ഇന്ന് ഫെബ്രുവരി 14, വാലന്റൈൻസ് ഡേ. പ്രണയിക്കുന്നവര്ക്ക് വേണ്ടി ഒരു ദിനം. അല്ലെങ്കിൽ നഷ്ടപ്പെട്ട പ്രണയത്തിന്റെ ഒരു ഓര്മ്മ ദിനം. പ്രണയമെന്ന മഹത്തായ കാര്യത്തിന് വേണ്ടി ജീവൻ നൽകേണ്ടി വന്ന ബിഷപ്പ് വാലന്റൈന്റെ ഓർമ ദിനമായാണ് ഫെബ്രുവരി 14 വാലന്റൈന്സ് ഡേ ആയി ആഘോഷിക്കുന്നത്. 1992 ന് ശേഷമാണ് ഇന്ത്യയിൽ വാലന്റൈന്സ് ഡേ ആഘോഷിച്ച് തുടങ്ങിയത്.
ക്ലോഡിയസ് ചക്രവർത്തി റോം ഭരിച്ചിരുന്ന കാലത്ത് കത്തോലിക്ക സഭ ബിഷപ്പായിരുന്നു വാലന്റൈന്. വിവാഹം പുരുഷൻമാരുടെ വീര്യം ചോര്ത്തുമെന്നും യുദ്ധത്തില് ശ്രദ്ധിക്കാതെ കുടുംബ കാര്യങ്ങളില് അവര് ഒതുങ്ങിപ്പോകുമെന്നും വിശ്വസിച്ചിരുന്ന ക്ലോഡിയസ് ചക്രവര്ത്തി റോമില് വിവാഹം നിരോധിച്ചു. പക്ഷേ ബിഷപ്പ് വാലന്റൈന് പരസ്പരം സ്നേഹിക്കുന്നവരെ മനസ്സിലാക്കി. നിരവധി കമിതാക്കളുടെ വിവാഹം രഹസ്യമായി നടത്തിക്കൊടുത്തു.
തലവെട്ടാൻ കൊണ്ടുപോകുന്നതിന് മുമ്പ് വാലന്റൈന് ആ പെൺകുട്ടിക്കായി എഴുതിയ കുറിപ്പിൽ ഇങ്ങനെ കുറിച്ചു “ഫ്രം യുവർ വാലന്റൈന്”. പരിശുദ്ധ പ്രണയത്തെ തകർക്കാൻ ക്ലോഡിയസ് ചക്രവർത്തിക്കായില്ലെന്നതിന് തെളിവായാണ് ഫെബ്രുവരി 14 ന് ബിഷപ്പ് വാലന്റൈന്റെ ഓര്മ്മ ദിനം പ്രണയിക്കുന്നവരുടെ ദിനമായി ആഘോഷിക്കുന്നത്.