ലോസ് ആഞ്ചലസ് : ഹോളിവുഡ് താരവും മുൻ കാലിഫോർണിയ ഗവർണറുമായ അർണോൾഡ് ഷ്വാസ്‌നെഗർ ട്വിറ്ററിൽ പങ്കുവച്ച വ്യത്യസ്‌തമായ ഒരു ദൃശ്യമാണ് ആരാധകർക്കിടയിൽ ചർച്ചാവിഷയമായിരിക്കുന്നത്. നമ്മുടെ പരിസര പ്രദേശങ്ങളിലെ റോഡുകൾ പൊട്ടിപ്പൊളിഞ്ഞാൽ പരസ്‌പരം പോരിനിറങ്ങുന്ന രാഷ്‌ട്രീയ പാർട്ടികളും പൊതുമരാമത്ത് വകുപ്പുമായി ബന്ധപ്പെട്ട അധികൃതരെ പഴിചാരുന്നതുമാണ് പതിവ് കാഴ്‌ച. എന്നാൽ ഇതിൽ നിന്നും വ്യത്യസ്‌തമായിരിക്കുകയാണ് അർണോൾഡ് ഷ്വാസ്‌നെഗർ.
ലോസ് ആഞ്ചലസിലെ താമസസ്ഥലത്തിനടുത്തുള്ള റോഡിലെ കുഴി ടാർ ഉപയോഗിച്ച് നികത്തുന്നതാണ് ഷ്വാസ്‌നെഗർ പങ്കുവച്ച വീഡിയോ. 'ആഴ്‌ചകൾക്ക് മുന്നെ റോഡിൽ രൂപപ്പെട്ട ഭീമൻ കുഴി കാറുകളും സൈക്കിളുകളുമടക്കമുള്ള വാഹനങ്ങൾക്ക് വലിയ പ്രശ്‌നമാകുന്നത് അയൽവാസികളായ ആളുകൾ പരാതിപ്പെട്ടതിനെ തുടർന്ന് ഞാൻ എന്‍റെ ടീമിനൊപ്പം പോയി അത് ശരിയാക്കി. ഞാൻ എപ്പോഴും പറയുന്നതാണ്, ഏതെങ്കിലുമൊരു പ്രശ്‌നത്തെക്കുറിച്ച് പരാതിപ്പെട്ടുകൊണ്ടിരിക്കാതെ നമുക്ക് ചെയ്യാനാകുന്ന കാര്യങ്ങൾ പ്രവർത്തിക്കാം', അദ്ദേഹം ട്വിറ്ററിൽ കുറിച്ചു. റോഡിലെ കുഴിയടയ്‌ക്കുന്ന നടന് ഒരു വഴിയാത്രക്കാരി നന്ദി പറയുന്നതും ദൃശ്യങ്ങളിൽ കാണാം.
-
Today, after the whole neighborhood has been upset about this giant pothole that’s been screwing up cars and bicycles for weeks, I went out with my team and fixed it. I always say, let’s not complain, let’s do something about it. Here you go. pic.twitter.com/aslhkUShvT
— Arnold (@Schwarzenegger) April 11, 2023 " class="align-text-top noRightClick twitterSection" data="
">Today, after the whole neighborhood has been upset about this giant pothole that’s been screwing up cars and bicycles for weeks, I went out with my team and fixed it. I always say, let’s not complain, let’s do something about it. Here you go. pic.twitter.com/aslhkUShvT
— Arnold (@Schwarzenegger) April 11, 2023Today, after the whole neighborhood has been upset about this giant pothole that’s been screwing up cars and bicycles for weeks, I went out with my team and fixed it. I always say, let’s not complain, let’s do something about it. Here you go. pic.twitter.com/aslhkUShvT
— Arnold (@Schwarzenegger) April 11, 2023
അതേസമയം, ഇത് യഥാർഥത്തിൽ വെറും കുഴിയായിരുന്നില്ലെന്നും സതേണ്‍ കാലിഫോര്‍ണിയ ഗ്യാസ് കമ്പനി യൂട്ടിലിറ്റി ജോലികൾക്കായി കുഴിച്ച കിടങ്ങായിരുന്നു. താത്‌കാലികമായി ടാർ ഉപയോഗിച്ച് മൂടിയ കുഴി മാറ്റിസ്ഥാപിക്കുമെന്നും ലോസ് ആഞ്ചൽസ് ഡിപ്പാർട്ട്‌മെന്‍റ് ഓഫ് പബ്ലിക് വർക്ക്‌സ് പുറത്തിറക്കിയ ഒരു പ്രസ്‌താവനയിൽ പറയുന്നു. പൊതുമരാമത്ത് വകുപ്പ് ഗ്യാസ് കമ്പനിയെ ഈ പ്രശ്‌നത്തെക്കുറിച്ച് അറിയിച്ചിട്ടുണ്ടെന്നും സ്ഥിരമായ നടപ്പാത നിർമിക്കുന്നത് വരെ താത്‌കാലികമായി നടപ്പാത നിലനിർത്തേണ്ടതുണ്ടെന്നും പ്രസ്‌താവനയിൽ വ്യക്‌തമാക്കി.
ജനുവരി 26 ന് പൈപ്പ് ലൈൻ നവീകരണം പൂർത്തിയായതായി സോകാൽ ഗ്യാസ് കമ്പനി അറിയിച്ചു. സാധാരണയായി 30 ദിവസത്തിനുള്ളിൽ പൂർത്തിയാക്കുന്ന സ്ഥിരം നടപ്പാതകൾ നിർമിക്കുന്നതിനുള്ള നടപടിക്രമം മഴ കാരണം വൈകിയതായും കമ്പനി പറഞ്ഞു. ഷ്വാസ്‌നെഗർ തന്‍റെ വീഡിയോ പോസ്‌റ്റ് ചെയ്‌ത് ഒരു ദിവസത്തിന് ശേഷം കമ്പനിയുടെ യൂട്ടിലിറ്റി ക്രൂ സ്ഥലത്തെത്തുകയും ടാറിങ് കൂടുതൽ ഭദ്രമാക്കുകയും ചെയ്‌തു. പ്രശ്‌നത്തിന് വളരെ വേഗത്തിൽ പരിഹാരം കണ്ടതിന് നന്ദി പറഞ്ഞും ഷ്വാസ്‌നെഗർ ട്വീറ്റ് ചെയ്‌തു.
