ഇസ്ലാമാബാദ്: പാകിസ്ഥാനിലെ കബാൽ തഹ്‌സിലിൽ വീഡിയോ ചിത്രീകരിക്കുന്നതിനിടെ ടിക് ടോക് താരം അബദ്ധത്തിൽ വെടിയേറ്റ് മരിച്ചു. മാബന്ദ് ഷാ ധേരൈ സ്വദേശി ഹാമിദുള്ളയാണ് കൊല്ലപ്പെട്ടത്. ബുധനാഴ്‌ചയാണ് സംഭവം നടന്നത്.
തന്‍റെ അക്കൗണ്ടിൽ പങ്കു വയ്‌ക്കുന്നതിനായിആത്മഹത്യ ചെയ്യുന്ന ഒരു രംഗം ചിത്രീകരിക്കുന്നതിനിടെ ഹാമിദുള്ള വെടിയേറ്റ് മരിച്ചതായാണ് പ്രഥമിക വിവരമെന്ന് പൊലീസ് അറിയിച്ചു. പൊലീസ് സ്ഥലത്തെത്തി വിവരങ്ങൾ ശേഖരിക്കുകയും മൃതദേഹം പോസ്‌റ്റുമോർട്ടത്തിനായി അയയ്‌ക്കുകയും ചെയ്‌തു. ഉള്ളിൽ വെടിയുണ്ട ഉണ്ടെന്ന് അറിയാതെയാണ് ഹാമിദുള്ള വീഡിയോ ചിത്രീകരിക്കാൻ സുഹൃത്തുക്കളോടൊപ്പം പോയതെന്നാണ് സുഹൃത്തുക്കൾ നൽകുന്ന വിവരം.
