ലുക്‌മാൻ അവറാൻ നായകനാകുന്ന 'കുണ്ടന്നൂരിലെ കുത്സിത ലഹള' സിനിമയുടെ ഫസ്റ്റ് ലുക്ക് പോസ്റ്റർ പുറത്തുവന്നു (Lukman starrer Kundannoorile Kulsitha Lahala fisrt look). അക്ഷയ് അശോക് സംവിധാനം ചെയ്യുന്ന ചിത്രത്തിന്‍റെ ഏറെ കൗതുകമുണർത്തുന്ന പോസ്റ്ററാണ് അണിയറ പ്രവർത്തകർ പുറത്തുവിട്ടത്. കേഡർ സിനി ക്രിയേഷൻസിന്‍റെ ബാനറിൽ പികെ സ്റ്റോറീസും സംയുക്തമായി നിർമിക്കുന്ന ചിത്രം ഉടൻ തിയേറ്ററുകളിൽ പ്രദർശനത്തിനെത്തും.
ലുക്‌മാൻ അവറാന് പുറമെ വീണ നായർ, ആശ മഠത്തിൽ, പ്രദീപ് ബാലൻ, ദാസേട്ടൻ കോഴിക്കോട്, ജെയിൻ ജോർജ്, സുനീഷ് സാമി എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഇവർക്കൊപ്പം ഒരുകൂട്ടം പുതുമുഖ അഭിനേതാക്കളും ചിത്രത്തിൽ അണിനിരക്കുന്നു. അക്ഷയ് അശോക് തന്നെയാണ് ചിത്രത്തിന്‍റെ രചനയും നിർവഹിച്ചിരിക്കുന്നത്.
ഫജ്ജു എ വി ഛായാഗ്രാഹകനായ ചിത്രത്തിന്‍റെ എഡിറ്റർ അശ്വിൻ ബി ആണ്. മെൽവിൻ മൈക്കൽ ആണ് സംഗീതവും പശ്ചാത്തല സംഗീതം ഒരുക്കുന്നത്. റോബിൻ ടോം ആണ് ആക്ഷൻ കൊറിയോഗ്രഫർ.
ചീഫ് അസോസിയേറ്റ് ഡയറക്‌ടർ - അധിൻ ഒള്ളൂർ, സൗരഭ് ശിവ, അസിസ്റ്റന്‍റ് ഡയറക്‌ടർ - അനഗ് എസ് ദിനേശ്, വൈശാഖ് എം വി, ആനന്ദ് ചന്ദ്രൻ, അക്ഷയ് സത്യ, വസ്‌ത്രാലങ്കാരം - മിനി സുമേഷ്, പ്രൊഡക്ഷൻ മാനേജർ - നിഖിൽ സി എം, വരികൾ - അക്ഷയ് അശോക്, ജിബിൻ കൃഷ്‌ണ, വി എഫ് എക്‌സ് - രന്തിഷ് രാമകൃഷ്‌ണൻ, ഡിസൈൻ - അധിൻ ഒളളൂർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.
'അച്ചുതന്‍റെ അവസാന ശ്വാസം' ടൈറ്റിൽ പോസ്‌റ്റര്‍ പുറത്ത്: ജോസഫ് ചിലമ്പന്‍ കേന്ദ്ര കഥാപാത്രമായെത്തുന്ന 'അച്ചുതന്‍റെ അവസാന ശ്വാസം' (Achuthan s Last Breath) സിനിമയുടെ ടൈറ്റില്‍ ലുക്ക് പോസ്‌റ്റര്‍ അണിയറ പ്രവര്‍ത്തകര്‍ പുറത്തുവിട്ടു (Achuthan's Last Breath Title Poster). നവാഗതനായ അജയ് ആണ് സിനിമയുടെ തിരക്കഥയും സംവിധാനവും നിർവഹിക്കുന്നത്. 'ചട്ടമ്പി', 'മറിയം', 'സാജന്‍ ബേക്കറി', 'അപ്പന്‍' എന്നീ സിനിമകളിലൂടെ ശ്രദ്ധേയനാണ് ജോസഫ് ചിലമ്പന്‍.
മധ്യവയസ്‌കനും കിടപ്പ് രോഗിയുമായ അച്ചുതന്‍റെ ജീവിതം പറയുന്ന ചിത്രത്തിൽ ജോസഫ് ചിലമ്പനാണ് അച്ചുതനായി വേഷമിടുന്നത്. ഓക്‌സിജൻ സിലിണ്ടറിനെ ആശ്രയിച്ച്, തന്‍റെ ജീവിതം മുന്നോട്ടു കൊണ്ടുപോവുകയാണ് അച്ചുതന്‍. കൊവിഡ് മഹാമാരി ആരംഭിച്ചത് മുതൽ ഓക്‌സിജൻ സിലിണ്ടറിന്‍റെ ആവശ്യകത വർധിച്ചതും, തുടർന്നുണ്ടായ ക്ഷാമവും അച്ചുതന്‍റെ ജീവിതത്തിൽ ഉണ്ടാക്കുന്ന പ്രതിസന്ധിയുമാണ് ചിത്രം വരച്ചുകാട്ടുന്നത്.
എൽഎംഎ ഫിലിം പ്രൊഡക്ഷൻസ്, പെർഫക്‌ട്‌ പിക്‌ചര്‍ സ്‌റ്റുഡിയോസ്, പ്രെസ്‌റ്റോ മുവീസ്, കാമധേനു ഫിലിംസ് എന്നീ ബാനറുകളിൽ ലീനു മേരി ആൻ്റണി നിർമിക്കുന്ന ചിത്രത്തിൽ പൗളി വൽസൻ, കിരൺ, അനിൽ കെ ശിവറാം എന്നിവരും സുപ്രധാന വേഷങ്ങളില്‍ എത്തുന്നു.
READ MORE: 'അച്ചുതന്‍റെ അവസാന ശ്വാസം' ; ടൈറ്റിൽ പോസ്‌റ്റര്‍ പുറത്ത്
