വാഷിങ്ടണ്‍: ഡെസ്‌ക്‌ടോപ്പ് കമ്പ്യൂട്ടറുകൾക്കായി അണിയറയിലൊരുങ്ങുന്ന ഗ്രാഫിക്സ് കാർഡുകളെക്കുറിച്ചുള്ള വിശദാംശങ്ങൾ പുറത്തുവിട്ട് അമേരിക്കൻ മൾട്ടിനാഷണൽ കോർപ്പറേഷൻ ടെക്‌നോളജി കമ്പനിയായ ഇന്റൽ. ഡെസ്‌ക്‌ടോപ്പ് കമ്പ്യൂട്ടറുകള്‍ക്കുള്ള ആർക്ക്-സീരീസ് ഡിസ്‌ക്രീറ്റ് ഗ്രാഫിക്സ് കാർഡുകളെക്കുറിച്ചുള്ള വിവരങ്ങളാണ് കമ്പനി പുറത്തുവിട്ടത്. പ്രമുഖ ശാസ്‌ത്ര സാങ്കേതിക അനലിസ്‌റ്റുകളായ ജിഎസ്‌എം അരേന വ്യക്തമാക്കുന്നതനുസരിച്ച്, കമ്പനി മാസങ്ങളായി ഇതില്‍ ഉള്‍പ്പെടുന്ന A750, A770 മോഡലുകളുടെ പണിപ്പുരയിലാണെന്നാണ്.
ഇന്‍റല്‍ പുറത്തിറക്കാനിരിക്കുന്ന A750, A770 ബെഞ്ച്‌മാര്‍ക്കുള്ള യഥാക്രമം 28 ഉം 32 ഉം എക്‌സ് ഇ-കോറുള്ള മോഡലുകള്‍ ആർക്ക് 7 സീരീസ് ഗ്രാഫിക്സ് കാർഡുകളുടെ ഭാഗമാണ്. ഇന്‍റലിന്‍റെ തന്നെ നിലവിലുള്ള ആർക്ക് 5, ആർക്ക് 3 എന്നിവയുടെ മുന്‍നിര ശ്രേണിയായാണ് ഇവ എത്തുക. മാത്രമല്ല, ചിപ്പ് ടെക്‌നോളജി ഭീമനായ അഡ്‌വാന്‍സഡ് മൈക്രോ ഡിവൈസസിന്‍റെ (എഎംഡി) റാസ്‌റ്ററൈസേഷൻ ടാസ്‌ക്കുകൾക്കായുള്ള 6 256-ബിറ്റ് എക്‌സ്‌വിഇ വെക്റ്റർ എഞ്ചിന്‍സ്, മെഷീൻ ലേണിംഗ് ജോലികൾക്കായുള്ള 16 1024-ബിറ്റ് എക്‌സ്എംഎക്‌സ് മാട്രിക്സ് എഞ്ചിന്‍സ്, എല്‍1/ എസ്എല്‍എം കാഷെയുടെ 192എംബി എന്നിവക്ക് തുല്യമാണ് ഇന്‍റലിന്‍റെ എക്‌സ് ഇ കോര്‍.
അതേസമയം, എ‌എം‌ഡിക്ക് സമാനമായി ഒരു എക്‌സ് ഇ കോറിന് ഒരു റേ ട്രെയ്‌സിംഗ് യൂണിറ്റ് എന്ന രീതിയില്‍ ഇന്റലും റേ ട്രെയ്‌സിംഗ് യൂണിറ്റുകളുമായി പൊരുത്തപ്പെടുന്നു. ഇന്‍റല്‍ പുറത്തിറക്കുന്ന A750 ന് 2050എംഎച്ച്എസ്‌ ഗ്രാഫിക്സ് ക്ലോക്കും, A770 ന് 2100എംഎച്ച്എസ്‌ ഗ്രാഫിക്സ് ക്ലോക്കുമാണുള്ളത്. 'ഗ്രാഫിക്സ് ക്ലോക്ക്' എന്നാല്‍ ഗെയിമിംഗ് സമയത്ത് ഉപയോക്താക്കൾക്ക് പ്രതീക്ഷിക്കാവുന്ന സാധാരണ ക്ലോക്ക് വേഗതയുടെ ശരാശരിയാണെന്നും അല്ലാതെ പരമാവധിയല്ലെന്നും ഇന്‍റല്‍ മുമ്പ് വിശദീകരിച്ചിരുന്നു.
വരാനിരിക്കുന്ന A750, A770 ഗ്രാഫിക്സ് കാർഡുകള്‍ക്ക് സ്‌റ്റാൻഡേർഡായി 8ജിബി ജിഡിഡിആര്‍6 മെമ്മറിയാണുള്ളത്. അതേസമയം, A770 ഉപഭോക്താക്കള്‍ക്ക് 16ജിബിയുടെ ഉയര്‍ന്ന കോൺഫിഗറേഷനും ലഭ്യമാകും. എന്നാല്‍ ഇന്‍റലിന്‍റെ തന്നെ സ്വന്തം കാർഡിന് 16 ജിബി മെമ്മറിയാവും ഉണ്ടാവുക. കാരണം, ഇന്‍റല്‍ രൂപകല്‍പന ചെയ്‌ത് മറ്റൊരു നിര്‍മാതാവിനെക്കൊണ്ട് ഇഷ്‌ടാനുസൃത കാർഡുകൾ നിര്‍മിച്ച് വിപണിയിലിറക്കാനും കമ്പനി ലക്ഷ്യമിടുന്നതിന്‍റെ ഭാഗമായാണിത്. എന്നാല്‍ ഇവ ആഗോളതലത്തിലുള്ള പങ്കാളികളൊന്നിച്ച് ലിമിറ്റഡ് എഡിഷന്‍ മോഡലുകളായാവും വില്‍പന നടത്തുകയെന്നും റിപ്പോര്‍ട്ടുകളുണ്ട്.
