ചൈനയുമായുള്ള വിഷയത്തിൽ നരേന്ദ്ര മോദി അസ്വസ്ഥനെന്ന് ട്രംപ്

ഇന്ത്യ- ചൈനാ വിഷയത്തിൽ മധ്യസ്ഥതക്ക് തയ്യാറാണെന്ന് ട്രംപ് ട്വിറ്ററിലൂടെ അറിയിച്ചിരുന്നു. എന്നാൽ ഇരു രാജ്യങ്ങളും വിഷയത്തിൽ ട്രംപിന്‍റെ അഭിപ്രായത്തോട് പ്രതികൂലമായാണ് പ്രതികരിച്ചത്.

വാഷിംങ്ടൺ: ഇന്ത്യയും ചൈനയുമായുള്ള പ്രശ്നങ്ങളില്‍ പ്രധാനമന്ത്രി നരേന്ദ്ര മോദി അസ്വസ്ഥനെന്ന് യുഎസ് പ്രസിഡന്‍റ് ഡൊണാൾഡ് ട്രംപ്. വിഷയത്തിൽ നരേന്ദ്ര മോദിയുമായി ആശയവിനിമയം നടത്തിയെന്നും ചൈനയും ഇന്ത്യയും തമ്മിൽ "വലിയ സംഘർഷമാണ്" നിലവിലുള്ളതെന്നും ട്രംപ് പറഞ്ഞു. ഇരു രാജ്യങ്ങൾക്കും 1.4 ബില്യൺ ജനസംഖ്യയും മികച്ച സൈന്യവുമുണ്ടെന്നും അദ്ദേഹം പറഞ്ഞു.

ഇരു രാജ്യങ്ങളും നിലവിലെ സാഹചര്യത്തിൽ സന്തുഷ്‌ടരല്ലെന്നും അദ്ദേഹം കൂട്ടിച്ചേർത്തു. ഇന്ത്യ- ചൈനാ വിഷയത്തിൽ മധ്യസ്ഥതക്ക് തയ്യാറാണെന്ന് ട്രംപ് ട്വിറ്ററിലൂടെ അറിയിച്ചിരുന്നു. എന്നാൽ ഇരു രാജ്യങ്ങളും വിഷയത്തിൽ പ്രതികൂലമായാണ് പ്രതികരിച്ചത്.