ഏറെ സാമൂഹിക പ്രതിബദ്ധതയുള്ള വിഷയം പ്രമേയമാക്കി ഒരുക്കിയ ഹ്രസ്വചിത്രം 'എലി' (ELI Short Film) കയ്യടി നേടുന്നു. ജിനീഷ് കെ ജോയ് തിരക്കഥ രചിച്ച് രാഹുൽ ചക്രവർത്തി സംവിധാനം ചെയ്‌ത 'എലി' ഭിന്ന ശേഷിക്കാരായ പെൺകുട്ടികൾക്ക് നേരെ നടക്കുന്ന പീഡനങ്ങൾക്ക് എതിരെ ശബ്‌ദം ഉയർത്തുന്ന ചിത്രമാണ്.
കഴിഞ്ഞ ദിവസമാണ് സൈന മൂവീസിന്‍റെ യൂട്യൂബ് ചാനലിലൂടെ 'എലി' പ്രേക്ഷകർക്കരികില്‍ എത്തിയത്. റിലീസിന് പിന്നാലെ സാമൂഹിക മാധ്യമങ്ങളിൽ അടക്കം ചർച്ചയായ ഈ ചിത്രത്തിൽ മീനാക്ഷി രവീന്ദ്രനാണ് (Meenakshi Raveendran) കേന്ദ്ര കഥാപാത്രമായി എത്തുന്നത്. കൂടാതെ സംഗീത, പ്രമോദ് മോഹൻ, സരീഷ് ചന്ദ്രൻ എന്നിവരും ചിത്രത്തിൽ മുഖ്യ വേഷത്തില്‍ എത്തുന്നു.
ആരോൺവിയ സിനിമാസ് ആണ് ഈ ചിത്രത്തിന്‍റെ നിർമാണം. പവി കെ പവൻ ഛായാഗ്രഹണവും എഡിറ്റിങ് മനു എൻ ഷാജുവും നിര്‍വഹിച്ചിരിക്കുന്നു. ഫോർ മ്യൂസിക്‌സ് ആണ് എലിയുടെ സംഗീതത്തിന് പിന്നില്‍.
- " class="align-text-top noRightClick twitterSection" data="">
മേക്കപ്പ് - റോണക്‌സ് സേവ്യർ, ആർട്ട്‌ - അജി കുറ്റിയാനി, കോസ്റ്റ്യൂം - സുജിത്ത് മട്ടന്നൂർ, ഡി ഐ - രമേഷ് സി പി, സൗണ്ട് ഡിസൈൻ - എ ബി ജുബിൻ, നിർമാണ നിർവഹണം - ഷിഹാബ് വെണ്ണല, സ്റ്റിൽസ് - അനിജ ജലൻ, പരസ്യകല - പ്രജിൻ ഡിസൈൻസ്, പി ആർ ഒ - എ എസ്‌ ദിനേശ് എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.
അജ്‌മൽ അമീർ, രാഹുൽ മാധവ് കൈകോർക്കുന്ന 'അഭ്യൂഹം: അജ്‌മൽ അമീർ (Ajmal Ameer), രാഹുൽ മാധവ് (Rahul Madhav) എന്നിവർ കേന്ദ്ര കഥാപാത്രങ്ങളായി പുതിയ ചിത്രം റിലീസിനൊരുങ്ങുന്നു. നവാഗതനായ അഖിൽ ശ്രീനിവാസ് രചനയും സംവിധാനവും നിർവഹിച്ചിരിക്കുന്ന 'അഭ്യൂഹം' (Abhyooham) ജൂലൈയിൽ ലോകമെമ്പാടും റിലീസിനെത്തും.
സിനിമയുടെ പുതിയ പോസ്റ്റർ പുറത്തുവന്നു. ഏറെ കൗതുകം ഉണർത്തുന്ന പോസ്റ്ററാണ് അണിയറ പ്രവർത്തകർ പുറത്തുവിട്ടത്. ഇതുവരെ കാണാത്ത വേറിട്ട ഗെറ്റപ്പിലാകും അജ്‌മൽ അമീർ സിനിമയിൽ എത്തുന്നത് എന്നത് പോസ്റ്ററില്‍ നിന്നും വ്യക്തമാണ്. ജാഫർ ഇടുക്കി (Jaffer Idukki) യും ചിത്രത്തില്‍ പ്രധാന വേഷത്തിലുണ്ട്.
