ചെന്നൈ വിമാനത്താവളത്തില്‍ 1.97 കോടി രൂപയുടെ സ്വർണം പിടിച്ചു

ദുബായ്,ഷാർജ യാത്രികരിൽ നിന്നാണ് 3.72 കിലോഗ്രാം സ്വർണം കസ്റ്റംസ് പിടിച്ചെടുത്തത്.

ചെന്നൈ: വിമാനത്താവളത്തില്‍ നിന്ന് 1.97 കോടി രൂപയുടെ സ്വർണം പിടിച്ചു. ദുബായിൽ നിന്നും ഷാർജയിൽ നിന്നും വന്ന യാത്രികരിൽ നിന്ന് 1.97 കോടി രൂപ വിലമതിക്കുന്ന 3.72 കിലോഗ്രാം സ്വർണം കസ്റ്റംസ് പിടിച്ചെടുത്തത് . 660 ഗ്രാം സ്വർണം ചോക്ലേറ്റ് റാപ്പറിൽ ഒളിപ്പിച്ച നിലയിലായിരുന്നു. ഈ കേസിൽ ഒരു സ്ത്രീ അറസ്റ്റിലായതായി ചെന്നൈ എയർപ്പോർട്ട് കസ്‌റ്റംസ് അറിയിച്ചു. മറ്റൊരു കേസിൽ 3.18 കിലോഗ്രാം സ്വർണം രഹസ്യ ഭാഗങ്ങളിൽ ഒളിപ്പിച്ചു കടത്തുന്നതിനിടയിലാണ് പിടിയിലായത്.