Selfiee new party anthem Kudi Chamkeeli released: ബോളിവുഡ് താരം അക്ഷയ് കുമാറിന്‍റെ റിലീസിനൊരുങ്ങുന്ന ഫാമിലി എന്‍റര്‍ടെയ്‌നര്‍ ചിത്രമാണ് 'സെല്‍ഫി'. ചിത്രത്തിലെ മൂന്നാമത്തെ വീഡിയോ ഗാനം പുറത്തിറങ്ങി. 'കുടി ചംകീലി' എന്ന ഗാനമാണ് അണിയറപ്രവര്‍ത്തകര്‍ പുറത്തുവിട്ടത്.
Akshay Kumar shares Kudi Chamkeeli: ഗാനം റിലീസ് ചെയ്‌ത വിവരം അക്ഷയ് കുമാര്‍ തന്‍റെ ഇന്‍സ്‌റ്റഗ്രാം പേജിലൂടെ പങ്കുവച്ചിട്ടുണ്ട്. 'ഒരു വജ്രത്തിന്‍റെ തിളക്കം പോലെ' -എന്ന അടിക്കുറിപ്പോടുകൂടിയാണ് താരം ഗാനം പങ്കുവച്ചിരിക്കുന്നത്. ''സെല്‍ഫി'യിലെ ഗാനം പുറത്തിറങ്ങി. ഫെബ്രുവരി 24ന് ചിത്രം തിയേറ്ററുകളില്‍' -എന്നും താരം കുറിച്ചിട്ടുണ്ട്.
- " class="align-text-top noRightClick twitterSection" data="">
Akshay and Diana Penty dancing together: യോ യോ ഹണി സിങ്ങാണ് ഈ പാര്‍ട്ടി ഗാനത്തിന്‍റെ രചനയും ആലാപനവും. പാട്ടിന്‍റെ താളത്തിനൊത്തുള്ള അക്ഷയ് കുമാറിന്‍റെയും ഡയാന പെന്‍റിയുടെയും ഒന്നിച്ചുള്ള നൃത്തച്ചുവടുകളാണ് ഗാനത്തിലുടനീളം. ഇടയ്‌ക്ക് യോ യോ ഹണി സിങ്ങും തന്‍റെ മുഖം കാണിക്കുന്നുണ്ട്.
Fans commented on Kudi Chamkeeli: അക്ഷയ് കുമാര്‍ പോസ്‌റ്റ് പങ്കിട്ടതിന് പിന്നാലെ ചുവന്ന ഹാര്‍ട്ട് ഇമോജികളും തീ ഇമോജികളുമായി ആരാധകരും കമന്‍റ്‌ ബോക്‌സില്‍ എത്തിയിട്ടുണ്ട്. 'ഈ വർഷത്തെ ബ്ലോക്ക്ബസ്‌റ്റർ ഗാനം ഇതാ' -എന്നാണ് ഒരു ആരാധകന്‍ കുറിച്ചിരിക്കുന്നത്. 'യോ യോ ഹണി സിങ്ങിനൊപ്പം കുടി ചംകീലിയുമായി ഖിലാടി തിരികെയെത്തി.' -മറ്റൊരാള്‍ കുറിച്ചു.
Akshay Kumar Yo Yo Honey Singh party anthem: ഇതാദ്യമായല്ല അക്ഷയ് കുമാറും യോ യോ ഹണി സിങ്ങും ഒന്നിച്ച്‌ പ്രവര്‍ത്തിക്കുന്നത്. 'പാര്‍ട്ടി ഓള്‍ നൈറ്റ്', 'ബോസ് ടൈറ്റില്‍ ട്രാക്ക്', 'ആല്‍ക്കഹോളിക്', 'ലോണ്‍ലി' എന്നീ പാര്‍ട്ടി ഗാന ട്രാക്കുകള്‍ക്കായും ഇരുവരും ഒന്നിച്ചിട്ടുണ്ട്.
Akshay Kumar Selfiee songs: നേരത്തെ 'സെൽഫി'യിലെ 'മെയിൻ ഖിലാഡി', 'കുടിയേ നീ തേരി' എന്നീ ഗാനങ്ങളും പുറത്തിറങ്ങിയിരുന്നു. ആദ്യ രണ്ട് ഗാനങ്ങള്‍ക്കും മികച്ച പ്രതികരണമാണ് ആരാധകരില്‍ നിന്ന് ലഭിച്ചത്.
Selfiee storyline: ഒരു സൂപ്പര്‍ സ്‌റ്റാറിന്‍റെയും ഒരു സൂപ്പര്‍ ആരാധകന്‍റെയും കഥയാണ് സെല്‍ഫി. സൂപ്പര്‍ സ്‌റ്റാറായി അക്ഷയ് കുമാറും സൂപ്പര്‍ സ്‌റ്റാറിന്‍റെ ആരാധകനായി ഇമ്രാന്‍ ഹാഷ്‌മിയുമാണ് വേഷമിടുന്നത്. ഒരു ആര്‍ടിഒ ഓഫിസര്‍ കൂടിയാണ് സിനിമയില്‍ ഇമ്രാന്‍ ഹാഷ്‌മി.
- " class="align-text-top noRightClick twitterSection" data="
">
Also Read: അക്ഷയ് കുമാറും ഇമ്രാന്‍ ഹാഷ്‌മിയും നേര്‍ക്കുനേര്‍; സെല്‍ഫി പുതിയ ട്രെയിലര്‍ ശ്രദ്ധേയം
Selfiee theatre release: രാജ് മേത്ത സംവിധാനം ചെയ്യുന്ന ചിത്രത്തിൽ അക്ഷയ് കുമാർ, ഇമ്രാൻ ഹാഷ്‌മി, നുഷ്രത്ത് ബറൂച്ച, ഡയാന പെന്‍റി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. 2023 ഫെബ്രുവരി 24 ന് ചിത്രം തിയേറ്ററുകളിൽ എത്തും.
Driving License movie Hindi remake Selfiee: 2019ല്‍ പൃഥ്വിരാജും സുരാജ് വെഞ്ഞാറമ്മൂടും കേന്ദ്രകഥാപാത്രങ്ങളായെത്തിയ 'ഡ്രൈവിംഗ് ലൈസൻസ്' എന്ന മലയാള സൂപ്പര്‍ഹിറ്റ് ചിത്രത്തിന്‍റെ ഹിന്ദി റീമേക്കാണ് സെല്‍ഫി.
