തിയേറ്ററുകളില്‍ പ്രേക്ഷകരെ പൊട്ടിച്ചിരിപ്പിക്കാനും ചിന്തിപ്പിക്കാനും കരയിക്കാനുമായി ഇന്ന് (ഓഗസ്‌റ്റ് 4) തിയേറ്ററുകളില്‍ എത്തിയത് ഏഴ് മലയാള ചിത്രങ്ങള്‍. സൈജു കുറുപ്പിന്‍റെ 'പാപ്പച്ചന്‍ ഒളിവിലാണ്', 'ഓളം', 'പര്‍പ്പിള്‍ പോപ്പിന്‍സ്', 'കൊറോണ ധവാന്‍', 'അനക്ക് എന്തിന്‍റെ കേടാ', 'കെങ്കേമം', 'നിള' എന്നിവയാണ് ഇന്ന് റിലീസായ ചിത്രങ്ങള്‍.
പാപ്പച്ചൻ ഒളിവിലാണ് : സൈജു കുറുപ്പിനെ കേന്ദ്രകഥാപാത്രമാക്കി സിൻ്റോ സണ്ണി സംവിധാനം ചെയ്‌ത ചിത്രത്തില്‍ ടൈറ്റില്‍ റോളിലാണ് സൈജു കുറുപ്പ് എത്തിയത്. മലയോര ഗ്രാമത്തിലെ സാധാരണക്കാരനായ ഒരു ലോറി ഡ്രൈവറുടെ വേഷമാണ് സൈജു കുറുപ്പ് അവതരിപ്പിച്ചിരിക്കുന്നത്. ഇയാളുടെ ജീവിതത്തില്‍ അരങ്ങേറുന്ന സംഭവ വികാസങ്ങളിലൂടെയാണ് സിനിമയുടെ കഥ നീങ്ങുന്നത്.
- " class="align-text-top noRightClick twitterSection" data="">
ശ്രിന്ദയും ദർശനയും നായികമാരായി എത്തിയ ചിത്രത്തില്‍ അജു വര്‍ഗീസ്, വിജയരാഘവന്‍, ജഗദീഷ്, ശിവജി ഗുരുവായൂർ, കോട്ടയം നസീർ, വീണ നായർ, ജോണി ആൻ്റണി, ജോളി ചിറയത്ത് എന്നിവരും പ്രധാന കഥാപാത്രങ്ങളില്‍ എത്തി.
പര്‍പ്പിള്‍ പോപ്പിന്‍സ് : ക്രിസ്റ്റ്യാന എന്ന കൗമാരക്കാരിയുടെ ജീവിത കഥയെ ആസ്‌പദമാക്കി എംബിഎസ് ഷൈന്‍ സംവിധാനം ചെയ്‌ത ചിത്രമാണ് 'പര്‍പ്പിള്‍ പോപ്പിന്‍സ്'. ഒരു ക്രൈം ഡ്രാമ ഫാമിലി ത്രില്ലര്‍ വിഭാഗത്തിലായാണ് സംവിധായകന്‍ ചിത്രം ഒരുക്കിയത്.
- " class="align-text-top noRightClick twitterSection" data="">
ആത്മഹത്യ ചെയ്യുന്ന ക്രിസ്റ്റ്യാന അവളുടെ മൂന്ന് സുഹൃത്തുക്കള്‍ക്കയച്ച മൂന്ന് കത്തുകള്‍ പൊലീസ് കണ്ടെത്തുകയും, ആ കൗമാരക്കാരിയുടെ ജീവിതത്തില്‍ സംഭവിച്ച കാര്യങ്ങളുമാണ് ചിത്രം പറയുന്നത്. സംവിധായകന്‍ എംബിഎസ് ഷൈന്‍ തന്നെയാണ് സിനിമയുടെ കഥയും തിരക്കഥയും സംഭാഷണവും ഒരുക്കിയിരിക്കുന്നത്.
ഓളം : അര്‍ജുന്‍ അശോകനെ നായകനായി വിഎസ് അഭിലാഷ് സംവിധാനം ചെയ്‌ത ചിത്രമാണ് 'ഓളം'. വേറിട്ട ഗെറ്റപ്പിലാണ് ചിത്രത്തില്‍ അര്‍ജുന്‍ അശോകന്‍ പ്രത്യക്ഷപ്പെട്ടിരിക്കുന്നത്. ജീവിതവും ഫാന്‍റസിയും ഇടകലര്‍ത്തിക്കൊണ്ട് ഒരു സസ്‌പെന്‍സ് ത്രില്ലര്‍ ജോണറിലാണ് സംവിധായകന്‍ 'ഓളം' ഒരുക്കിയിരിക്കുന്നത്.
- " class="align-text-top noRightClick twitterSection" data="">
സംവിധായകനും നടി ലെനയും ചേര്‍ന്നാണ് സിനിമയുടെ തിരക്കഥ നിര്‍വഹിച്ചത്. ലെന ആദ്യമായി തിരക്കഥ എഴുതിയ ചിത്രം കൂടിയാണ് 'ഓളം'.
കൊറോണ ധവാന്‍ : ലുക്‌മാന്‍, ശ്രീനാഥ് ഭാസി എന്നിവര്‍ കേന്ദ്രകഥാപാത്രങ്ങളില്‍ എത്തിയ കോമഡി ചിത്രമാണ് 'കൊറോണ ധവാന്‍'. കൊറോണ കാലത്ത് മദ്യത്തിനായുള്ള ആളുകളുടെ പരക്കം പാച്ചിലാണ് ചിത്രപശ്ചാത്തലം.
