Vaashi trailer: ടൊവിനോ തോമസും കീര്‍ത്തി സുരേഷും കേന്ദ്രകഥാപാത്രങ്ങളായെത്തുന്ന ഏറ്റവും പുതിയ ചിത്രമാണ് 'വാശി'. ചിത്രത്തിന്‍റെ ട്രെയ്‌ലര്‍ പുറത്തുവന്നു. ഒരു ഫീല്‍ ഗുഡ്‌ ചിത്രമാകും 'വാശി' എന്നാണ് ട്രെയ്‌ലര്‍ നല്‍കുന്ന സൂചന.
Vaashi theatre release: ടൊവിനോയും കീര്‍ത്തിയും ഇതാദ്യമായി ഒന്നിക്കുന്ന ചിത്രം കൂടിയാണ് 'വാശി'. വക്കീല്‍ വേഷത്തിലാണ് സിനിമയില്‍ ടൊവിനോയും കീര്‍ത്തിയും പ്രത്യക്ഷപ്പെടുന്നത്‌. ജൂണ്‍ 17നാണ് ചിത്രം തിയേറ്ററുകളിലെത്തുക.
Vaashi songs: നേരത്തെ ചിത്രത്തിലെ മനോഹര ഗാനങ്ങളും പുറത്തിറങ്ങിയിരുന്നു. കണ്ണിനും കാതിനും ഒരുപോലെ കുളിര്‍മയേകുന്ന ഫീല്‍ ഗുഡ്‌ ഗാനങ്ങളാണ് ചിത്രത്തിലേത്‌. 'യാതൊന്നും പറയാതെ' 'ഋതുരാഗം' എന്നീ ഗാനങ്ങളാണ് പുറത്തിറങ്ങിയത്‌. ഇരു ഗാനങ്ങളും ആരാധകര്‍ ഏറ്റെടുത്തിരുന്നു.
- " class="align-text-top noRightClick twitterSection" data="">
Also Read: വാശി മറന്ന് പരസ്പരം ഇണങ്ങി താരങ്ങള്‍; സെക്കന്‍ഡ്‌ ഹാന്‍ഡുമായി ടൊവിനോ തോമസ്‌
Vaashi cast and crew: ജി. സുരേഷ്‌ കുമാര്‍, അനു മോഹന്‍, അനഘ നാരായണന്‍, ബൈജു, രമേഷ്‌ കോട്ടയം തുടങ്ങിയവരും ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കും. രേവതി കലാമന്ദിറിന്‍റെ ബാനറില്‍ ജി.സുരേഷ്‌ കുമാര്‍ ആണ് നിര്‍മാണം. അച്ഛന്‍ ജി. സുരേഷ്‌ കുമാര്‍ നിര്‍മിക്കുന്ന ചിത്രത്തില്‍ കീര്‍ത്തി സുരേഷ്‌ ഇതാദ്യമായാണ് നായികയാവുന്നത്‌. വിഷ്‌ണു രാഘവ്‌ ആണ് തിരക്കഥയും സംവിധാനവും. റോബി വര്‍ഗ്ഗീസ്‌ രാജ്‌ ഛായാഗ്രഹണവും നിര്‍വഹിക്കും. ജാനിസ്‌ ചാക്കോ സൈമണിന്‍റേതാണ് കഥ. മേനക സുരേഷ്‌, രേവതി സുരേഷ്‌ എന്നിവരാണ് കോ പ്രൊഡ്യൂസര്‍മാര്‍.
Tovino Thomas about Vaashi: വളരെ പ്രസക്‌തമായൊരു കാര്യമാണ് 'വാശി' പറയുന്നതെന്നാണ് സിനിമയെക്കുറിച്ച് ടൊവിനോ മുമ്പൊരിക്കല്‍ പറഞ്ഞത്‌. വിഷ്‌ണു രാഘവിന്‍റെ ചിത്രത്തില്‍ പ്രവര്‍ത്തിക്കാന്‍ കഴിഞ്ഞതില്‍ വലിയ സന്തോഷമുണ്ടെന്നും ടൊവിനോ തോമസ്‌ പറഞ്ഞിരുന്നു.
