തിരുവനന്തപുരം: പൂവാര്‍ സ്വദേശി രാഖിയുടെ കൊലപാതക കേസില്‍ അന്വേഷണം തൃപ്‌തികരമല്ലെന്ന് രാഖിയുടെ അച്ഛന്‍ രാജന്‍. പ്രതികള്‍ ഇപ്പോഴും സുരക്ഷാവലയത്തിലാണ്. അതുകൊണ്ടാണ് പൊലീസിന് ഇതുവരെ പ്രതികളെ പിടികൂടാന്‍ കഴിയാത്തതെന്ന് രാജന്‍ ആരോപിച്ചു. പ്രതികളെ എത്രയും പെട്ടന്ന് പിടികൂടി നിയമത്തിന് മുന്നില്‍ എത്തിക്കണമെന്നും കഠിന ശിക്ഷ നല്‍കണമെന്നും രാജന്‍ പറഞ്ഞു. അതേസമയം അഖിലിന്‍റെ അച്ഛനും അമ്മക്കും കൊലപാതകത്തില്‍ പങ്കുണ്ടെന്നും രാജന്‍ ആരോപിച്ചു.
അമ്പൂരി കൊലപാതകം: പൊലീസ് അന്വേഷണത്തില്‍ തൃപ്‌തിയില്ലെന്ന് രാഖിയുടെ രക്ഷിതാക്കള്‍
മകളുടെ വിവാഹം കഴിഞ്ഞതായി അറിയില്ല. എന്നാല്‍ പൊലീസും മാധ്യമങ്ങളും രാഖിയുടെയും അഖിലിന്‍റെയും വിവാഹം കഴിഞ്ഞതായി പറയുന്നുവെന്ന് രാഖിയുടെ അമ്മ സില്‍വി പറഞ്ഞു. മകളുടെ ബാഗില്‍ നിന്ന് അടുത്തിടെ ഒരു താലി കണ്ടെത്തിയിരുന്നു. എന്നാല്‍ അതിനെ കുറിച്ച് രാഖി കൂടുതലൊന്നും പറഞ്ഞിട്ടില്ലെന്നും സില്‍വി പറഞ്ഞു.
