Ullasam trailer: ഷെയിന്‍ നിഗത്തിനെ നായകനാക്കി നവാഗതനായ ജീവന്‍ ജോജോ സംവിധാനം ചെയ്യുന്ന ഏറ്റവും പുതിയ ചിത്രമാണ് 'ഉല്ലാസം'. സിനിമയുടെ ട്രെയ്‌ലര്‍ പുറത്തിറങ്ങിയിരിക്കുകയാണ്. 2.16 മിനിറ്റ്‌ ദൈര്‍ഘ്യമുള്ള വളരെ രസകരമായ ട്രെയ്‌ലറാണ് അണിയറപ്രവര്‍ത്തകര്‍ പുറത്തുവിട്ടത്‌.
- " class="align-text-top noRightClick twitterSection" data="">
Ullasam trailer highlights: ഷെയിന്‍ നിഗമും, പവിത്ര ലക്ഷ്‌മിയുമാണ് ട്രെയ്‌ലറില്‍ തിളങ്ങിനില്‍ക്കുന്നത്. 'ദൈവം പ്രത്യക്ഷപ്പെട്ട് എന്ത് വേണമെന്ന് ചോദിച്ചാല്‍ എന്ത് പറയുമെന്ന്' ഷെയിനിന്‍റെ കഥാപാത്രത്തോട്‌ നായിക ചോദിക്കുമ്പോള്‍ 'തനിക്ക് അമ്മയെ വേണമെന്നാണ്' താരം പറയുന്നത്‌. മനോഹരമായൊരു പ്രണയ ചിത്രമാകും 'ഉല്ലാസം' എന്നാണ് ട്രെയ്‌ലര്‍ നല്‍കുന്ന സൂചന.
Ullasam Teaser | Shane Nigam about Pranav Mohanlal meet: നേരത്തെ ചിത്രത്തിന്‍റെ ടീസറും പുറത്തിറങ്ങിയിരുന്നു. ബസില്‍ യാത്ര ചെയ്യുന്ന ഷെയിന്‍ തന്‍റെ ഹിമാലയന്‍ യാത്രയെ കുറിച്ചും യാത്രയ്‌ക്കിടെ പ്രണവ്‌ മോഹന്‍ലാലിനെ കണ്ടുമുട്ടിയതും സഹയാത്രികരോട് വിവരിക്കുന്നതാണ് ടീസറില്‍ കാണിച്ചത്. ഹിമാലയത്തില്‍ വച്ച് കണ്ടുമുട്ടിയ പ്രണവിന് പിന്നീട് എവിടെ പോകണമെങ്കിലും താന്‍ ഇല്ലാതെ പറ്റില്ലെന്ന്‌ ഷെയിന്‍ ബഡായി പറയുന്നതും ടീസറില്‍ കാണാം.
Choreographer Baba Bhaskar debut in Malayalam: ഇതുവരെയുള്ള ചിത്രങ്ങളില്‍ നിന്നും വളരെ വ്യത്യസ്‌തമായ രൂപത്തിലും ഭാവത്തിലുമാണ് ഷെയിന്‍ നിഗം ഉല്ലാസത്തില്‍ പ്രത്യക്ഷപ്പെടുന്നത്‌. സംഗീതത്തിനും നൃത്തത്തിനും ഏറെ പ്രാധാന്യമുള്ള ചിത്രമാണ് 'ഉല്ലാസം'. തെന്നിന്ത്യന്‍ സിനിമകളിലെ പ്രശസ്‌ത നൃത്ത സംവിധായകന്‍ ബാബ ഭാസ്‌കര്‍ നൃത്ത ചുവടുകള്‍ ഒരുക്കിയ ആദ്യ മലയാള ചിത്രം എന്ന പ്രത്യേകയും 'ഉല്ലാസ'ത്തിനുണ്ട്‌.
Ullasam stars: നിരവധി പരസ്യ ചിത്രങ്ങളിലൂടെയും ഹ്രസ്വ ചിത്രങ്ങളിലൂടെയും മറ്റും പ്രശസ്‌തയായ പവിത്ര ലക്ഷ്‌മിയാണ് സിനിമയില്‍ നായികയായെത്തുന്നത്‌. ബേസില്‍ ജോസഫ്‌, അജു വര്‍ഗീസ്‌, ദീപക്‌ പറമ്പോല്‍, ലിയോണ ലിഷോയ്‌, ജോജി, നയന, അംബിക, അപ്പുക്കുട്ടി തുടങ്ങിയവരും ചിത്രത്തില്‍ അണിനിരക്കുന്നു.
Ullasam crew: ബി.കെ ഹരിനാരായണന്‍റെ വരികള്‍ക്ക് ഷാന്‍ റഹ്‌മാന്‍ ആണ് സംഗീതം. കൈതമറ്റം ബ്രദേഴ്‌സിന്‍റെ ബാനറില്‍ ജോ കൈതമറ്റം, ക്രിസ്‌റ്റി കൈതമറ്റം എന്നിവരാണ് നിര്‍മാണം. പ്രവീണ്‍ ബാലകൃഷ്‌ണനാണ് തിരക്കഥ. 'അരവിന്ദന്‍റെ അതിഥികള്‍' എന്ന ചിത്രത്തിലൂടെ ശ്രദ്ധേയനായ സ്വരൂപ്‌ ഫിലിപ്പ് ഛായാഗ്രഹണവും ജോണ്‍ കുട്ടി എഡിറ്റിങും ചെയ്യുന്നു. സമീറ സനീഷ്‌ വസ്‌ത്രാലങ്കാരവും റഷീദ്‌ അഹമ്മദ്‌ മേക്കപ്പും നിര്‍വഹിച്ചിരിക്കുന്നു.
