നിരഞ്ജിന്‍റെ അച്ഛനൊരു വാഴവെച്ചു ; പുതിയ വീഡിയോ ഗാനം പുറത്ത്

'രാമനെന്നും പോരാളി, വീരനായ വില്ലാളി...' എന്ന ഗാനമാണ് അണിയറ പ്രവർത്തകർ പുറത്തുവിട്ടത്

നിരഞ്ജ് രാജു, എ വി അനൂപ്, ആത്മീയ, ശാന്തി കൃഷ്‌ണ എന്നിവരെ പ്രധാന കഥാപാത്രങ്ങളാക്കി സാന്ദീപ് സംവിധാനം ചെയ്യുന്ന ചിത്രമാണ് 'അച്ഛനൊരു വാഴ വെച്ചു' (Achanoru Vazha Vechu). ഈ ചിത്രത്തിലെ പുതിയ വീഡിയോ ഗാനം റിലീസായി. 'രാമനെന്നും പോരാളി, വീരനായ വില്ലാളി...' എന്ന് തുടങ്ങുന്ന ഗാനമാണ് അണിയറ പ്രവർത്തകർ പുറത്തുവിട്ടത്.

സിജു തുറവൂർ എഴുതിയ വരികൾക്ക് സംഗീതം പകർന്നിരിക്കുന്നത് ബിജിപാൽ ആണ്. അൻവർ സാദത്ത്, രഞ്ജിത്ത് ജയറാം, നിഷാദ് കെ കെ എന്നിവർ ചേർന്നാണ് ആഘോഷത്തിമിർപ്പുമായി എത്തിയ ഈ ഗാനം ആലപിച്ചിരിക്കുന്നത്. കലാലയവും ഫ്രഷേഴ്‌സ് ഡേയിലെ വിദ്യാർഥികളുടെ ആഘോഷവും എല്ലാം പശ്ചാത്തലമാക്കിയ ഗാനം മികച്ച പ്രതികരണമാണ് നേടുന്നത്.

• " class="align-text-top noRightClick twitterSection" data="">

സാന്ദീപ് ആദ്യമായി സംവിധാനം ചെയ്യുന്ന ചിത്രം കൂടിയാണ് 'അച്ഛനൊരു വാഴ വെച്ചു'. കളർഫുൾ എൻ്റർടെയ്‌നറായി അണിയിച്ചൊരുക്കിയ ചിത്രം ജനപ്രിയ ചിത്രങ്ങൾ അണിയിച്ചൊരുക്കിയ എ.വി.എ പ്രൊഡക്ഷൻസിന്‍റെ ബാനറിൽ ഡോക്‌ടർ എ വി അനൂപ് ആണ് നിർമിക്കുന്നത്. എ.വി.എ പ്രൊഡക്ഷൻസിന്‍റെ ഇരുപത്തിയഞ്ചാമത്തെ സിനിമയാണ് 'അച്ഛനൊരു വാഴ വെച്ചു'. ഇ ഫോർ എന്‍റർടെയ്ൻ‌മെന്‍റ് ആണ് ഈ ചിത്രം പ്രദർശനത്തിന് എത്തിക്കുന്നത്. ഓണം റിലീസായി 'അച്ഛനൊരു വാഴ വെച്ചു' ഉടൻ പ്രേക്ഷകർക്കരികില്‍ എത്തും.

മുകേഷ്, ജോണി ആന്‍റണി, ലെന, ധ്യാൻ ശ്രീനിവാസൻ, അപ്പാനി ശരത്, ഭഗത് മാനുവൽ, മീര നായർ, കുളപ്പുള്ളി ലീല, സോഹൻ സീനു ലാൽ, ഫുക്രു, അശ്വിൻ മാത്യു, ദീപ ജോസഫ് തുടങ്ങിയവരാണ് ചിത്രത്തില്‍ മറ്റ് പ്രധാന കഥാപാത്രങ്ങളായി എത്തുന്നത്. മനു ഗോപാൽ ആണ് ചിത്രത്തിനായി കഥയും തിരക്കഥയും സംഭാഷണവും എഴുതിരിക്കുന്നത്.

അടുത്തിടെയാണ് ചിത്രത്തിന്‍റെ ട്രെയിലർ അണിയറ പ്രവർത്തകർ പുറത്തുവിട്ടത്. പേരുപോലെ തന്നെ വ്യത്യസ്‌തമായ കഥാ പശ്ചാത്തലവുമായി എത്തുന്ന ചിത്രത്തിന്‍റെ ട്രെയിലർ ശ്രദ്ധ നേടിയിരുന്നു.

പി സുകുമാർ ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റർ വി സാജൻ ആണ്. സിജു തുറവൂരിന് പുറമെ കെ ജയകുമാർ, സുഹൈൽ കോയ, മനു മഞ്ജിത്ത് എന്നിവരും ചിത്രത്തിന്‍റെ ഗാന രചയിതാക്കളാണ്. ബിജിപാൽ തന്നെയാണ് പശ്ചാത്തല സംഗീതവും ഒരുക്കിയത്.

പ്രൊഡക്ഷൻ കൺട്രോളർ - വിജയ് ജി എസ്, പ്രൊഡക്ഷൻ എക്‌സിക്യുട്ടീവ് - നസീർ കാരന്തൂർ, കല - ത്യാഗു തവന്നൂർ, മേക്കപ്പ് - പ്രദീപ് രംഗൻ, കോസ്റ്റ്യൂംസ് - ദിവ്യ ജോബി, സ്റ്റിൽസ് - ശ്രീജിത്ത് ചെട്ടിപ്പടി, പോസ്റ്റർ ഡിസൈൻ -കോളിൻസ് ലിയോഫിൽ, ചീഫ് അസോസിയേറ്റ് ഡയറക്‌ടർ - രതീഷ് പാലോട്, അസോസിയേറ്റ് ഡയറക്‌ടർ - പ്രവി നായർ, അസിസ്റ്റന്‍റ് ഡയറക്‌ടർമാർ - ഹരീഷ് മോഹൻ, അലീഷ, ഷാഫി റഹ്മാൻ, പി ആർ ഒ - എ എസ്. ദിനേശ്.