിസ്‌ക്, പാർക്കിൻസോണിസം, അവസ്‌കുലാർ നെക്രോസിസ്, ഡിപ്രഷൻ, മൈഗ്രെയ്ൻ, സൈനസൈറ്റിസ്, ത്വക്ക് രോഗങ്ങൾ, ശിശുരോഗങ്ങൾ തുടങ്ങിയ രോഗങ്ങൾക്ക് ഫലപ്രദമായ ചികിത്സ ഇവിടെ നൽകി വരുന്നു.

Dhatri Ayurveda Hospital & Panchakarma Center (Dhatri Ayurveda Hospital website)

ധാത്രി ആയുർവേദ ഹോസ്‌പിറ്റൽ & പഞ്ചകർമ സെൻ്റർ

തെക്കൻ കേരളത്തിൽ മികച്ച ആയുർവേദ ആശുപത്രികളിൽ ഒന്നാണിത്. നേരത്തെ വാരിയേഴ്‌സ് ഹോസ്‌പിറ്റൽ എന്നായിരുന്നു ഇത് അറിയപ്പെട്ടിരുന്നത്. സ്ട്രെസ്, നട്ടെല്ല്, സന്ധി രോഗങ്ങൾ, ചർമ്മം, കേശ സംമ്പന്ധമായ പ്രശ്‌നങ്ങൾ, ജീവിതശൈലി തകരാറുകൾ എന്നിവയ്ക്കുള്ള പ്രത്യേക ചികിത്സകൾ ഇവിടെ ലഭ്യമാണ്.

Nagarjuna Ayurvedic Centre (Nagarjuna Ayurvedic Centre website)

നാഗാർജുന ആയുർവേദിക് സെൻ്റർ

കേരളത്തിൽ മികച്ച ആയുർവേദ ചികിത്സകൾ ലഭിക്കുന്ന ആശുപത്രികളിൽ ഒന്നാണ് നാഗാർജുന ആയുർവേദിക് സെൻ്റർ. ശാസ്ത്രീയമായ പരമ്പരാഗത ആയുർവേദ ചികിത്സകളാണ് ഇവിടെ നൽകുന്നത്. എറണാകുളം ജില്ലയിലെ കാലടിയിൽ പെരിയാർ നടിയുടെ തീരത്താണ് ഈ ആയുവേദ ആശുപത്രി സ്ഥിതി ചെയ്യുന്നത്.