ജ്ഞാനസാഗർ ദ്വാരക തിരക്കഥയെഴുതി സംവിധാനം ചെയ്യുന്ന പാൻ ഇന്ത്യ ചിത്രമാണ് 'ഹരോം ഹര'. സുധീർ ബാബു നായകനാകുന്ന ചിത്രത്തിന്‍റെ ടീസർ പുറത്തിറങ്ങി. നടൻ മമ്മൂട്ടിയാണ് 'ഹരോം ഹര'യുടെ മലയാളം ടീസർ പുറത്തിറക്കിയത്. ശ്രീ സുബ്രഹ്മണ്യേശ്വര സിനിമാസിന്‍റെ (എസ്എസ്‌സി) ബാനറിൽ സുമന്ത് ജി നായിഡുവാണ് ഈ ചിത്രത്തിന്‍റെ നിർമാണം.
മാളവിക ശർമ്മയാണ് 'ഹരോം ഹര'യിലെ നായിക. സുനിൽ, ജെ പി, ലക്കി ലക്ഷ്‌മൺ, രവി കാലെ, അക്ഷര ഗൗഡ & അർജുൻ ഗൗഡ തുടങ്ങിയവരാണ് ചിത്രത്തിൽ മറ്റ് പ്രധാന വേഷങ്ങളിൽ അണിനിരക്കുന്നത്. ഏതായാലും ചിത്രത്തിന്‍റെ പ്രതീക്ഷയേറ്റുന്നതാണ് ഇപ്പോൾ പുറത്തുവന്ന ടീസർ.
- " class="align-text-top noRightClick twitterSection" data="">
പൊലീസ് അറസ്റ്റ് ചെയ്‌ത നായകനിലേക്ക് കാമറ തിരിച്ചുകൊണ്ടാണ് ടീസർ ആരംഭിക്കുന്നത്. അയാളുടെ അനുയായികൾ പൊലീസിനെ തടയാൻ ശ്രമിക്കുന്നതും കാണാം. സുധീർ ബാബു അവതരിപ്പിക്കുന്ന സുബ്രഹ്മണ്യനിലൂടെയാണ് ടീസർ മുൻപോട്ട് സഞ്ചരിക്കുന്നത്.
പോരാട്ടത്തിന് തയ്യാറായി നിൽക്കുന്ന ഒരുകൂട്ടം ആളുകളെ കാണിക്കുന്ന ടീസറിൽ തുടർന്നങ്ങോട്ട് ചിത്രത്തിലെ മറ്റ് കഥാപാത്രങ്ങളുടെ മുഖങ്ങൾ മിന്നിമറയുന്നു. യുദ്ധക്കളത്തിൽ വിജയിക്കുന്നതോടൊപ്പം അതിജീവിക്കാനും ധൈര്യം കാണിക്കേണ്ടതുണ്ടെന്ന് ടീസർ സ്ഥാപിക്കുന്നു. കാണികളുടെ ആവേശമേറ്റുന്ന ഒരു മാസ് ആക്ഷൻ ചിത്രമായിരിക്കും 'ഹരോം ഹര' എന്ന സൂചനയും നൽകുന്നതാണ് ടീസർ.
എന്നാൽ സിനിമയുടെ പ്ലോട്ട്‌ലൈൻ വെളിപ്പെടുത്താതെയാണ് ടീസർ അവസാനിക്കുന്നത് എന്നതും ശ്രദ്ധേയം. ചിത്രത്തിന്‍റെ പ്രമേയം വ്യക്തമാവാതിരിക്കാൻ അണിയറക്കാർ പ്രത്യേകം ശ്രദ്ധ ചെലുത്തിയിട്ടുണ്ട്. ഒരു സാധാരണക്കാരനിൽ നിന്ന് നഗരത്തിലെ തലവനായി മാറുന്ന 'സുബ്രഹ്മണ്യം' എന്ന കഥാപാത്രത്തെ പക്വതയോടെ തന്നെയാണ് സുധീർ ബാബു പകർന്നാടുന്നത്.
കുപ്പം പശ്ചാത്തലമാക്കിയാണ് ചിത്രത്തിന്‍റെ കഥ. അതുകൊണ്ടുതന്നെ രായലസീമ (ആന്ധപ്രദേശ്) ഭാഷയിലാണ് സംഭാഷണങ്ങൾ പറയുന്നത്. അടുത്ത വർഷം (2024) തുടക്കത്തിൽ 'ഹരോം ഹര' റിലീസിനെത്തും. തെലുഗു, തമിഴ്, കന്നഡ, മലയാളം, ഹിന്ദി ഭാഷകളിലായാണ് ചിത്രം പ്രദർശനത്തിനെത്തുക.
അരവിന്ദ് വിശ്വനാഥൻ ആണ് ഈ ചിത്രത്തിന്‍റെ ഛായാഗ്രാഹകൻ. ചിത്രസംയോജനം രവിതേജ ഗിരിജലയും കൈകാര്യം ചെയ്യുന്നു. ചൈതൻ ഭരദ്വാജ് ആണ് സംഗീത സംവിധാനം നിർവഹിക്കുന്നത്. പി ആർ ഒ : ശബരി.
ആക്ഷനിൽ കസറി ജോജു ഒപ്പം കല്യാണിയും, 'ആന്‍റണി' ട്രെയിലറെത്തി: 'പൊറിഞ്ചു മറിയം ജോസ്' എന്ന സൂപ്പർഹിറ്റ് ചിത്രത്തിന് ശേഷം ജോജു ജോർജും മാസ്‌റ്റർ ക്രാഫ്റ്റ്മാൻ ജോഷിയും വീണ്ടും ഒന്നിക്കുന്ന ചിത്രമാണ് 'ആന്‍റണി'. പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന സിനിമയുടെ ട്രെയിലർ പുറത്ത് വന്നു (Joju George, Kalyani Priyadarshan starrer Antony Official Trailer). സരിഗമ മലയാളം യൂട്യൂബ് ചാനലിലൂടെ റിലീസായ ട്രെയിലർ മികച്ച പ്രതികരണമാണ് നേടുന്നത്.
അത്യുഗ്രൻ ആക്ഷൻ രംഗങ്ങളാൽ സമ്പന്നമാണ് ട്രെയിലർ. ട്രെയിലറിലുടനീളം മാസായാണ് ജോജു ജോർജ് ഉള്ളത്. തകർപ്പൻ ആക്ഷൻ സ്വീക്വൻസുകളിലൂടെയും ജോജു കയ്യടി നേടുന്നു. ചിത്രത്തിൽ പ്രധാന വേഷത്തിലെത്തുന്ന കല്യാണി പ്രിയദർശന്‍റെ ആക്ഷൻ രംഗങ്ങളും ട്രെയിലറിൽ ഹൈലൈറ്റാകുന്നുണ്ട്.
READ MORE: ആക്ഷനിൽ കസറി ജോജു, ഒപ്പം കല്യാണിയും; കാത്തിരിപ്പിന് വിരാമമായി, ജോഷിയുടെ 'ആന്‍റണി' ട്രെയിലറെത്തി
