ക്യാപ്റ്റൻ മില്ലർ, അയലാനുമായുള്ള ഏറ്റുമുട്ടൽ ഒഴിവാക്കി ലാൽ സലാം; ചിത്രം പൊങ്കലിനെത്തില്ല

Lal Salaam Release Date: പൊങ്കൽ റിലീസായി ക്യാപ്റ്റൻ മില്ലറിനും അയലാനും ഒപ്പം പുറത്തിറങ്ങാനിരുന്ന രജനികാന്ത്‌ ചിത്രം 'ലാൽ സലാം' റിലീസ് തീയതി മാറ്റി. നേരത്തെ ജനുവരി 12ന് റിലീസ് ചെയ്യാനിരുന്ന ചിത്രം ഫെബ്രുവരി 9ന് പ്രദർശനത്തിനെത്തും.

ഹൈദരാബാദ്: രജനികാന്തിന്‍റെ ഏറെ പ്രതീക്ഷയോടെ കാത്തിരിക്കുന്ന ചിത്രമായ ലാൽ സലാമിന്‍റെ റിലീസ് തീയതി മാറ്റി (Lal Salaam Release Date). ജനുവരി 12 ന് പുറത്തിറങ്ങാനിരുന്ന ചിത്രം, ധനുഷിന്‍റെ ക്യാപ്റ്റൻ മില്ലറും ശിവകാർത്തികേയൻ നായകനായ അയലാന്‍ എന്നീ ചിത്രങ്ങള്‍ തമ്മിലുള്ള ഏറ്റുമുട്ടൽ ഒഴിവാക്കി റിലീസ് തീയതി ഫെബ്രുവരി 9 ലേക്കാണ്‌ മാറ്റിയത്‌. ശ്രദ്ധേയമായി, ലാൽ സലാമിന്‍റെ ബാനറായ ലൈക്ക പ്രൊഡക്ഷൻസ് ക്യാപ്റ്റൻ മില്ലറുടെ വിദേശ വിതരണാവകാശവും കൈകാര്യം ചെയ്യുന്നുണ്ട്, ഇതും റിലീസ് തീയതി മാറ്റത്തെ സ്വാധീനിച്ചു.

ക്യാപ്റ്റൻ മില്ലർ, അയലാന്‍ എന്നിവർക്കൊപ്പം ജനുവരി 12 ന് ലാൽ സലാം ആദ്യം ഷെഡ്യൂൾ ചെയ്‌തിരുന്നു, ലൈക്ക പ്രൊഡക്ഷൻസിന്‍റെ നേരത്തെ പുറത്തുവിട്ട പോസ്റ്റ് മാറ്റിവയ്ക്കാനുള്ള സാധ്യതയെക്കുറിച്ച് സൂചന നൽകി. സോഷ്യൽ മീഡിയയിലെ ഏറ്റവും പുതിയ പ്രഖ്യാപനത്തോടെ നിർമ്മാതാക്കൾ ലാൽ സലാം റിലീസ് തീയതി മാറ്റിയതായി സ്ഥിരീകരിച്ച്‌ ഫെബ്രുവരി 9 ചിത്രത്തിന്‍റെ പുതിയ റിലീസ് തീയതിയായി പ്രഖ്യാപിക്കുന്ന പോസ്റ്റർ പങ്കിട്ടു. "ലാൽ സലാം ബിഗ് സ്‌ക്രീനിൽ 2024 ഫെബ്രുവരി 9 ന് എത്തുന്നു (Lal Salaam Hits The Big Screen On February 9th 2024). ഇത്തരത്താലിയിരുന്നു പങ്കുവെച്ച പോസ്റ്ററില്‍ കുറിച്ചത്‌.

• " class="align-text-top noRightClick twitterSection" data="">

വിഷ്‌ണു വിശാലും വിക്രാന്തും അഭിനയിച്ച ലാൽ സലാമിൽ രജനികാന്തിന്‍റെ ഒരു നീണ്ട അതിഥി വേഷത്തിനൊപ്പം കപിൽ ദേവും എത്തുന്നു. ഐശ്വര്യ രജനികാന്ത് സംവിധാനം ചെയ്‌ത്‌ എആർ റഹ്മാൻ സംഗീതം നൽകിയ ചിത്രം ആകർഷകമായ അനുഭവം വാഗ്‌ദാനം ചെയ്യുന്നു. 3, വൈ രാജാ വൈ തുടങ്ങിയ ചിത്രങ്ങളിലൂടെ പ്രശന്‌തിയാര്‍ജിച്ച ഐശ്വര്യ രജനികാന്ത് തന്‍റെ വരാനിരിക്കുന്ന ഓ സാത്തി ചൽ എന്ന ചിത്രത്തിലൂടെ ബോളിവുഡ് അരങ്ങേറ്റത്തിനും ഒരുങ്ങുകയാണ്.

അതേസമയം, അടുത്തിടെ ഹിറ്റായ ജയിലറിലെ മികച്ച പ്രകടനത്തിലൂടെ രജനികാന്ത് ബോക്‌സ് ഓഫീസിൽ തന്‍റെ ശക്തി വീണ്ടും തെളിയിച്ചു. ജയിലർ എന്ന ചിത്രത്തിന് ശേഷം രജനികാന്ത് അഭിനയിക്കുന്ന അടുത്ത ചിത്രം കൂടിയാണ്‌ ലാൽ സലാം. 'മൊയ്‌ദീൻ ഭായി' എന്ന കഥാപാത്രത്തെയാണ് ചിത്രത്തിൽ രജനി അവതരിപ്പിക്കുന്നത്.

നേരത്തെ പുറത്തുവന്ന 'മൊയ്‌ദീൻ ഭായി'യുടെ ഫസ്റ്റ് ലുക്ക് പോസ്റ്റർ ആരാധകർ ഏറ്റെടുത്തിരുന്നു. ചുവന്ന തൊപ്പിയും കുർത്തയും ധരിച്ചാണ് രജനികാന്ത് പോസ്റ്ററിൽ. സെന്തിൽ, ജീവിത, തമ്പി രാമയ്യ, അനന്തിക സനിൽകുമാർ, വിവേക് പ്രസന്ന, തങ്കദുരൈ എന്നിവരാണ് ചിത്രത്തിലെ മറ്റു താരങ്ങൾ.