Bermuda song studio cut: ടി.കെ രാജീവ് കുമാര്‍ ഒരുക്കുന്ന ബര്‍മുഡയിലെ ലിറിക്കല്‍ വീഡിയോ ഗാനം അടുത്തിടെ പുറത്തിറങ്ങിയിരുന്നു. മോഹന്‍ലാല്‍ ആലപിച്ച ചോദ്യചിഹ്നം പോലെ എന്ന ഗാനം ഇതിനോടകം തന്നെ പ്രേക്ഷകശ്രദ്ധ നേടിയിരുന്നു. ഇപ്പോഴിതാ ഗാനത്തിന്‍റെ സ്‌റ്റുഡിയോ കട്ട് പുറത്തുവിട്ടിരിക്കുകയാണ് അണിയറപ്രവര്‍ത്തകര്‍.
- " class="align-text-top noRightClick twitterSection" data="">
ഫഹദ്‌ ഫാസിലിന്‍റെ ഫേസ്‌ബുക്ക് പേജിലൂടെയാണ് ഗാനം പുറത്തുവിട്ടിരിക്കുന്നത്. ഗാനത്തിന്‍റെ സ്‌റ്റുഡിയോ കട്ട് പുറത്തിറങ്ങിയ വിവരം ഷെയ്‌ന്‍ നിഗമും ഫേസ്‌ബുക്കില്‍ പങ്കുവച്ചിട്ടുണ്ട്. മോഹന്‍ലാല്‍ റെക്കോര്‍ഡിംഗ്‌ സ്‌റ്റുഡിയോയില്‍ പാടുന്നതും ഷെയ്‌നിന്‍റെയും വിനയ്‌ ഫോര്‍ട്ടിന്‍റെയും ചിത്രത്തിലെ ഏതാനും സീനുകള്‍ കോര്‍ത്തിണക്കിയാണ് വീഡിയോ പുറത്തിറക്കിയിരിക്കുന്നത്. ഇതിനോടകം തന്നെ മോഹന്‍ലാലിന്‍റെ ഗാനാലാപനത്തെ പുകഴ്‌ത്തി നിരവധി പേര്‍ രംഗത്തെത്തിയിരുന്നു.
Chodiyachinnam Pole sung by Mohanlal: മോഹന്‍ലാല്‍ ഇതിന് മുമ്പും ടി.കെ രാജീവ് കുമാറിന്‍റെ സിനിമയ്‌ക്ക്‌ വേണ്ടി പാടിയിട്ടുണ്ട്. രാജീവ് കുമാറിന്‍റെ തന്നെ 'കണ്ണെഴുതി പൊട്ടുംതൊട്ട്' എന്ന ചിത്രത്തിലെ 'കൈതപ്പൂവിന്‍ കന്നികുറുമ്പിന്‍' എന്ന ഗാനവും മോഹന്‍ലാല്‍ പാടിയിരുന്നു. ഇന്നും മലയാളികളുടെ ഇഷ്‌ട ഗാനങ്ങളിലൊന്നാണ് ഇത്.
- " class="align-text-top noRightClick twitterSection" data="">
Musical comedy drama movie Bermuda: സംഗീതത്തിന് പ്രാധാന്യമുളള ചിത്രം കൂടിയാണ് 'ബര്‍മുഡ'. ആകെ നാല് ഗാനങ്ങളാണ് ചിത്രത്തിലുള്ളത്. കോമഡി ഡ്രാമ വിഭാഗത്തിലായാണ് ചിത്രം ഒരുങ്ങുന്നത്. ഷെയ്‌ന്‍ നിഗം, വിനയ്‌ ഫോര്ട്ട് എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളായെത്തുന്നത്.
ഇന്ദുഗോപന്‍ എന്ന കഥാപാത്രത്തെയാണ് ചിത്രത്തില്‍ ഷെയ്‌ന്‍ നിഗം അവതരിപ്പിക്കുന്നത്. ഇന്ദുഗോപന്‍ സബ്‌ ഇന്‍സ്‌പെക്‌ടര്‍ ജോഷ്വയുടെ അടുത്ത് ഒരു പരാതിയുമായി എത്തുന്നിടത്താണ് സിനിമയുടെ കഥാവികാസം. വിനയ്‌ ഫോര്ട്ട് ആണ് ജോഷ്വ ആയി വേഷമിട്ടത്.
- " class="align-text-top noRightClick twitterSection" data="">
Bermuda casts and crew: കശ്‌മീരി നടി ഷെയ്‌ലീ കൃഷ്‌ണ ആണ് സിനിമയില്‍ ഷെയ്‌നിന്‍റെ നായികയായി എത്തുന്നത്. ഇന്ദ്രന്‍സ്, സുധീര്‍ കരമന, ഹരീഷ്‌ കണാരന്‍, സൈജു കുറുപ്പ്, മണിയന്‍പിള്ള രാജു, നൂറിന്‍ ഷെരീഫ്‌, ദിനേഷ്‌ പണിക്കര്‍, സാജന്‍ സുദര്‍ശന്‍, കോട്ടയം നസീര്‍, നന്ദു, ശ്രീകാന്ത് മുരളി, ഗൗരി നന്ദ, നിരഞ്‌ജന അനൂപ്‌, ഷൈനി സാറ തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്‌.
നവാഗതനായ കൃഷ്‌ണദാസ്‌ പങ്കിയാണ് സിനിമയുടെ രചന. ഷെല്ലി കാലിസ്റ്റ് ആണ് ഛായാഗ്രഹണം. ശ്രീകര്‍ പ്രസാദ് എഡിറ്റിങും നിര്‍വഹിക്കും. മണിരത്‌നത്തിന്‍റെ അസോസിയേറ്റായി ഷെല്ലി കാലിസ്റ്റ് പ്രവര്‍ത്തിച്ചിരുന്നു. വിനായക് ശശികുമാര്‍, ബീയാര്‍ പ്രസാദ് എന്നിവരുടെ വരികള്‍ക്ക് രമേശ്‌ നാരായണ്‍ ആണ് സംഗീതം. സമീറ സനീഷ്‌ വസ്‌ത്രാലങ്കാരവും അമല്‍ ചന്ദ്രന്‍ ചമയവും നിര്‍വഹിക്കും. പ്രസന്ന സുജിത്ത് ആണ് നൃത്ത സംവിധാനം.
Bermuda release: 24 ഫ്രെയിംസിന്‍റെ ബാനറില്‍ സൂരജ്‌ സി.കെ, ബിജു സി.ജെ, ബാദുഷ എന്‍.എം എന്നിവര്‍ ചേര്‍ന്നാണ് നിര്‍മാണം. ഓഗസ്‌റ്റ് 19ന്‌ ചിത്രം പ്രേക്ഷകര്‍ക്ക് മുമ്പിലെത്തും.
Also Read: 'ചോദ്യ ചിഹ്നം പോലെ' പാടി മോഹന്‍ലാല്‍; വീഡിയോ പുറത്തുവിട്ട് മമ്മൂട്ടി
