ബിഹാറിൽ പതിനാലുവയസുകാരിയെ തീയിട്ട് കൊന്നു

പൂർണിയ ജില്ലയിലാണ് സംഭവം നടന്നത്. ഗുരുതരമായി പൊള്ളലേറ്റ പെൺകുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

പാറ്റ്‌ന: പതിനാലുവയസുകാരിയെ അജ്ഞാതൻ തീയിട്ട് കൊന്നു. പൂർണിയ ജില്ലയിൽ തിങ്കളാഴ്‌ച രാവിലെയാണ് സംഭവം നടന്നത്. വീട്ടിനുള്ളിൽ കിടന്നുറങ്ങിയ കിഷോരി എന്ന പെൺകുട്ടിയുടെ ദേഹത്ത് അക്രമി പെട്രോളൊഴിച്ച് തീയിട്ടു. ഗുരുതരമായി പൊള്ളലേറ്റ പെൺകുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് പ്രതിയെ ഉടൻ അറസ്റ്റ് ചെയ്യണമെന്ന് ആവശ്യപ്പെട്ട് നാട്ടുകാർ ഗ്രാമത്തിൽ പ്രതിഷേധം നടത്തി. പ്രതിയെ പിടികൂടാനുള്ള അന്വേഷണം തുടരുകയാണെന്ന് പൊലീസ് അറിയിച്ചു.