Salman Khan back to Bigg Boss after Diwali: ബോളിവുഡ്‌ സൂപ്പര്‍ താരം സല്മാന് ഖാന് ഡെങ്കിപ്പനി ബാധിച്ചതിനെ തുടര്‍ന്ന് സംവിധായകന്‍ കരണ്‍ ജോഹറാണ് ബിഗ് ബോസിന്‍റെ താത്‌ക്കാലിക അവതാരകന്‍. ബിഗ് ബോസ് സീസണ്‍ 16ന്‍റെ വരാനിരിക്കുന്ന മൂന്ന് എപ്പിസോഡുകളിലാണ് കരണ്‍ ജോഹര്‍ അവതാരകനായെത്തുക. ദീപാവലി ആഘോഷങ്ങള്‍ക്ക് ശേഷം സല്മാന് വീണ്ടും ബിഗ് ബോസിലേക്ക് തിരികെയെത്തുമെന്ന് താരത്തോടടുത്ത വൃത്തം അറിയിച്ചു.
Karan Johar host Bigg Boss 16: "കഴിഞ്ഞ ആഴ്‌ച ആണ് സല്മാന് ഡെങ്കിപ്പനി സ്ഥിരീകരിച്ചത്. അദ്ദേഹം സുഖം പ്രാപിച്ചുവരികയാണ്. ഇപ്പോള്‍ വിശ്രമിക്കുന്ന താരം ദീപാവലിക്ക് ശേഷം സുഖം പ്രാപിക്കും. സല്മാന് ഖാന്‍റെ ടീം അദ്ദേഹത്തിന് സുഖമില്ലെന്ന് ഞങ്ങളെ അറിയിച്ചു. ഈ വ്യാഴാഴ്‌ച അദ്ദേഹം ചിത്രീകരണത്തിന് വന്നില്ല.
Salman Khan health update: സാധാരണയായി അദ്ദേഹം വീക്കെന്‍ഡ്‌ (വെള്ളി, ശനി) എപ്പിസോഡിന്‍റെ ഷൂട്ട്‌ വ്യാഴാഴ്‌ച തന്നെ ചെയ്യും. ഇപ്പോള്‍ സല്മാന് പകരമായി കരണ്‍ ജോഹര്‍ ആ സ്ഥാനം അലങ്കരിക്കും. ദീപാവലി സ്‌പെഷ്യല്‍ ഉള്‍പ്പെടെയുള്ള ബിഗ് ബോസിന്‍റെ മൂന്ന് എപ്പിസോഡുകള്‍ കരണ്‍ ജോഹര്‍ ഹോസ്‌റ്റ് ചെയ്യും. ശനി, ഞായർ എപ്പിസോഡുകൾ കൂടാതെ ദീപാവലി സ്‌പെഷ്യൽ എപ്പിസോഡ്‌ തിങ്കളാഴ്‌ച സംപ്രേക്ഷണം ചെയ്യും", താരത്തോടടുത്ത വൃത്തം പറഞ്ഞു.
Bigg Boss 16 Diwali special episode: ശനിയാഴ്‌ച രാത്രി സംപ്രേക്ഷണം ചെയ്‌ത ഷോയുടെ എപ്പിസോഡിൽ സൽമാൻ ഖാന് സുഖമില്ലെന്ന് ബിഗ് ബോസ് ടീം അറിയിച്ചിരുന്നു. തുടര്‍ന്ന് കരൺ ജോഹര്‍ ഹോസ്‌റ്റിങ് ചുമതല ഏറ്റെടുക്കുമെന്നും അറിയിച്ചു. സല്‍മാന്‍റെ അസാന്നിധ്യത്തില്‍ ബിഗ് ബോസിന്‍റെ ഹോസ്‌റ്റിംഗ് ചുമതല താത്ക്കാലികമായാണ് കരണ്‍ ജോഹര്‍ ഏറ്റെടുത്തത്. നിലവില്‍ ജലക് ദിഖ്‌ല ജാ എന്ന റിയാലിറ്റി ഡാന്‍സ് ഷോയിലെ ജൂറി അംഗം കൂടിയാണ് കരണ്‍.
Salman Khan latest movies: 'കിസി കാ ഭായ് കിസി കി ജാൻ', 'ടൈഗർ 3' എന്നിവയാണ് താരത്തിന്‍റെ റിലീസിനൊരുങ്ങുന്ന പുതിയ ചിത്രങ്ങള്‍. ഈ ചിത്രങ്ങളുടെ റിലീസ് തീയതിയും താരം പ്രഖ്യാപിച്ചിരുന്നു. 2023 ഈദ്‌ റിലീസായി 'കിസി കാ ഭായ് കിസി കി ജാൻ' തിയേറ്ററുകളിലെത്തും. 2023 ദീപാവലി റിലീസായി 'ടൈഗര്‍ 3'യും റിലീസിനെത്തും.
Salman Khan Bigg Boss remuneration: 2010 മുതല്‍ സല്മാന് ഖാന് ആണ് ബിഗ് ബോസ് അവതാരകന്‍. ബിഗ് ബോസിന്‍റെ നാലാം സീസണ്‍ മുതലാണ് താരം അവതാരകനായി എത്തുന്നത്. താരത്തിന്‍റെ പ്രതിഫലത്തെ കുറിച്ച്‌ അടുത്തിടെ അഭ്യൂഹങ്ങള്‍ പരന്നിരുന്നു. ബിഗ് ബോസ് സീസണ്‍ നാല്, അഞ്ച്, ആറ് സീസണുകള്‍ 2.5 കോടി രൂപയായിരുന്നു ഓരോ എപ്പിസോഡിലും താരം പ്രതിഫലമായി വാങ്ങിയിരുന്നത് എന്നാണ് റിപ്പോര്‍ട്ടുകള്‍.
സീസണ്‍ 11 ആയപ്പോള്‍ പ്രതിഫലം രണ്ടക്കമായി ഉയര്‍ന്നു. സീസണ്‍ 13ല്‍ ഒരു എപ്പിസോഡിന് 11 കോടി ആയിരുന്നു പ്രതിഫലം. എന്നാല്‍ 14-ാം സീസണില്‍ കൊവിഡിനെ തുടര്‍ന്ന് താരം പ്രതിഫലം കുറച്ചു. 16-ാം സീസണില്‍ പ്രതിഫലം 1000 കോടിയാണെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ വാര്‍ത്ത നിഷേധിച്ച് താരം രംഗത്തെത്തിയിരുന്നു. 1000 കോടി ലഭിച്ചാല്‍ പിന്നെ ജീവിതത്തില്‍ ഒരിക്കലും താന്‍ ജോലി ചെയ്യില്ല എന്നായിരുന്നു നടന്‍റെ പ്രതികരണം.
Also Read: സൽമാൻ ഖാന് ഡെങ്കിപ്പനി; കരണ്‍ ജോഹര്‍ ഇനി ബിഗ് ബോസ് അവതാരകന്‍
