തിരുവനന്തപുരം: 96-ാം പിറന്നാളിന്‍റെ നിറവില്‍ വി.എസ് അച്യുതാനന്ദന്‍. പതിവ് പോലെ ആര്‍ഭാടങ്ങള്‍ ഒഴിവാക്കി കുടുംബത്തോടൊപ്പമായിരുന്നു വി.എസിന് ഈ പിറന്നാളും. ഔദ്യോഗിക വസതിയായ കവടിയാര്‍ ഹൗസില്‍ കേക്ക് മുറിച്ചായിരുന്നു ആഘോഷം. തുടര്‍ന്ന് ഒറ്റവാക്കില്‍ വി.എസ് എല്ലാവര്‍ക്കും നന്ദി പറഞ്ഞു.
96 കടന്ന് ജനനായകന്‍; കവടിയാറിലെ വസതിയില്‍ പതിവ് ആഘോഷം
വട്ടിയൂര്‍ക്കാവിലെ എല്‍.ഡി.എഫ് സ്ഥാനാര്‍ഥി വി.കെ പ്രശാന്തും വി.എസിന് ആശംസകളുമായി എത്തി. അനുഗ്രഹം വാങ്ങിയാണ് പ്രശാന്ത് മടങ്ങിയത്. ഗവര്‍ണര്‍ ആരിഫ് മുഹമ്മദ് ഖാന്‍, കെ.പി.സി.സി പ്രസിഡന്‍റ് മുല്ലപ്പള്ളി രാമചന്ദ്രന്‍ തുടങ്ങിയവര്‍ ഫോണില്‍ വിളിച്ചും വി.എസിന് ആശംസകള്‍ നേര്‍ന്നു.
