ആപ്പിൾ വികസിപ്പിച്ചെടുത്ത ഡെസ്ക്ടോപ്പ് കമ്പ്യൂട്ടറാണ് ലിസ. വ്യക്തിഗത ബിസിനസ് ഉപയോക്താക്കളെ ലക്ഷ്യമിട്ടുള്ള ഒരു മെഷീനിൽ ഗ്രാഫിക്കൽ യൂസർ ഇന്റർഫേസ് അവതരിപ്പിക്കുന്ന ആദ്യത്തെ സ്വകാര്യ കമ്പ്യൂട്ടറുകളിൽ ഒന്നാണിത്. ആപ്പിൾ പിന്നീട് നിർമിച്ച മാക്കിന്റോഷ്, ലിസയുടെ പിൻഗാമി അല്ലെങ്കിലും സാമ്യതകൾ ഉണ്ടായിരുന്നു.
സവിശേഷതകൾ:
- 9,995 യുഎസ് ഡോളർ ചിലവിൽ 1983 ജനുവരി 19 നാണ് ലിസ ആദ്യമായി അവതരിപ്പിച്ചത്.
- ജിയുഐയും മൗസും ഉള്ള ആദ്യത്തെ വാണിജ്യ സ്വകാര്യ കമ്പ്യൂട്ടറുകളിൽ ഒന്നാണിത്.
- അഞ്ച് മെഗാഹെർട്സ് ക്ലോക്ക് റേറ്റിൽ മോട്ടറോള 68,000 സിപിയുവും ഒൺ എംബി റാം ആയി എത്തി.
- ആദ്യമായി അവതരിപ്പിച്ച ലിസ കമ്പ്യൂട്ടറിന് അഞ്ചേകാല് ഇഞ്ച് ഇരട്ട-വശങ്ങളുള്ള ഫ്ലോപ്പി ഡിസ്ക് ഡ്രൈവുകളോടെയുള്ള രണ്ട് ആപ്പിൾ ഫയൽവെയറുകൾ ഉണ്ടായിരുന്നു. ഇത് സാധാരണയായി ആപ്പിളിന്റെ ആന്തരിക കോഡ് നാമമായ “ട്വിഗ്ഗി” എന്ന് അറിയപ്പെടുന്നു.
- ലിസ ഓപ്പറേറ്റിംഗ് സിസ്റ്റത്തിൽ ആദ്യമായി മൾട്ടിടാസ്കിംഗ്, വെർച്വൽ മെമ്മറി എന്നിവ ഉൾപ്പെട്ടിരുന്നു.
- എന്നാൽ വെർച്വൽ മെമ്മറിയുടെ ഉപയോഗവും വളരെ വേഗത കുറഞ്ഞ ഡിസ്കുകളും കമ്പ്യൂട്ടറിന്റെ പ്രകടനത്തെ ബാധിച്ചിരുന്നു.
- ഉപയോക്താക്കള്ക്കായി ജിയുഐ എൺവയോൺമെന്റിലാണ് ലിസ ഓഫീസ് സിസ്റ്റം പ്രവർത്തിച്ചിരുന്നത്.
- ഏഴ് ആപ്ലിക്കേഷൻ പ്രോഗ്രാമുകളെ അടിസ്ഥാനപ്പെടുത്തി ലിസ ഓഫീസ് സിസ്റ്റത്തെ “7/7” എന്ന് പുനർനാമകരണം ചെയ്തിരുന്നു. ലിസ റൈറ്റ്, ലിസ കാൽക്, ലിസ ഡ്രോ, ലിസ ഗ്രാഫ്, ലിസ പ്രൊജക്ട്, ലിസ ലിസ്റ്റ്, ലിസ ടെർമിനൽ എന്നിവയാണവ.
