അദിവി ശേഷ് നായകനായെത്തുന്ന ആക്ഷൻ സ്‌പൈ ത്രില്ലർ ചിത്രമാണ് 'ജി2'. വിനയ് കുമാർ സിരിഗിനീഡി സംവിധാനം ചെയ്യുന്ന ഈ പാൻ - ഇന്ത്യൻ സിനിമയുടെ ചിത്രീകരണത്തിന് ഹൈദരാബാദിൽ തുടക്കം (G2 movie Starring Adivi Sesh shooting in progress). ബനിത സന്ധുവാണ് 'ജി2'വിലെ നായിക (Banita Sandhu as heroine in Adivi Sesh's G2).
അന്താരാഷ്‌ട്ര നിലവാരത്തിലാണ് ഈ ചിത്രത്തിന്‍റെ നിർമാണം. സിനിമയ്‌ക്കായി 5 നിലകളുള്ള ഒരു ഗ്ലാസ് സെറ്റ് തന്നെ നിർമിച്ചിട്ടുണ്ട്. ആക്ഷനും ഏറെ പ്രാധാന്യമുള്ള 'ജി2' രാജ്യത്തിന് വേണ്ടി പോരാടുന്ന ചാരന്‍റെ കഥയാണ് പറയുന്നത്.
2018 ൽ പുറത്തിറങ്ങിയ 'ഗൂഢാചാരി' എന്ന സിനിമയുടെ രണ്ടാം ഭാഗമാണ് 'ജി2' (Goodachari Sequel 'G2' Starring Adivi Sesh). ആരാധകർ ഏറെ ആവേശത്തോടെയാണ് ഈ സിനിമയ്‌ക്കായി കാത്തിരിക്കുന്നത്.
സിനിമയുടെ ഫസ്റ്റ് ലുക്ക് പുറത്തുവിട്ടത് മുതൽ ആരാധകർ ഏറെ ആവേശത്തിലാണ്. പീപ്പിൾ മീഡിയ ഫാക്‌ടറി, അഭിഷേക് അഗർവാൾ ആർട്‌സ്, എ കെ എന്‍റർടെയിൻമെൻസ് എന്നിവയുടെ ബാനറിൽ ടി ജി വിശ്വ പ്രസാദും അഭിഷേക് അഗർവാളും ചേർന്നാണ് 'ജി2' നിർമിക്കുന്നത്.
മേജർ, ഹിറ്റ് ദി സെക്കൻഡ് കേസ് എന്നീ സിനിമകൾക്ക് ശേഷം അദിവി ശേഷ് നായകനായി എത്തുന്ന ചിത്രം കൂടിയാണിത്. 'ഒക്‌ടോബർ', 'സർദാർ ഉദ്ദം' തുടങ്ങിയ ചിത്രങ്ങളിലൂടെ പ്രേക്ഷക ശ്രദ്ധ ആകർഷിച്ച ബനിത സന്ധുവും ചേരുന്നതോടെ 'ജി2'ലും മികച്ച ദൃശ്യാനുഭവം സമ്മാനിക്കുമെന്ന പ്രതീക്ഷയിലാണ് ആരാധകർ. ഇത് തന്‍റെ ആദ്യ പാൻ - ഇന്ത്യൻ സിനിമയാണെന്നും ഇതുവരെ ചെയ്‌തതിൽ നിന്ന് വ്യത്യസ്‌തമായ ഒരു വേഷമാണ് ഈ ചിത്രത്തിലേതെന്നും ബനിത സന്ധു നേരത്തെ പറഞ്ഞിരുന്നു. പിആർഒ - ശബരി.
READ MORE: 'ജി2' ; അദിവി ശേഷിന്‍റെ നായികയായി ബനിത സന്ധു, ഏറെ ആഹ്‌ളാദത്തിലെന്ന് താരം
സലാറിന് 'എ'; ഔദ്യോഗിക പ്രഖ്യാപനവുമായി ഹോംബാലെ ഫിലിംസ്: പ്രഭാസിനെ (Prabhas) നായകനാക്കി പ്രശാന്ത് നീൽ (Prashanth Neel) സംവിധാനം ചെയ്‌ത ചിത്രമാണ് 'സലാർ ഭാഗം 1 സീസ്‌ഫയര്‍' (Salaar Part 1 Ceasefire). ഹോംബാലെ ഫിലിംസ് നിർമിക്കുന്ന സലാർ ഈ വർഷം ഏറ്റവും പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ്.
സലാറിന്‍റെ ഗ്രാൻഡ് തിയേറ്റർ റിലീസിന് ദിവസങ്ങൾ മാത്രം ബാക്കി നിൽക്കെ, ചിത്രത്തിന്‍റെ സെന്‍സറിംഗ് പൂര്‍ത്തിയായ വിവരം ഔദ്യോഗികമായി പങ്കുവച്ചിരിക്കുകയാണ് നിർമാതാക്കൾ. രണ്ട് മണിക്കൂറും 55 മിനിറ്റുമുള്ള സലാറിന് എ സർട്ടിഫിക്കറ്റാണ് സെൻസർ ബോർഡ് നല്‍കിയിരിക്കുന്നത്.
READ MORE: സലാറിന് 'എ' തന്നെ... ഔദ്യോഗിക പ്രഖ്യാപനവുമായി ഹോംബാലെ ഫിലിംസ്
ഡിസംബർ 22ന് ലോകമൊട്ടാകെയുള്ള തിയേറ്ററുകളില്‍ ചിത്രം റിലീസിനെത്തും. ഹിന്ദി, തമിഴ്, തെലുഗു, കന്നഡ, മലയാളം ഭാഷകളിലാണ് ഈ ആക്ഷൻ ത്രില്ലർ പ്രേക്ഷകർക്ക് മുന്നിലെത്തുക (Salaar Release). മലയാളികളുടെ പ്രിയ താരം പൃഥ്വിരാജും സലാറിൽ പ്രധാന വേഷത്തിലുണ്ട്.
