ന്യൂഡല്‍ഹി : പറന്നുയര്‍ന്ന വിമാനത്തിന്‍റെ ജനാലയുടെ വാതിലുകള്‍ തുറന്നു. അലാസ്ക എയറിന്‍റെ ബോയിങ് 737-9 മാക്സ് വിമാനമാണ് വലിയ ദുരന്തത്തില്‍ നിന്ന് രക്ഷപ്പെട്ടത് (Flight's door opens in the air). വിമാനത്തിന്‍റെ ഒത്ത നടുവിലായി വരുന്ന ജനാലയുടെ വാതിലാണ് പൂര്‍ണമായും തുറന്നത്. ഇത് വിമാനത്തില്‍ നിന്ന് ഇളകി മാറുകയായിരുന്നു.
ജനാലയോട് ചേര്‍ന്നുള്ള സീറ്റില്‍ യാത്രക്കാരില്ലാത്തതും ദുരന്തം ഒഴിവാക്കി. 171 യാത്രക്കാരുമായി പോര്‍ട്ട്ലാന്‍ഡ് വിമാനത്താവളത്തില്‍ നിന്നുയര്‍ന്ന വിമാനത്തിലാണ് സംഭവം. ആറ് ജീവനക്കാരും വിമാനത്തിലുണ്ടായിരുന്നു. ഉടന്‍ തന്നെ വിമാനം തിരികെ ഇറക്കാനായതിനാല്‍ വലിയൊരു ദുരന്തം ഒഴിവായി (Alaska air flight face this). സംഭവത്തെക്കുറിച്ച് അന്വേഷിച്ച് വരികയാണെന്നും എന്താണ് സംഭവിച്ചതെന്ന് ഇതുവരെ വ്യക്തമായിട്ടില്ലെന്നും അലാസ്ക എയര്ലൈന് അധികൃതര്‍ എക്‌സില്‍ അറിയിച്ചു.
-
🚨#BREAKING: Alaska Airlines Forced to Make an Emergency Landing After Large Aircraft Window Blows Out Mid-Air ⁰⁰📌#Portland | #Oregon
— R A W S A L E R T S (@rawsalerts) January 6, 2024 " class="align-text-top noRightClick twitterSection" data="
⁰A Forced emergency landing was made of Alaska Airlines Flight 1282 at Portland International Airport on Friday night. The flight, traveling… pic.twitter.com/nt0FwmPALE
">🚨#BREAKING: Alaska Airlines Forced to Make an Emergency Landing After Large Aircraft Window Blows Out Mid-Air ⁰⁰📌#Portland | #Oregon
— R A W S A L E R T S (@rawsalerts) January 6, 2024
⁰A Forced emergency landing was made of Alaska Airlines Flight 1282 at Portland International Airport on Friday night. The flight, traveling… pic.twitter.com/nt0FwmPALE🚨#BREAKING: Alaska Airlines Forced to Make an Emergency Landing After Large Aircraft Window Blows Out Mid-Air ⁰⁰📌#Portland | #Oregon
— R A W S A L E R T S (@rawsalerts) January 6, 2024
⁰A Forced emergency landing was made of Alaska Airlines Flight 1282 at Portland International Airport on Friday night. The flight, traveling… pic.twitter.com/nt0FwmPALE
കാലിഫോര്‍ണിയയിലെ ഒന്‍റാറിയോയിലേക്ക് പോകുകയായിരുന്ന വിമാനത്തിലാണ് സംഭവം. ശക്തമായി വായു വിമാനത്തിനുള്ളിലേക്ക് കയറി. ഒരുകുട്ടിയുടെ ഷര്‍ട്ട് കീറിപ്പോയതായി റിപ്പോര്‍ട്ടുണ്ട്. അതേസമയം ആര്‍ക്കെങ്കിലും പരിക്കുണ്ടോയെന്ന് വ്യക്തമല്ല. 16,300 അടി ഉയരത്തിലെത്തിയ ശേഷമാണ് വിമാനം തിരിച്ചിറക്കിയത്.
2023 ഒക്ടോബര്‍ ഒന്നിനാണ് അപകടത്തില്‍ പെട്ട ബോയിങ് 737 മാക്സ് വിമാനം അലാസ്ക എയര്ലൈന് കൈമാറിയത്. 2023 നവംബര്‍ 11 മുതല്‍ വിമാനം വാണിജ്യ സേവനങ്ങള്‍ക്ക് ഉപയോഗിക്കാന്‍ തുടങ്ങി. 145 തവണ അതിന് ശേഷം ഈ വിമാനം സര്‍വീസ് നടത്തി.
അമേരിക്കന്‍ ദേശീയ ഗതാഗത സുരക്ഷ ബോര്‍ഡും സംഭവത്തെക്കുറിച്ച് അന്വേഷണം തുടങ്ങിയിട്ടുണ്ട്. വെള്ളിയാഴ്‌ച രാത്രിയാണ് സംഭവം ഉണ്ടായത്.
നെടുമ്പാശ്ശേരിയില്‍ വിമാനത്തിന്‍റെ എമർജൻസി വാതിൽ തുറക്കാൻ ശ്രമം; രണ്ട് യാത്രക്കാർ അറസ്റ്റിൽ:
നീങ്ങിക്കൊണ്ടിരിക്കെ വിമാനത്തിന്‍റെ എമർജൻസി വാതിൽ തുറക്കാൻ ശ്രമിച്ച രണ്ട് യാത്രക്കാർ എറണാകുളത്ത് നേരത്തെ അറസ്റ്റിലായിരുന്നു. നവംബര്‍ 23ന് രാത്രി നെടുമ്പാശ്ശേരി വിമാനത്താവളത്തിലാണ് സംഭവം. റാമോജി കോറയിൽ, രമേഷ്‌കുമാർ എന്നിവരാണ് പിടിയിലായത്. ഇരുവരും കർണാടക സ്വദേശികളാണ്.
ബെംഗളൂരുവിലേക്ക് പോകുന്ന അലൈൻസ് എയർ വിമാനത്തിലായിരുന്നു സംഭവം. വിമാനം ബേയിൽ നിന്നും നീങ്ങുമ്പോഴാണ് ഇരുവരും ചേർന്ന് എമർജൻസി വാതിൽ തുറക്കാൻ ശ്രമിച്ചത്. തുടർന്ന് വിമാന അധികൃതർ ഇരുവരെയും നെടുമ്പാശ്ശേരി പൊലീസിന് കൈമാറി.
പൊലീസ് പ്രതികളുടെ യാത്ര റദ്ദാക്കി അറസ്റ്റ് രേഖപ്പെടുത്തി. തെറ്റിദ്ധരിച്ചാണ് എമർജൻസി വാതിൽ തുറക്കാൻ ശ്രമിച്ചതെന്നായിരുന്നു പ്രതികളുടെ വാദം. എന്നാൽ ഇവർ പലതവണ വാതിൽ തുറക്കാൻ ശ്രമിച്ചെന്നാണ് വിമാനത്താവള അധികൃതർ പൊലീസിനെ അറിയിച്ചത്.
