ഹൈദരാബാദ് (തെലങ്കാന ): ആർആർആർ സിനിമയിലെ 'നാട്ടു നാട്ടു' പാട്ടിൽ മകൻ രാം ചരണിന്‍റെയും ജൂനിയർ എൻടിആറിന്‍റെയും നൃത്തം കണ്ട് അതിശയിച്ചെന്ന് മെഗാസ്റ്റാർ ചിരഞ്ജീവി. പുതുചിത്രം ആചാര്യയുടെ പ്രമോ വീഡിയോയിലാണ് ചിരഞ്ജീവി ഇക്കാര്യം വെളിപ്പെടുത്തിയത്. ചിരഞ്ജീവിയും രാം ചരണും ഒന്നിച്ചഭിനയിക്കുന്ന ചിത്രമാണ് ആചാര്യ.
രാം ചരണിന്‍റെ നൃത്തം പ്രേക്ഷകരുടെ മനം കവരുന്നതാണ്, രാം ചരണിനൊപ്പം നൃത്തം ചെയ്യാൻ ആത്മവിശ്വാസമില്ലെന്നും അദ്ദേഹം പറഞ്ഞു. ആചാര്യയിലെ ഭലേ ഭലേ ബഞ്ചാര എന്ന ഗാനം തിങ്കളാഴ്‌ച (18.04.2022) പുറത്തിറങ്ങും.
- " class="align-text-top noRightClick twitterSection" data="">
ചിരഞ്ജീവി കേന്ദ്ര കഥാപാത്രത്തെ അവതരിപ്പിക്കുന്ന ആചാര്യയിൽ ധർമ്മസ്ഥലി എന്ന പുണ്യഭൂമിയുടെ സംരക്ഷകനായാണ് രാം ചരൺ പ്രത്യക്ഷപ്പെടുന്നത്. കൊരട്ടാല ശിവ സംവിധാനം ചെയ്യുന്ന സിനിമ ഏപ്രിൽ 29 ന് തിയേറ്ററുകളിലെത്തും.
