ഐഎഫ്‌എഫ്ഐ 2023; 'എൻഡ്‌ലെസ് ബോർഡേഴ്‌സി'ന്‌ സുവർണമയൂരം, 'കാന്താരയ്‌ക്ക്' പ്രത്യേക ജൂറി പരാമർശം

IFFI 2023 Winners: ലോക ചലച്ചിത്ര മേഖലയിലെ ആജീവനാന്ത സംഭാവനയ്‌ക്കുള്ള കേന്ദ്ര സർക്കാരിന്‍റെ സത്യജിത് റേ പുരസ്‌കാരം മൈക്കിൾ ഡഗ്ലസിന് സമർപ്പിച്ചു.

പനാജി: 54-ാമത് ഗോവ അന്താരാഷ്‌ട്ര ചലച്ചിത്ര മേളയിൽ സുവർണമയൂരം സ്വന്തമാക്കി ഇറാനിയൻ ചിത്രം 'എൻഡ്‌ലെസ് ബോർഡേഴ്‌സ്'. അബ്ബാസ് അമിനിയാണ് ചിത്രത്തിന്‍റെ സംവിധായകൻ. 15 ചിത്രങ്ങളെ പരാജയപ്പെടുത്തിയാണ് നേട്ടം. 40 ലക്ഷം രൂപയാണ് സമ്മാനത്തുക (IFFI 2023 Iranian film Endless Borders Golden Peacock award).

അഫ്ഗാനിസ്ഥാനിൽ താലിബാന്‍റെ കയ്യേറ്റത്തെ തുടർന്നുള്ള വംശീയ-ഗോത്ര സംഘർഷങ്ങളുടെ പുനരുജ്ജീവനത്തിലേക്ക് വെളിച്ചം വീശുന്നതായിരുന്നു അബ്ബാസ് അമിനിയുടെ 'എൻഡ്‌ലെസ് ബോർഡേഴ്‌സ്'. 12 അന്തർദേശീയ ചിത്രങ്ങളും കാന്താര, സന, മിർബീൻ എന്നിവയുൾപ്പെടെയുള്ള 3 ഇന്ത്യൻ സിനിമകളുമാണ് സുവർണ മയൂരത്തിനായി മാറ്റുരച്ചത്.

സ്‌പാനിഷ് ഛായാഗ്രാഹകൻ ജോസ് ലൂയിസ് അൽകെയ്ൻ, ഫ്രഞ്ച് ചലച്ചിത്ര നിർമ്മാതാക്കളായ ജെറോം പൈലാർഡ്, കാതറിൻ ഡസ്സാർട്ട്, ഓസ്‌ട്രേലിയൻ ചലച്ചിത്ര നിർമ്മാതാവ് ഹെലൻ ലീക്ക്, പ്രശസ്‌ത ഇന്ത്യൻ ചലച്ചിത്ര നിർമ്മാതാവ് ശേഖർ കപൂർ തുടങ്ങിയ ചലച്ചിത്ര രംഗത്തെ പ്രമുഖ വ്യക്തിത്വങ്ങൾ ഉൾക്കൊള്ളുന്ന ജൂറിയാണ് പുരസ്‌കാര നിർണയം നടത്തിയത്.

• The 'Best Film' Award at #IFFI54 goes to 'Endless Borders' 🏆#IFFI #IFFI2023 pic.twitter.com/QAvM8UjReA

  — PIB India (@PIB_India) November 28, 2023 " class="align-text-top noRightClick twitterSection" data="

  The 'Best Film' Award at #IFFI54 goes to 'Endless Borders' 🏆#IFFI #IFFI2023 pic.twitter.com/QAvM8UjReA

  — PIB India (@PIB_India) November 28, 2023

  ">

  The 'Best Film' Award at #IFFI54 goes to 'Endless Borders' 🏆#IFFI #IFFI2023 pic.twitter.com/QAvM8UjReA

  — PIB India (@PIB_India) November 28, 2023

ലോക ചലച്ചിത്ര മേഖലയിലെ ആജീവനാന്ത സംഭാവനയ്‌ക്കുള്ള കേന്ദ്ര സർക്കാരിന്‍റെ സത്യജിത് റേ പുരസ്‌കാരം മേളയിൽ മൈക്കിൾ ഡഗ്ലസിനു സമ്മാനിച്ചു. 'എൻഡ്‌ലെസ് ബോർഡേഴ്‌സ്' സിനിമയിലെ പ്രകടനത്തിന് പൗറിയ രഹിമി സാം മികച്ച നടനായി തിരഞ്ഞെടുക്കപ്പെട്ടു. മേലാനി തിയറിയാണ് മികച്ച നടി.

പാർട്ടി ഓഫ് ഫൂൾസിലെ പ്രകടനത്തിനാണഅ പുരസ്‌കാരം. 'ബ്ലാഗാസ് ലെസ്സൺസി'ലൂടെ സ്റ്റീഫൻ കോമാൻഡെറവ് മികച്ച സംവിധായകനുള്ള പുരസ്‌കാരം സ്വന്തമാക്കി. അതേസമയം റിഷബ് ഷെട്ടി സംവിധാനം ചെയ്‌ത കന്നഡ ചിത്രം 'കാന്താര'യ്‌ക്ക് പ്രത്യേക ജൂറി പരാമർശം ലഭിച്ചു.

'വെൻ ദി സീഡ്‌ലിങ്‌സ് ഗ്രോ' സിനിമയിലൂടെ റെഗർ ആസാദ് കായ മികച്ച നവാ​ഗത സംവിധായകനായി. മികച്ച വെബ് സീരീസായി തിരഞ്ഞെടുത്തത് 'പഞ്ചായത്ത്‌ സീസൺ 2' ആണ്. അമേരിക്കന്‍ സിനിമയായ 'ദ ഫെതര്‍ വെയ്റ്റ് ആയിരുന്നു മേളയുടെ സമാപന ചിത്രം. റോബര്‍ട്ട് കൊളോഡ്‌നിയാണ് ഈ ചിത്രം സംവിധാനം ചെയ്‌തത്.

ശ്യാമപ്രദാസ് മുഖര്‍ജി ഓഡിറ്റോയത്തില്‍ ചൊവ്വാഴ്‌ച വൈകുന്നേരം ആരംഭിച്ച സമാപന ചടങ്ങിൽ കേന്ദ്ര വാര്‍ത്താ വിനിയമ പ്രക്ഷേപണ സഹമന്ത്രി എല്‍ മുരുകന്‍, ഗോവ മുഖ്യമന്ത്രി പ്രമോദ് സാവന്ത്, നടൻ ആയുഷ്‌മാൻ ഖുറാന, ഗായകൻ ഹരിഹരൻ എന്നിവർ സന്നിഹിതരായി.