മിസ്റ്ററി ത്രില്ലർ ഇൻവെസ്റ്റിഗേഷൻ ഡ്രാമ വിഭാഗത്തിൽപ്പെടുന്ന ചിത്രമാണ് 'അഭ്യൂഹം'. കുറ്റവാളിയായി ജയിലിൽ കഴിയുന്ന പിതാവിന്‍റെ നിരപരാധിത്വം തെളിയിക്കാൻ ശ്രമിക്കുന്ന മകനും അദ്ദേഹത്തിന്‍റെ ശ്രമങ്ങൾക്കിടെ ഉണ്ടാകുന്ന സംഭവ വികാസങ്ങളിലൂടെയുമാണ് ഈ സസ്‌പെൻസ് ത്രില്ലർ പുരോഗമിക്കുന്നത്.
READ MORE: Abhyooham Movie| അജ്‌മൽ അമീർ, രാഹുൽ മാധവ് കൈകോർക്കുന്ന 'അഭ്യൂഹം'; റിലീസ് ജൂലൈയിൽ
സർവൈവൽ ത്രില്ലറുമായി രാഗിണി ദ്വിവേദി: കന്നഡ നടി രാഗിണി ദ്വിവേദിയെ കേന്ദ്ര കഥാപാത്രമാക്കി ബാലു നാരായണൻ കഥയെഴുതി സംവിധാനം ചെയ്യുന്ന ദ്വിഭാഷ ചിത്രം 'ഷീല'യുടെ പുതിയ പോസ്റ്റർ പുറത്ത്. ഈ സർവൈവൽ ത്രില്ലറില്‍ റിയാസ് ഖാനും മുഖ്യ വേഷത്തിലുണ്ട്.
കൂടാതെ മഹേഷ്‌, അവിനാഷ് (കന്നഡ), ശോഭ് രാജ് (കന്നഡ), സുനിൽ സുഖദ, മുഹമ്മദ്‌ എരവട്ടൂർ, ശ്രീപതി, പ്രദോഷ്‌ മോഹൻ, ചിത്ര ഷേണായ്, ലയ സിംപ്സൺ, സ്നേഹ മാത്യു, ബബിത ബഷീർ, ജാനകി ദേവി എന്നിവരും ഒട്ടേറെ പുതുമുഖങ്ങളും ചിത്രത്തിൽ അണിനിരക്കുന്നു. നേരത്തെ പുറത്ത് വന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ ഏറെ ശ്രദ്ധ നേടിയിരുന്നു. ഇപ്പോഴിതാ പുതിയ പോസ്റ്ററും പ്രേക്ഷകരില്‍ കൗതുകം ഉണർത്തുകയാണ്.
ബെംഗളൂരിൽ തനിക്ക് നേരിടേണ്ടി വന്ന ഗുരുതരമായ ഒരു പ്രശ്‌നത്തിന് പരിഹാരം കാണാനായി കേരളത്തില്‍ എത്തുന്ന ഷീല എന്ന യുവതിക്ക് അപ്രതീക്ഷിതമായി നേരിടേണ്ടി വരുന്ന ചില അനുഭവങ്ങളും തുടർന്നുണ്ടാകുന്ന സംഭവ വികാസങ്ങളുമാണ് ചിത്രം പറയുന്നത്. മലയാളം, കന്നട എന്നിങ്ങനെ ദ്വിഭാഷകളിലായിട്ടാണ് ചിത്രം റിലീസ് ചെയ്യുന്നത്.
READ MORE: Sheela Movie| രാഗിണി ദ്വിവേദിയുടെ സർവൈവൽ ത്രില്ലർ 'ഷീല'; പുതിയ പോസ്റ്റർ പുറത്ത്