- ആപ്പിൾ ലിസ ഇന്ന് വിപണയിൽ ഇറക്കിയിരുന്നെങ്കിൽ അതിന് 25,000 യുഎസ് ഡോളർ വരെ വിലമതിക്കുമായിരുന്നു.
- തന്റെ മകളുടെ പേരാണ് സ്റ്റീവ് ജോബ്സ് കമ്പ്യൂട്ടറിന് നൽകിയിരിക്കുന്നത്.
- 1980 ൽ സ്റ്റീവ് ജോബ്സ് ആപ്പിൾ ലിസ പ്രോജക്റ്റ് ഉപേക്ഷിക്കാൻ നിർബന്ധിതനായിരുന്നു. അതിനാൽ അദ്ദേഹം പിന്നീട് മാക്കിന്റോഷ് കമ്പ്യൂട്ടര് പദ്ധതിയിലാണ് ശ്രദ്ധ കേന്ദ്രീകരിച്ചിരുന്നത്.
- ആപ്പിൾ ലിസയുടെ അവസാന പതിപ്പായിരുന്നു മാക്കിന്റോഷ് എക്സെല്.
- 1984 ൽ ആപ്പിൾ ലിസ II പുറത്തിറങ്ങിയപ്പോൾ അതിന്റെ വില 3,495 ഡോളറിനും 5,495 യുഎസ് ഡോളറിനും ഇടയിലായിരുന്നു. ആദ്യത്തെ പതിപ്പിൽ ഉപയോഗിച്ച ട്വിഗ്ഗി ഡബിൾ ഡ്രൈവുകൾക്ക് പകരം സോണി മൈക്രോഫ്ലോപ്പി ഡ്രൈവാണ് സെക്കന്റിൽ ഉണ്ടായിരുന്നത്.
- ലിസയുടെ രണ്ടാം പതിപ്പ് അവതരിപ്പിച്ചപ്പോൾ ട്വിഗ്ഗി ഡ്രൈവുകൾക്ക് പകരം ആദ്യ പതിപ്പിൽ പുതിയ 3.5 ഡിസ്കുകൾ എക്സെഞ്ച് ഓഫറായി നൽകിയിരുന്നു.
- ആപ്പിൾ ലിസക്ക് എക്സ്പാൻഷൻ സ്ലോട്ടുകൾ ഉണ്ടായിരുന്നതിനാൽ സിപിയുവിന്റെ അപ്ഗ്രഡേഷന് സാധ്യമായിരുന്നു.
- എന്നാൽ അധിക വിലയാൽ വിപണിയിൽ ആപ്പിളിന്റെ ചരിത്രത്തിൽ തന്നെ ഏറ്റവും പരാജയപ്പെട്ട പതിപ്പായിരുന്നു ആദ്യത്തെ ലിസ.
- അന്നത്തെ ഉപയോക്താക്കൾ വില വളരെ ഉയർന്നതാണെന്ന് അറിഞ്ഞ് വിലകുറഞ്ഞ ഐബിഎം പിസികൾ വാങ്ങിയിരുന്നു.
- എന്നാൽ 1984ൽ ആപ്പിൾ മാക്കിന്റോഷ് പുറത്തിറക്കിയപ്പോൾ അത് ലിസയെക്കാളും സ്വീകരിക്കപ്പെട്ടു.
- 1986ൽ ആപ്പിൾ ലിസ/ എക്സെല് ഉടമകൾക്ക് അവരുടെ കമ്പ്യൂട്ടറുകൾ തിരികെ നൽകിയാൽ 1,498 ഡോളറും ഒരു മാക്കിന്റോഷ് പ്ലസ് കമ്പ്യൂട്ടറും ഹാർഡ് ഡിസ്കും നൽകാമെന്ന് കമ്പനി ഓഫർ നൽകിയിരുന്നു.
- ആപ്പിൾ ലിസയുടെ ഏറ്റവും വലിയ ഉപഭോക്താക്കളിൽ ഒന്ന് നാസയായിരുന്നു.