- " class="align-text-top noRightClick twitterSection" data="">
ഒരു മുഴുനീളന്‍ കോമഡി എന്‍റര്‍ടെയിനറായാണ് നവാഗതനായ സി സി ചിത്രം ഒരുക്കിയിരിക്കുന്നത്.
നിള : ശാന്തി കൃഷ്‌ണയെ കേന്ദ്രകഥാപാത്രമാക്കി നവാഗതയായ ഇന്ദു ലക്ഷ്‌മി രചനയും സംവിധാനവും നിര്‍വഹിച്ച ചിത്രമാണ് 'നിള'. വിനീത്, അനന്യ, മാമുക്കോയ, മധുപാല്‍ തുടങ്ങിയവരും ചിത്രത്തില്‍ സുപ്രധാന വേഷങ്ങളില്‍ എത്തി. അതിജീവനത്തിന്‍റെയും സ്‌ത്രീകള്‍ തമ്മിലുള്ള ആത്മബന്ധത്തിന്‍റെയും സൗഹൃദത്തിന്‍റെയും കഥയാണ് 'നിള'.
- " class="align-text-top noRightClick twitterSection" data="">
വിഭിന്നമായ പശ്ചാത്തലത്തില്‍ നിന്നുള്ള രണ്ട് സ്‌ത്രീകള്‍ യാദൃശ്ചികമായി പരസ്‌പരം അറിയുന്നതും പിന്നീട് അവര്‍ക്കിടയില്‍ ഉടലെടുക്കുന്ന സൗഹൃദത്തിന്‍റെയും വിശ്വാസത്തിന്‍റെയും ശക്തമായ ആവിഷ്‌കരണം കൂടിയാണ് ചിത്രം.
കെങ്കേമം : ഹാസ്യത്തിന് പ്രാധാന്യം നല്‍കിക്കൊണ്ട്‌ നവാഗതനായ ഷാഹ് മോന്‍ ബി പറേലില്‍ കഥയും തിരക്കഥയും സംവിധാനവും നിര്‍വഹിച്ച ചിത്രമാണ് 'കെങ്കേമം'. ഒരു മുഴുനീള കോമഡിയായി ഒരുക്കിയ ചിത്രം മൂന്ന് കാലഘട്ടങ്ങളിലൂടെയാണ് കഥ പറയുന്നത്. ചെറുപ്പക്കാരുടെ ആശയങ്ങളും സ്വപ്‌നങ്ങളും ഒക്കെയാണ് ചിത്രം ചര്‍ച്ച ചെയ്യുന്നത്. മമ്മൂട്ടി, മോഹന്‍ലാല്‍, ദിലീപ്, പൃഥ്വിരാജ്, സണ്ണി ലിയോണി തുടങ്ങിയ താരങ്ങളുടെ ഫാന്‍ ഫൈറ്റിലൂടെയാണ് സിനിമയുടെ കഥ വികസിക്കുന്നത്.
- " class="align-text-top noRightClick twitterSection" data="">
കൊവിഡ് കാലത്ത് സിനിമ ഇല്ലാതായതോടെ തങ്ങളുടെ പ്രശ്‌നങ്ങളെ മറികടക്കാന്‍ ശ്രമിക്കുന്ന മൂന്ന് ചെറുപ്പക്കാരുടെ കഥയാണ് ചിത്ര പശ്ചാത്തലം. ഹാസ്യത്തിന് പുറമെ സംഗീതത്തിനും പ്രാധാന്യം നല്‍കിയ ചിത്രത്തില്‍ സലിം കുമാര്‍, മക്‌ബൂല്‍ സല്‍മാന്‍, ഇടവേള ബാബു, നോബി മാര്‍ക്കോസ്, ഭഗത് മാനുവല്‍, മിസ്‌റ്റര്‍ വേള്‍ഡ്‌ ചിത്തരേഷ് നടേശന്‍, അരിസ്‌റ്റോ സുരേഷ്, ലെവിന്‍ സൈമണ്‍, മന്‍രാജ്, സുനില്‍ സുഗത, നിയാസ് ബക്കര്‍, സാജു നവോദയ തുടങ്ങിയവരും അണിനിരന്നു.
അനക്ക് എന്തിന്‍റെ കേടാ : കൈലാഷ്, സുധീർ കരമന, അഖിൽ പ്രഭാകർ, വിജയ്‌ കുമാർ, സായ്‌കുമാർ എന്നിവരെ കേന്ദ്ര കഥാപാത്രങ്ങളാക്കി മാധ്യമ പ്രവർത്തകനായ ഷെമീർ ഭരതനൂർ സംവിധാനം ചെയ്‌ത ചിത്രമാണ് 'അനക്ക് എന്തിന്‍റെ കേടാ'.
- " class="align-text-top noRightClick twitterSection" data="">
സംവിധായകൻ അനുറാം അതിഥി വേഷത്തിലെത്തിയ ചിത്രത്തില്‍ ശിവജി ഗുരുവായൂർ, മധുപാൽ, വീണ നായർ, ബിന്ദു പണിക്കർ എന്നിവരും വേഷമിട്ടു.
