മുംബൈ: തന്‍റെ ഏറ്റവും പുതിയ ചിത്രമായ 'ലാൽ സിങ് ചദ്ദ' ഓഗസ്റ്റ് 11ന് റിലീസ് ചെയ്യാനിരിക്കെ, ഏപ്രിൽ 28ന് തന്‍റെ വ്യത്യസ്‌ത കഥയുമായി ആരാധകർക്ക് മുന്നിൽ എത്തുമെന്ന് ആമിർ ഖാൻ സമൂഹ്യമാധ്യമങ്ങളിലൂടെ വളിപ്പെടുത്തിയിരുന്നു. എന്നാൽ സിനിമയെ കുറിച്ചാണോ സ്വന്തം ജീവിതത്തെക്കുറിച്ചാണോ കഥയെന്ന ഒരു സൂചനയും താരം ഇതുവരെ പുറത്തുവിട്ടിട്ടില്ല. ഏതായാലും ആമിറിന്‍റെ പ്രഖ്യാപനത്തിന് ശേഷം ആവേശത്തിലാണ് ആരാധകർ.
- " class="align-text-top noRightClick twitterSection" data="
">
ആരാധകരുടെ ആകാംക്ഷയ്‌ക്ക് വീര്യം കൂട്ടുന്ന തരത്തിൽ കഴിഞ്ഞ ദിവസങ്ങളിലായി പല വീഡിയോകളും താരം പങ്കുവച്ചരുന്നു. 'ക്യാ ഹെ കഹാനി' എന്ന ഹാഷ്‌ ടാഗിനൊപ്പം ക്രിക്കറ്റും ഇൻഡോർ ഫുട്‌ബോളും കളിക്കുന്ന വീഡിയോകളാണ് പങ്കുവച്ചത്. അത്തരത്തിൽ പുറത്തുവിട്ട മറ്റൊരു വീഡിയോയാണ് ഇപ്പോൾ ആരാധകർ ഏറ്റെടുത്തിരിക്കുന്നത്.
ഇതിഹാസ സംഗീതജ്ഞൻ ലുഡ്‌വിഗ് വാൻ ബീഥോവന്‍റെ സൃഷ്‌ടിയായ ഫർ എലിസ് പിയാനോയിൽ വായിക്കുന്ന വീഡിയോ ആണ് ആമിർ ഖാൻ പങ്കുവച്ചത്. തന്‍റെ പ്രൊഡക്ഷൻ ഹൗസായ ആമിർ ഖാൻ പ്രൊഡക്ഷൻസിന്‍റെ ഇൻസ്റ്റഗ്രാം പേജിലാണ് ആമിർ വീഡിയോ പങ്കുവച്ചത്. 'ക്യാ ഹെ കഹാനി' എന്ന ഹാഷ്‌ ടാഗിനൊപ്പം 'കഥയറിയാൻ 24 മണിക്കൂർ മാത്രം' എന്ന അടിക്കുറിപ്പും താരം നൽകിയിരുന്നു. ഏതായാലും ആമിർ ഖാന്‍റെ 'കഹാനി' അറിയാൻ ആകാംക്ഷയോടെ കാത്തിരിക്കുകയാണ് ആരാധകർ.
ALSO READ:ഹോളിവുഡ്‌ സ്‌പൈ ത്രില്ലറില്‍ ധനുഷ്‌; ഗ്രേ മാന്‍ ഫസ്‌റ്റ്‌ ലുക്ക്‌ പുറത്ത്‌
