തിരുവനന്തപുരം: നിയമസഭയില്‍ സില്‍വര്‍ ലൈന്‍ അതിവേഗ റെയില്‍ പദ്ധതി സംബന്ധിച്ച് അടിയന്തര പ്രമേയത്തിന് നോട്ടീസ് നല്‍കി സംസാരിക്കുന്നതിനിടയിലാണ് എ.എന്‍ ഷംസീറിനെതിരെ എം.കെ മുനീര്‍ നര്‍മ്മ പരാമര്‍ശം നടത്തിയത്.
സംസ്ഥാനത്തിന് യോജിക്കാത്ത പദ്ധതിയ്ക്കാണ് സര്‍ക്കാര്‍ ശ്രമമെന്ന് മുനീര്‍ ആരോപിച്ചു. ഈ സമയത്ത് യുഡിഎഫ് സര്‍ക്കാര്‍ നേരത്തെ കൊണ്ടു വന്ന എക്പ്രസ് ഹൈവേ പദ്ധതി സംബന്ധിച്ച് ഭരണപക്ഷത്ത് നിന്നും പരാമര്‍ശമുണ്ടായി. എ.എന്‍ ഷംസീറിന്‍റെ നേതൃത്വത്തിലായിരുന്നു ബഹളം.
ഇതിനിടെ നിരവധി തവണ എക്പ്രസ് ഹൈവേ എന്ന് ഷംസീര്‍ വിളിച്ചു പറഞ്ഞപ്പോഴാണ് നാവിന് മാത്രം എക്‌സസൈസ് പോരാ ശരീരത്തിനും എക്‌സസൈസ് വേണമെന്ന് മുനീര്‍ പറഞ്ഞത്. ചിരിയോടെയാണ് മുനീറിന്‍റെ പരാമര്‍ശത്തെ നിയമസഭ സ്വീകരിച്ചത്.
Also read: കെ റെയിലുമായി മുന്നോട്ടെന്ന് മുഖ്യമന്ത്രി ; വയലെല്ലാം ജൈക്ക കൊണ്ടുപോകുമെന്ന് വി.ഡി സതീശന്‍
