Vaasam Movie Audio Launch : 'വാസം' ഓഡിയോ റിലീസ് : ചിത്രം ഉടൻ തിയേറ്ററുകളിലേക്ക്

Vaasam will hit theaters soon : മുൻ മന്ത്രിയും എംഎൽഎയുമായ കടകംപള്ളി സുരേന്ദ്രനാണ് ഓഡിയോ പ്രകാശനം നിർവഹിച്ചത്

എം. ആര്‍. ഗോപകുമാര്‍, കൈലാഷ്, അഞ്ജലി കൃഷ്‌ണ എന്നിവരെ പ്രധാന കഥാപാത്രങ്ങളാക്കി ചാള്‍സ് എം. സംവിധാനം ചെയ്യുന്ന 'വാസം' സിനിമയുടെ ഓഡിയോ പ്രകാശനം നടന്നു. തിരുവനന്തപുരം പ്രസ് ക്ലബ്ബിൽ നടന്ന ചടങ്ങിൽ മുൻ മന്ത്രിയും എംഎൽഎയുമായ കടകംപള്ളി സുരേന്ദ്രനാണ് പ്രകാശനം നിർവഹിച്ചത്. (Vaasam Movie Audio Launch) 'വാസം' ഉടന്‍ തിയേറ്റർ റിലീസായി പ്രേക്ഷകർക്കരികിൽ എത്തും (Vaasam will hit theaters soon).

ചാള്‍സ് എം. സംവിധാനത്തിന് പുറമെ എഡിറ്റിങ്ങും നിർവഹിക്കുന്നു. ചിത്രാഞ്ജലി സ്റ്റുഡിയോയില്‍ ദീർഘകാലം ചാള്‍സ് എഡിറ്ററായിരുന്നു. മനോജ് ഐ ജി ആണ് 'വാസ'ത്തിനായി തിരക്കഥയും സംഭാഷണവും ഒരുക്കിയത്. റോണി സായി ആണ് ചിത്രത്തിന്‍റെ ഛായാഗ്രാഹകൻ.

ഡോക്‌ടർ ഡിറ്റോ, മുന്‍ഷി രഞ്ജിത്ത്, സജി വെഞ്ഞാറമ്മൂട്, മഞ്ജു പത്രോസ്, ശ്രീലത നമ്പൂതിരി, ആശ നായര്‍ തുടങ്ങിയവരാണ് ഈ ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. സി. തുളസി ചിത്രത്തിന്‍റെ സഹനിര്‍മാതാവാണ്. വിനു ശ്രീലകത്തിന്‍റെ ഗാനങ്ങള്‍ക്ക് വിശ്വജിത്ത് ഈണം പകരുന്നു.

'വാസം' ഓഡിയോ പ്രകാശനം

കലാസംവിധാനം - സംഗീത് ചിക്കു, പ്രൊഡക്ഷന്‍ കണ്‍ട്രോളര്‍ - രാജേഷ് നെയ്യാറ്റിന്‍കര, മേക്കപ്പ് - അനില്‍ നേമം, സംഘട്ടനം - അഷറഫ് ഗുരുക്കള്‍, വസ്‌ത്രാലങ്കാരം - പഴനി, അനന്തന്‍കര കൃഷ്‌ണന്‍ കുട്ടി, നൃത്തസംവിധാനം - അയ്യപ്പദാസ്, യൂണിറ്റ് - ചിത്രാഞ്ജലി, അസോസിയേറ്റ്‌സ് - അശോകന്‍, മധു പി. നായര്‍, പ്രൊഡക്ഷന്‍ മാനേജര്‍ - വിനോദ് ആനാവൂര്‍, ഇഫക്‌ട്‌സ്- എസ്. പി ശേഖര്‍, സ്റ്റിൽസ് - ഭരത് ചന്ദ്രന്‍, പി ആർ ഒ - എ. എസ്. ദിനേശ് (Vaasam Movie Crew). തമിഴ്‌നാട്ടിലെ കുലശേഖരത്തും തിരുവനന്തപുരത്തും ആയിരുന്നു സിനിമയുടെ ചിത്രീകരണം.

ക്രൈം ഇൻവെസ്റ്റിഗേഷൻ കഥയുമായി 'ഡിഎൻഎ' : ക്രൈം ഇൻവെസ്റ്റിഗേഷൻ കഥ പറയുന്ന ചിത്രം 'ഡിഎൻഎ'യ്‌ക്ക് പാക്കപ്പ്. ടി. എസ്. സുരേഷ് ബാബു സംവിധാനം ചെയ്യുന്ന 'ഡിഎൻഎ'യുടെ നൂറ്റിമുപ്പതോളം ദിവസം നീണ്ടുനിന്ന ചിത്രീകരണം പൂർത്തിയായി. (DNA Movie Packup). കൊച്ചി, പീരുമേട്, മുരുഡേശ്വർ (കർണാടക), ചെന്നൈ എന്നിവിടങ്ങളിലെ വ്യത്യസ്‌തമായ നിരവധി ലൊക്കേഷനുകളിലായിരുന്നു സിനിമയുടെ ഷൂട്ടിങ്.

പൂർണമായും ഒരു പൊലീസ് സ്റ്റോറിയായി അണിയിച്ചൊരുക്കിയ 'ഡിഎൻഎ'യിൽ പ്രശസ്‌ത തെന്നിന്ത്യൻ നടി റായ് ലക്ഷ്‌മി ആണ് കേന്ദ്ര കഥാപാത്രത്തെ അവതരിപ്പിക്കുന്നത്. 'റേച്ചൽ പുന്നൂസ്' എന്ന അന്വേഷണ ഉദ്യോഗസ്ഥയായാണ് താരം എത്തുന്നത് (Raai Laxmi in DNA). ബെൻസി പ്രൊഡക്ഷൻസിന്‍റെ ബാനറിൽ അബ്‌ദുൾ നാസറാണ് നിർമാണം നിര്‍വഹിക്കുന്നത്. വളരെ ക്രൂരമായ രീതിയിൽ ആസൂത്രണം ചെയ്‌ത കൊലപാതകത്തിന്‍റെ ചുരുളുകൾ നിവർത്തുന്നതാണ് പ്രമേയം (police crime - investigation film DNA).

ഏറെ ദുരൂഹതകളുമായി എത്തുന്ന 'ഡിഎൻഎ' മികച്ച ഒരു സസ്‌പെൻസ് - ത്രില്ലർ അനുഭവം പ്രേക്ഷകർക്ക് സമ്മാനിക്കുമെന്നാണ് കരുതുന്നത്. യുവ നടൻ അഷ്‌കർ സാദാനാണ് നായകൻ.