വാഷിങ്ടൺ: പ്രിയങ്ക ചോപ്ര, റിച്ചാർഡ് മാഡൻ എന്നിവർ പ്രധാന കഥാപാത്രങ്ങളായി എത്തുന്ന ഗ്ലോബൽ സ്‌പൈ സീരീസ് ‘സിറ്റഡൽ’ ൻ്റെ രണ്ടാം ട്രെയിലർ വ്യാഴാഴ്‌ച റിലീസായി. പ്രൈം വീഡിയോ ഇന്ത്യയുടെ ഔദ്യോഗിക യൂട്യൂബ് ചാനലിലാണ് സീരീസിൻ്റെ ട്രെയിലർ റിലീസ് ചെയ്‌തത്. മാർവൽ സിനിമാറ്റിക് യൂണിവേഴ്‌സിൻ്റെ ഭാഗമായ മാർവൽ 'അവഞ്ചേഴ്‌സ് എൻഡ് ഗെയിം', 'അവഞ്ചേഴ്‌സ് ഇൻഫിനിറ്റി വാർ' എന്നീ സിനിമകളുടെ സംവിധാനം നിർവഹിച്ച റൂസോ ബ്രദേഴ്‌സാണ് സിറ്റഡലും ഒരുക്കുന്നത്.
- " class="align-text-top noRightClick twitterSection" data="">
സ്വകാര്യ ഏജൻ്റുകളായി റിച്ചാർഡ് മാഡനും പ്രിയങ്ക ചോപ്രയും: കമിതാക്കളായ രണ്ടു സ്വകാര്യ ഏജൻ്റുകളായാണ് സീരീസിൽ റിച്ചാർഡ് മാഡനും പ്രിയങ്ക ചോപ്രയും വേഷമിടുന്നത്. ഇരുവരും തമ്മിലുള്ള ബന്ധത്തിൻ്റെ വ്യാപ്‌തി കാണിച്ചുകൊണ്ട് തുടങ്ങുന്ന ട്രെയിലർ ഒട്ടും സമയം കളയാതെ തന്നെ ആക്ഷൻ സീനുകളിലേക്കു മറുകയാണ്. പിന്നീട് ഒരു ബുള്ളറ്റ് ട്രെയിൽ അപകടം കാണിക്കുന്ന ട്രെയിലർ സീരീസിലെ പ്രധാന ഘടകമായ സിറ്റഡൽ എന്ന രഹസ്യാന്വേഷണ വിഭാഗത്തിൻ്റെ ഓഫിസ് കാണിക്കുന്നു. അതിനുശേഷം എട്ട് വർഷം മുൻപ് സിറ്റഡലിൻ്റെ ഏജൻ്റുകളായിരുന്ന ഇരുവരുടെയും ഓർമകൾ ഒരു പ്രത്യേക സാഹചര്യത്തിൽ നശിപ്പിക്കപ്പെട്ടതാണെന്നും ഇപ്പോൾ ഒരു ആവശ്യം വന്നപ്പോൾ ഇവിടേക്ക് കൊണ്ടുവന്നതാണെന്നും നായക കഥാപാത്രത്തെ അവതരിപ്പിക്കുന്ന റിച്ചാർഡ് മാഡനോട് ഒരാൾ വിശദീകരിക്കുന്നു.
കോരിതരിപ്പിക്കുന്ന ആക്ഷൻ രംഘങ്ങൾ: തുടർന്ന് ഓർമ നഷ്‌ട്ടപ്പെട്ട നായകനു നേരെ കത്തി എറിഞ്ഞു കൊണ്ട് പഠിച്ച അഭ്യാസങ്ങളൊന്നും മറന്നിട്ടില്ലെന്ന് കാണിച്ചു കൊടുക്കുന്നതു കാണാം. ഓർമ തിരിച്ചു കിട്ടുന്ന നായകഥാപാത്രം നായികയായ നാദിയ (പ്രിയങ്ക ചോപ്ര)യെ കാണാൻ പോകുകയും തുടർന്ന് ഓർമ നഷ്‌ട്ടപ്പെട്ട നാദിയക്ക് അവനെ തിരിച്ചറിയാനാകാത്തതുമാണ് ട്രെയിലറില്‍ കാണാൻ സാധിക്കുന്നത്. എന്നാൽ ഒരു വില്ലൻ കഥാപാത്രത്തിൻ്റെ ആക്രമണം നേരിടേണ്ടി വരുന്നതിനെ തുടർന്ന് നായികക്കും തൻ്റെ ഓർമ തിരിച്ചു കിട്ടുന്നു. പിന്നീട് ഇരുവരും ചേർന്നുള്ള കോരിത്തരിപ്പിക്കുന്ന ആക്ഷൻ രംഗങ്ങളും സംഭാഷണങ്ങളും മാസ് ഡയലോഗുകളും കാണിച്ചു കൊണ്ടാണ് ട്രെയിലർ അവസാനിക്കുന്നത്.
- " class="align-text-top noRightClick twitterSection" data="
">
also read: പ്രിയങ്ക ചോപ്രയുടെ 'സിറ്റഡൽ' ട്രെയിലർ ഗ്രീസിലെ ട്രെയിൻ അപകടത്തെ തുടർന്ന് നിർമാതാക്കൾ മാറ്റിവച്ചു
സിറ്റഡലിൻ്റെ ഇന്ത്യൻ പതിപ്പിൽ വരുൺ ധവാനും സാമന്ത റൂത്ത് പ്രഭുവും: മുൻപേ വരേണ്ടിയിരുന്ന ‘സിറ്റഡൽ’ ട്രെയിലർ ഗ്രീസിൽ ഈ അടുത്ത് സംഭവിച്ച ഒരു ട്രെയിൻ അപകടത്തെ തുടർന്ന് റിലീസ് മാറ്റി വയ്ക്കു‌കയായിരുന്നു. അന്താരാഷട്ര സമൂഹത്തോടുള്ള തങ്ങളുടെ ബഹുമാനം കണക്കിലെടുത്ത് ‘സിറ്റഡൽ’ൻ്റെ ട്രെയിലർ റിലീസ് മാറ്റി വയ്ക്കു‌ന്നു എന്നാണ് അന്ന് അണിയറ പ്രവർത്തകർ അറിയിച്ചത്. വരുൺ ധവാനും സാമന്ത റൂത്ത് പ്രഭുവും പ്രധാന കഥാപാത്രങ്ങളെ അവതരിപ്പിച്ചു കൊണ്ട് സിറ്റഡലിൻ്റെ ഇന്ത്യൻ പതിപ്പും വരാനിരിക്കുന്നുണ്ട്. രാജ് നിഡിമോരു, കൃഷ്‌ണ ഡി കെ എന്നിവർ ചേർന്നാണ് സിറ്റഡലിൻ്റെ ഇന്ത്യൻ പതിപ്പ് നിർമിക്കുന്നത്. ലോകമെമ്പാടുമായി 240ൽ അധികം രാജ്യങ്ങളിൽ സിറ്റഡൽ ലഭ്യമാകുന്ന ‘സിറ്റഡൽ’ ഏപ്രിൽ 28 ന് ആമസോൺ പ്രൈം വീഡിയോയിലൂടെയാണ് സ്‌ട്രീമിങ് ആരംഭിക്കുന്നത്.
also read: നവാസുദ്ദീൻ സിദ്ദിഖിയും മുൻ ഭാര്യയും മക്കളും ഭാര്യാസഹോദരനും ഹാജരാകണം ; ഉത്തരവിട്ട് മുംബൈ ഹൈക്കോടതി
