ഐ.എസ് തലവന്‍ ഹാഷിമി അൽ ഖുറൈഷിയെ വധിച്ചെന്ന് അമേരിക്ക

യുഎസ് സൈനികരുടെ ഭീകരവിരുദ്ധ ഓപ്പറേഷനിലൂടെയായിരുന്നു നടപടിയെന്ന് ജോ ബൈഡന്‍

വാഷിംഗ് ടണ്‍ : ഐ.എസ്.ഐ.എസ് തലവന്‍ അബു ഇബ്രാഹിം അൽ ഹാഷിമി അൽ ഖുറൈഷിയെ വധിച്ചതായി അമേരിക്കന്‍ പ്രസിഡന്റ് ജോ ബൈഡൻ. യുഎസ് സൈനികരുടെ ഭീകരവിരുദ്ധ ഓപ്പറേഷനിലൂടെയായിരുന്നു ഇതെന്നും ബൈഡന്‍ അറിയിച്ചു.

പ്രസിഡന്റിന്‍റ സാമൂഹ്യ മാധ്യമ പേജ് വഴി വൈറ്റ് ഹൗസാണ് ഇക്കാര്യം പുറത്തുവിട്ടത്. സായുധ സേനയുടെ ധീരതയ്ക്ക് നന്ദി, ഞങ്ങൾ യുദ്ധക്കളത്തിൽ നിന്ന് അബു ഇബ്രാഹിം അൽയെ ഇല്ലാതാക്കിയിരിക്കുന്നു എന്നായിരുന്നു പോസ്റ്റ്.