ബെയ്‌ജിങ്: ചൈനയില്‍ 406 പേർക്ക് കൂടി പുതുതായി കൊവിഡ് 19 സ്ഥിരീകരിച്ചു. കൊവിഡ് 19ന്‍റെ പ്രഭവ കേന്ദ്രമായ ഹുബെയിലും വുഹാനിലുമാണ് പുതിയ കേസുകൾ റിപ്പോർട്ട് ചെയ്തിരിക്കുന്നത്.ഇവിടെ 52 പേർ രോഗബാധയെ തുടർന്ന് മരിച്ചു. ഇതുവരെ 78,064 പേർക്കാണ് രോഗം ബാധിച്ചത്. അതില്‍ 2,715 പേർ മരിച്ചു.
ചൈനയിൽ പുതിയ കേസുകളുടെ എണ്ണം കുറഞ്ഞുവെങ്കിലും ലോകത്തിലെ 80,000ത്തോളം കേസുകളും 2,700 മരണങ്ങളും ചൈനയിൽ തന്നെയാണ്. ചൈനയ്ക്ക് പുറമേ ഇറ്റലി, ഇറാൻ, ഫ്രാൻസ്, അൾജീരിയ, സ്പെയിനിലെ കാനറി ദ്വീപ് എന്നിവിടങ്ങളിലും രോഗം പടർന്നു പിടിച്ചിട്ടുണ്ട്.
