Lokesh Kanagaraj in Vikram audio launch: അറുപത്തി ഏഴാം വയസില്‍ 26 പുപ്‌ അപ്പ്‌! അതും രാത്രി 2 മണിക്ക്. അര്‍ധ രാത്രിയില്‍ പുഷ്‌ അപ്പ്‌ ചെയ്‌ത്‌ വാര്‍ത്തകളില്‍ ഇടംപിടിച്ചത്‌ ആരാണെന്നല്ലേ? സംവിധായകന്‍ ലോകേഷ്‌ കനകരാജിന്‍റെ വാക്കുകളാണിത്‌. ലോകേഷിന്‍റെ ഏറ്റവും പുതിയ ചിത്രമായ 'വിക്ര'ത്തിന്‍റെ ഓഡിയോ ലോഞ്ച്‌ നടന്ന വേദിയിലാണ് സംവിധായകന്‍ ഇക്കാര്യം വ്യക്തമാക്കിയത്‌.
Lokesh Kanagaraj latest movies: ദളപതി വിജയ്‌യുടെ 'മാസ്‌റ്ററി'ന് ശേഷം ലോകേഷ്‌ കനകരാജ്‌ ഒരുക്കുന്ന ബിഗ്‌ ബഡ്‌ജറ്റ്‌ ചിത്രത്തില്‍ ഉലകനായകന്‍ കമല്‍ ഹാസന്‍ ആണ് കേന്ദ്രകഥാപാത്രമായെത്തുന്നത്‌. കമല്‍ ഹാസനെ കൂടാതെ വിജയ്‌ സേതുപതി, ഫഹദ്‌ ഫാസില്‍, നരേന്‍, ചെമ്പന്‍ വിനോദ്‌, കാളിദാസ്‌ ജയറാം തുടങ്ങീ വന്‍ താരനിരയാണ് ചിത്രത്തില്‍ അണിനിരക്കുക. ചിത്രത്തില്‍ ഗസ്‌റ്റ്‌ റോളില്‍ സൂര്യയും പ്രത്യക്ഷപ്പെടുന്നുണ്ട്‌.
Lokesh Kanagaraj about Kamal Hassan push up: വിക്രത്തിന്‍റെ ഓഡിയോ ലോഞ്ചിനിടെ ചിത്രത്തിന്‍റെ ഷൂട്ടിംഗിനിടെ നടന്നൊരു സംഭവം വെളിപ്പെടുത്തിയിരിക്കുകയാണ് സംവിധായകന്‍ ലോകേഷ്‌ കനകരാജ്‌. കമല്‍ ഹാസനെ കുറിച്ചാണ് സംവിധായകന്‍റെ വെളിപ്പെടുത്തല്‍. വിക്രത്തിന്‍റെ ക്ലൈമാക്‌സ്‌ ചിത്രീകരിക്കുമ്പോള്‍ രാത്രി 2 മണിക്ക് കമല്‍ ഹാസന്‍ 26 പുഷ്‌ അപ്പ്‌ എടുത്തുവെന്നാണ് ലോകേഷ്‌ പറയുന്നത്‌. 67 വയസുള്ള അദ്ദേഹം ഇത്രയും പുഷ്‌ അപ്പ്‌ ഒരുമിച്ചെടുത്ത് ശരിക്കും ഞെട്ടിച്ചു എന്നാണ് ലോകേഷ്‌ പറയുന്നത്‌. നിറഞ്ഞ കൈയടിയോടെയാണ് ലോകേഷിന്‍റെ ഈ വാക്കുകള്‍ ആരാധകര്‍ ഏറ്റെടുത്തത്‌.
Vikram cast and crew: രാജ്‌കമല്‍ ഫിലിംസ്‌ ഇന്‍റര്‍നാഷണലിന്‍റെ ബാനറില്‍ കമല്‍ഹാസന്‍ തന്നെയാണ് ചിത്രത്തിന്‍റെ നിര്‍മാണം. ലോകേഷ്‌ കനകരാജും രത്‌നകുമാറും ചേര്‍ന്നാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്‌. ഗിരീഷ് ഗംഗാദരന്‍ ഛായാഗ്രഹണവും ഫിലോമിന്‍ രാജ് എഡിറ്റിംഗും നിര്‍വഹിക്കും. അനിരുദ്ധ്‌ രവിചന്ദറാണ് സംഗീതം. പ്രശസ്‌ത സ്‌റ്റണ്ട് കൊറിയോഗ്രാഫറായ അന്‍പറിവാണ് ചിത്രത്തിന്‍റെ സംഘട്ടന രംഗങ്ങള്‍ ഒരുക്കുന്നത്.
Vikram release: സോണി മ്യൂസിക്കാണ് 'വിക്ര'ത്തിന്‍റെ ഓഡിയോ റൈറ്റ്‌സ്‌ സ്വന്തമാക്കിയത്‌. വന്‍ തുകയ്‌ക്കാണ് സിനിമയുടെ ഓഡിയോ റൈറ്റ്‌സ്‌ സോണി മ്യൂസിക്‌ സ്വന്തമാക്കിയത്‌ എന്നാണ് റിപ്പോര്‍ട്ടുകള്‍. സിനിമയുടെ ഒടിടി റൈറ്റ്‌സിന്‍റെ വില്‍പ്പന വഴി ഇതിനോടകം തന്നെ 100 കോടി ക്ലബ്ബിലും വിക്രം സ്ഥാനമുറപ്പിച്ചു. ലോകമെമ്പാടുമുള്ള തിയേറ്ററുകളില്‍ ജൂണ്‍ മൂന്നിന് ചിത്രം തിയേറ്ററുകളിലെത്തും. 110 ദിവസങ്ങളുടെ ചിത്രീകരണമായിരുന്നു 'വിക്ര'ത്തിന്.
Also Read: ഗംഭീരം! നായകന്‍ ആര്‌ വില്ലന്‍ ആര്‌? കമലിനൊപ്പം പിടിച്ച്‌ നിന്ന് ഫഹദും സേതുപതിയും
