വിനയ് ഫോര്‍ട്ട് (Vinay Fort) നായകനായി എത്തുന്ന ഏറ്റവും പുതിയ ചിത്രമാണ് 'വാതില്‍' (New Malayalam movie Vaathil). സര്‍ജു രമാകാന്ത് (Sarju Remakanth) സംവിധാനം ചെയ്‌ത 'വാതില്‍' റിലീസിനോടടുക്കുകയാണ്. സെപ്‌റ്റംബര്‍ 8നാണ് ചിത്രം തിയേറ്ററുകളില്‍ എത്തുന്നത് (Vaathil theatre release).
Vaathil actors: വിനയ് ഫോര്‍ട്ടിനെ കൂടാതെ കൃഷ്‌ണ ശങ്കറും (Krishna Shankar) ചിത്രത്തില്‍ പ്രധാന കഥാപാത്രത്തെ അവതരിപ്പിക്കും. അനു സിത്താരയാണ് (Anu Sithara) സിനിമയില്‍ വിനയ് ഫോര്‍ട്ടിന്‍റെ നായികയായി എത്തുന്നത്. മെറിൻ ഫിലിപ്പും (Merin Philip) സുപ്രധാന വേഷത്തിലെത്തും. സുനില്‍ സുഖദ, അബിന്‍ ബിനോ, വി കെ ബെെജു, ഉണ്ണിരാജ്, അഞ്ജലി നായര്‍, സ്‌മിനു തുടങ്ങി നിരവധി പ്രമുഖരും ചിത്രത്തില്‍ അണിനിരക്കും.
അടുത്തിടെ ചിത്രത്തിന്‍റെ ട്രെയിലറും (Vaathil trailer) ഏതാനും ഗാനങ്ങളും (Vaathil songs) പുറത്തിറങ്ങിയിരുന്നു. സിനിമയിലെ 'കനിവേ എവിടെ' (Kanive Evide), 'ജീവിതമെന്ന തമാശ' (Jeevithamenna Thamaasha) എന്നീ ഗാനങ്ങള്‍ പ്രേക്ഷകര്‍ ഇതിനോടകം തന്നെ ഏറ്റെടുത്തു കഴിഞ്ഞു.
Also Read: Vaathil Official Trailer : 'വാതില്‍' തിയേറ്ററുകളിലേക്ക്; പ്രതീക്ഷയേറ്റി ട്രെയിലർ
Vaathil crew members: സ്‌പാര്‍ക്ക് പിക്ച്ചേഴ്‌സിന്‍റെ ബാനറില്‍ സുജി കെ ഗോവിന്ദ് രാജ് ആണ് നിര്‍മാണം. സിനി ലൈൻ എന്‍റര്‍ടെയിന്‍മെന്‍റാണ് ചിത്രം തിയേറ്ററുകളില്‍ എത്തിക്കുന്നത്. ഷംനാദ് ഷബീര്‍ ആണ് സിനിമയുടെ തിരക്കഥയും സംഭാഷണവും ഒരുക്കിയിരിക്കുന്നത്.
മനേഷ് മാധവൻ ഛായാഗ്രഹണവും ജോണ്‍ക്കുട്ടി എഡിറ്റിങ്ങും നിര്‍വഹിച്ചിരിക്കുന്നു. സെജോ ജോൺ, വിനായക് ശശികുമാർ എന്നിവരുടെ ഗാനരചനയില്‍ സെജോ ജോണ്‍ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്.
പ്രൊഡക്ഷന്‍ കണ്‍ട്രോളര്‍ - ഷാജി കാവനാട്ട്, പ്രോജക്‌ട് ഡിസൈനർ - റഷീദ് മസ്‌താൻ, കല - സാബു റാം, വസ്ത്രാലങ്കാരം - അരുണ്‍ മനോഹര്‍, മേക്കപ്പ് - അമല്‍ ചന്ദ്രന്‍, എക്‌സിക്യൂട്ടീവ് പ്രൊഡ്യൂസര്‍ - റിയാസ് അടക്കണ്ടി, അനൂപ് കാരാട്ട് വെള്ളാട്ട്, പ്രൊഡക്ഷന്‍ എക്‌സിക്യൂട്ടീവ് - സുധര്‍മ്മന്‍ വള്ളിക്കുന്ന്, കോ പ്രൊഡ്യൂസർ - രജീഷ് വാളാഞ്ചേരി, സ്‌റ്റില്‍സ് - ബിജിത്ത് ധര്‍മ്മടം, പരസ്യകല - യെല്ലോ ടൂത്ത്‌സ്‌, പിആർഒ - എഎസ് ദിനേശ് എന്നിവരും നിര്‍വഹിക്കുന്നു.
Also Read: Vaathil Movie| മനസ്സിനെ തൊട്ടുണര്‍ത്തും കനിവേ എവിടെ; വാതില്‍ പുതിയ ഗാനം പുറത്ത്
അതേസമയം 'രാമചന്ദ്ര ബോസ് ആന്‍ഡ് കോ' (Ramachandra Boss And Co) ആണ് വിനയ് ഫോര്‍ട്ടിന്‍റെ ഏറ്റവും ഒടുവില്‍ തിയേറ്ററുകളില്‍ എത്തിയ ചിത്രം. നിവിന്‍ പോളിയെ (Nivin Pauly) നായകനാക്കി ഹനീഫ് അദേനി സംവിധാനം ചെയ്‌ത ചിത്രത്തില്‍ സുപ്രധാന വേഷത്തിലാണ് വിനയ് ഫോര്‍ട്ട് എത്തിയത്. ഓണം റിലീസായി ഓഗസ്‌റ്റ് 25നാണ് ചിത്രം തിയേറ്ററുകളില്‍ എത്തിയത്.
ഇതാദ്യമായല്ല വിനയ് ഫോര്‍ട്ടും നിവിന്‍ പോളിയും ബിഗ്‌ സ്‌ക്രീനില്‍ ഒന്നിച്ചെത്തിയത്. 'പ്രേമം', 'കനകം കാമിനി കലഹം' എന്നീ സിനിമകളിലും ഇരുവരും ഒന്നിച്ചെത്തിയിരുന്നു. നിവിന്‍ പോളിയുടെ കരിയറിലെ 42-ാമത്തെ ചിത്രമാണ് 'രാമചന്ദ്രബോസ് ആന്‍ഡ് കോ'. പ്രദര്‍ശന ദിനം മുതല്‍ സിനിമയ്‌ക്ക് മികച്ച പ്രതികരണമാണ് തിയേറ്ററുകളില്‍ നിന്നും ലഭിച്ചുകൊണ്ടിരിക്കുന്നത്.
Also Read: Nivin Pauly Ramachandra Boss And Co രാമചന്ദ്രബോസിനെയും കൊള്ള സംഘത്തെയും ഏറ്റെടുത്ത് പ്രേക്ഷകര്‍
