ഇസ്ലാമാബാദ്: സാമ്പത്തിക പ്രതിസന്ധികൾക്കിടയിലാണ് പാകിസ്ഥാനെന്ന് യുഎൻ. ചൈനയുടെയും സൗദി അറേബ്യയുടെയും പിന്തുണയും ഐ‌എം‌എഫ് വായ്പയും നല്‍കി സഹായിച്ചിട്ടും പാകിസ്ഥാൻ ഇപ്പോഴും കടുത്ത സാമ്പത്തിക പ്രതിസന്ധിയിൽ തന്നെയാണെന്ന് ഐക്യരാഷ്ട്രസഭയുടെ റിപ്പോർട്ട് .
പാകിസ്ഥാനിൽ സാമ്പത്തിക വളർച്ചാ നിരക്ക് പകുതിയായെന്നും രൂപയുടെ മൂല്യം ഗണ്യമായി കുറഞ്ഞെന്നും വിദേശ കടം കൂടുന്നുവെന്നും റിപ്പോർട്ടിൽ പറയുന്നു. വ്യാപാര-സാങ്കേതിക പിരിമുറുക്കങ്ങൾ കാരണം 2017 മുതൽ ചൈനീസ് സമ്പദ്‌വ്യവസ്ഥയുടെ വളർച്ചാ നിരക്കിലുളള മാന്ദ്യം 2019ൽ രൂക്ഷമാകുമെന്നും റിപ്പോർട്ടിൽ രേഖപ്പെടുത്തിയിട്ടുണ്ട്.
