തിരുവനന്തപുരം: പരാതികൾ ഉണ്ടെങ്കിൽ യുഡിഎഫിനുള്ളിൽ പറയാതെ പരസ്യമായി പ്രതികരിച്ച മാണി സി കാപ്പൻ്റെ നടപടി ശരിയല്ലെന്ന് പ്രതിപക്ഷ നേതാവ് വി.ഡി സതീശൻ. കാപ്പൻ ഇതുവരെ തന്നോട് പരാതി ഉന്നയിച്ചിട്ടില്ല. ആശയപരമായി പോരായ്‌മയുണ്ടെങ്കില്‍ അദ്ദേഹവുമായി സംസാരിക്കും.
എൽഡിഎഫിൽ നിന്ന് വന്നതുകൊണ്ടാണ് മാണി സി കാപ്പന് യുഡിഎഫിൻ്റെ കാര്യങ്ങൾ അറിയാത്തതെന്നും വി.ഡി സതീശൻ പറഞ്ഞു. യുഡിഎഫിൽ അസ്വസ്ഥതകളുണ്ടെന്നും യുഡിഎഫ് പരിപാടികൾ തന്നെ അറിയിക്കുന്നില്ലെന്നുമുള്ള മാണി സി കാപ്പൻ്റെ വെളിപ്പെടുത്തലിനോടായായിരുന്നു വി.ഡി സതീശൻ്റെ പ്രതികരണം. മുന്നണിയിൽ സംഘാടനം ഇല്ലാത്തതുകൊണ്ട് ആരേയും എന്തും പറയാവുന്ന അവസ്ഥയാണെന്ന് മാണി സി കാപ്പൻ പറഞ്ഞിരുന്നു.
എന്നാൽ ഇടതു മുന്നണിയിൽ ഇത്തരം പ്രതിസന്ധിയില്ല. യുഡിഎഫിലെ പല ഘടകകക്ഷികളും അസംതൃപതരാണെന്നും കാപ്പൻ ആരോപിച്ചിരുന്നു.
Also read: വെട്ടേറ്റ് ചികിത്സയിലായിരുന്ന മഞ്ചേരി നഗരസഭാംഗം മരിച്ചു ; കൊല്ലപ്പെട്ടത് അബ്ദുല്‍ ജലീല്‍
