76 ന്‍റെ ചെറുപ്പം, പഠനം പ്രണയവും ; പത്താംതരം തുല്യത പരീക്ഷയെഴുതാന്‍ മരക്കാർ ഹാജി

സം​സ്ഥാ​ന​ത്ത് പത്താംതരം തുല്യത പരീക്ഷയെഴുതുന്നവരില്‍ പ്രായം കൂടിയ പഠിതാവാണ് മരക്കാര്‍ ഹാജി

മലപ്പുറം : 76 ലും മാ​റാ​ക്ക​ര ക​ല്ലു​പാ​ലം പാ​ല​ക്ക​ത്തൊ​ടി സ്വദേശി മരക്കാര്‍ ഹാജിക്ക് പഠനത്തോട് പ്രണയമാണ്. സം​സ്ഥാ​ന​ത്ത് പത്താംതരം തുല്യത പരീക്ഷയെഴുതുന്നവരില്‍ പ്രായം കൂടിയ പഠിതാവാണ് ഇദ്ദേഹം.

തി​ങ്ക​ളാ​ഴ്‌ച വ​ളാ​ഞ്ചേ​രി ഹ​യ​ർ സെ​ക്ക​ൻ​ഡ​റി സ്‌കൂളില്‍ മരക്കാർ ഹാജി പരീക്ഷയെഴുതും. ചെ​റു​പ്പ​ത്തി​ൽ പ​ഠ​നം നി​ർത്താന്‍ നിര്‍ബന്ധിതനായെങ്കിലും ആ മോഹം ഉറവ വറ്റാതെ ഖല്‍ബിലുണ്ടായിരുന്നു. 10 വ​ർ​ഷ​ത്തെ പ്ര​വാ​സ ജീ​വി​ത​ത്തി​നൊ​ടു​വി​ൽ നാ​ട്ടി​ൽ മ​ട​ങ്ങി​യെ​ത്തി വീ​ട്ടി​ൽ വെ​റ്റി​ല കൃ​ഷി​യി​ൽ ഏർപ്പെട്ടു.

മ​ത-​രാ​ഷ്​​ട്രീ​യ പ്രവര്‍ത്തനങ്ങളില്‍ സ​ജീ​വ​മാ​കു​ന്ന​തി​നി​ടെയാണ് വീണ്ടും പഠിക്കണമെന്ന ചിന്തയുണരുന്നത്. പ​ഞ്ചാ​യ​ത്ത് സാ​ക്ഷ​ര​ത പ്രേ​ര​ക് കെ.​പി. സി​ദ്ദി​ഖി​ന്‍റെ പ്രോ​ത്സാ​ഹ​നം ല​ഭി​ച്ച​തോ​ടെ ഏ​ഴാം ത​രം തു​ല്യ​ത​യ്ക്ക് ചേ​ർ​ന്നു.

വി​ജ​യി​ച്ചതോടെ പ​ത്താം ക്ലാ​സ് പ​ഠ​ന​ത്തി​നാ​യി ക​രി​പ്പോ​ൾ ഗ​വ. ഹൈ​സ്കൂ​ളി​ലെ പ​ഠ​ന​കേ​ന്ദ്ര​ത്തി​ൽ ചേ​ർന്നു.

സഹായങ്ങളുമായി പത്താം ക്ലാസിൽ ഉന്നത വിജയം നേടിയ പേരക്കുട്ടിയും

ക​ഴി​ഞ്ഞ എ​സ്.​എ​സ്.​എ​ൽ.​സി പ​രീ​ക്ഷ​യി​ൽ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സ് നേ​ടി​യ പേ​ര​ക്കു​ട്ടി റി​ഫാ​ഹ്​ വ​ലി​യു​പ്പ​യെ ഓ​ൺ​ലൈ​ൻകാ​ല പ​ഠ​ന​ത്തി​ൽ സ​ഹാ​യി​ക്കാ​നെ​ത്തി​യ​പ്പോ​ൾ ആ​ത്മ​വി​ശ്വാ​സം കൂ​ടി.

തു​ല്യ​ത അ​ധ്യാ​പ​ക​രു​ടെ ഓ​ൺ​ലൈ​ൻ ക്ലാ​സി​നൊ​പ്പം സാ​ക്ഷ​ര​ത മി​ഷ​ന്‍റെ യൂ​ട്യൂ​ബ് ചാ​ന​ലി​നെ​യും പ​ഠ​ന​പ്ര​വ​ർ​ത്ത​ന​ങ്ങ​ൾ​ക്കാ​യി ആ​ശ്ര​യിക്കുന്നുണ്ട് മരക്കാർ ഹാജി.

കു​റ്റി​പ്പു​റം ബ്ലോ​ക്ക് പ​ഞ്ചാ​യ​ത്ത് ന​ട​ത്തി​യ ഇ ​സാ​ക്ഷ​ര​ത പ്ര​ചാ​ര​ണ ബ്രാ​ൻ​ഡ്​ അം​ബാ​സി​ഡ​ർ കൂ​ടി​യാ​യി​രു​ന്നു ഇദ്ദേഹം.

പൂർണപിന്തുണയുമായി കുടുംബം

സാ​ക്ഷ​ര​ത മി​ഷ​ൻ പ്ര​സി​ദ്ധീ​ക​ര​ണ​മാ​യ അ​ക്ഷ​ര​കൈ​ര​ളി​യു​ടെ മു​ഖ​ചി​ത്ര​മാ​യി മ​ര​ക്കാ​ർ ഹാ​ജി​യു​ടെ ഓണ്‍ലൈന്‍ പ​ഠ​ന​ ചി​ത്രം വ​ന്നി​രു​ന്നു. ഭാ​ര്യ​യും മ​ക്ക​ളും മ​രു​മ​ക്ക​ളും പേ​ര​ക്കു​ട്ടി​ക​ളും പ​ഠ​ന​ത്തി​ന് ആ​വ​ശ്യ​മാ​യ സ​ഹാ​യ​ങ്ങ​ൾ ന​ൽ​കി ഹാജിക്കൊപ്പമുണ്ട്.

വ​ളാ​ഞ്ചേ​രി ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​രീ​ക്ഷാ​കേ​ന്ദ്ര​ത്തി​ൽ ഹാ​ൾ ടി​ക്ക​റ്റ് വാ​ങ്ങാ​നെ​ത്തി​യ മ​ര​ക്കാ​ർ ഹാ​ജി​യെ ബ്ലോ​ക്ക് പ​ഞ്ചാ​യ​ത്ത്‌ പ്ര​സി​ഡ​ന്‍റ് വ​സീ​മ വേ​ളേ​രി സ്വീകരിച്ചു.

പ്ര​സി​ഡ​ന്‍റിനൊ​പ്പം സ്കൂ​ൾ പ്ര​ധാ​നാ​ധ്യാ​പി​ക ടി.​വി. ഷീ​ല, സാ​ക്ഷ​ര​ത മി​ഷ​ൻ ബ്ലോ​ക്ക് നോ​ഡ​ൽ പ്രേ​ര​ക് കെ.​ടി. നി​സാ​ർ ബാ​ബു എ​ന്നി​വ​രും ഉ​ണ്ടാ​യി​രു​ന്നു.